CNN телеарнасына сұхбат берген Куомо штат пен федералдық үкімет арасындағы конституциялық дау сотқа жетуі мүмкін екенін айтты. "Дәл қазіргі жағдайда президенттің диктаторлық әдістері тым орынсыз" деді штат губернаторы.
Дональд Трамп дүйсенбі күні Ақ үйде журналистер алдына шығып, штаттар "президенттің мақұлдауынсыз ештеңе істей алмайды" деп мәлімдеген. АҚШ конституциясына сүйенген ол: "АҚШ президентінің билігі күмән туғызбайды", - деді.
Трамптың мұндай мәлімдемесіне екі танымал сенатор-республикашыл қарсы шықты. Вайоминг штатының сенаторы Лиз Чейни "федералдық үкімет шексіз билікке ие емес" деп мәлімдеді. Ал Флорида штатының сенаторы Марко Рубио: "Аурудан сақтану және оны бақылауда ұстау орталығы мен Ақ үй кеңестері маңызды, бірақ Конституция мен ақылға салсақ, шешімдерді штаттар қабылдайды", - деп жауап берді.
Abai.kz
