Мәжіліс Төрағасы Рамазан айының басталуымен құттықтады
Мәжіліс Төрағасы Нұрлан Нығматулин Қазақстан халқын қасиетті Рамазан айының басталуымен құттықтады. Өз құттықтауында:
«Баршаңызды қасиетті Рамазан айының басталуымен шын жүректен құттықтаймын!
Бұл мұсылман қауымы үшін рухани тазарып, береке мен бірлік, мейірім мен ізгілік, қанағат пен сабыр салтанат құратын қасиетті уақыт. Осы уақытта жасаған қайырым, дұға-тілектер қабыл болып, қасиетті ай - әрбір азаматқа, әрбір отбасына амандық, бақыт, ырыс-құт әкелсін! Халқымыз қазіргі уақытша қиындықтан аман өтіп, еліміз аман, жұртымыз тыныш болсын!»,- деді, Нұрлан Нығматулин.
Abai.kz
