Бүгін Алматыда жылыту маусымы басталады
Алматыда 28 қыркүйектен бастап жылу беріледі. Бұл туралы қала әкімдігінің өкілдері хабарлады.
Алматы әкімі Бақытжан Сағынтаевтың тапсырмасы бойынша жылыту маусымы бүгін, 28 қыркүйектен басталады.
«Алматы әкімі Бақытжан Сағынтаевтың тапсырмасына сәйкес бірінші кезекте жылуға әлеуметтік нысандар қосылады. Балабақшаларға, мектептерге, денсаулық сақтау нысандарына бүгіннен бастап, жылу толық беріледі. Тұрғын үйлер ағымдағы апта ішінде жылу жүйелеріне қосылады
Қалада барлығы білім берудің - 144, денсаулық сақтау саласының 133 нысаны және орталық жылу жүйесіне қосылған 8024 көппәтерлі үй бар», - делінген хабарламада.
Abai.kz
