Алматыда 22 наурызда теміржол және әуе қозғалыстары толықтай тоқтатылады
Алматы қаласы әкімінің орынбасары Ерлан Қожағапанов 22-наурызда қала толығымен жабылатынын мәлімдеді.
Оның айтуынша, Алматылықтарға қалаға оралуға 72 сағат берілді. Дәл осы уақыт ішінде облыс пен өзге өңір тұрғындары қаладан шығып үлгеруі керек. Ал 22 наурызда Алматы толықтай әуе және теміржол қозғалысын тоқтатады.
-22 наурызда сағат 00.00-ден бастап теміржол және әуе қозғалыстары толықтай тоқтатылады, - деді ол.
Айта кетейік, Алматыда карантин 19 наурызда сағат 00.00-ден бастап енеді. Соңғы мәлімет бойынша, Қазақстанда 36 адам коронавирус жұқтырған.
Abai.kz
