Шабуылға 51 жастағы Гэбриел Уортман күдікке ілінді. Канада полициясының басшысы Бренда Луцки Си-би-си телеканалына оқиға әзірге теракт ретінде қарастырылып жатқан жоқ, себебін тексеріп жатырмыз деп мәлімдеді. Оның айтуынша, бастапқыда шабуыл жасаушының нақты мақсаты болған, бірақ кейін бейберекет әрекетке көшкен.
Бірінші шабуыл сенбі күні Портапик қаласында болған. Онда үйлердің бірінен бірнеше адам денесі табылды. Жанындағы үйлер өртенген.
Полиция 12 сағат бойы шабуыл жасаушыны залалсыздандыруға тырысқан.
Канада премьер-министрі Джастин Трюдо шабуылды "жан түршігерлік оқиға" деп атады. Жаңа Шотландия үкіметінің басшысы Стивен Макнил "провинция тарихындағы қайғылы оқиға" деді.
1989 жылы Квебектегі Монреаль университетінде атыс болып, 14 әйел қайтыс болған.
Abai.kz
