Ұшақ әскери дайындық кезінде Тоғызқұдық ауылдық округінің аумағына құлап түскен. Бұл туралы Қорғаныс министрлігі хабарлады.

Министрліктің мәліметінше, ұшақ бортында екі ұшқыш болған. Екеуі де тірі. Ұшақ аспанға көтерілгенде оның бір моторы өртенген. Ресми мәлімет бойынша, ұшқыштар ұшақты тұрғындарға қауіп төнбейтін жазық далаға бұрып, өздері дер кезінде секіріп кеткен.

Қорғаныс министрінің бұйрығымен ұшақ апатына қатысты тергеу басталғаны хабарланды. Оқиға болған жерге құтқарушылар жеткен. Қарағанды облысы төтенше жағдай департаменті апатқа қатысты қандай да бір мәлімет беруден бас тартты.

Abai.kz