Үндістанда аспалы көпір құлап, 132 адам қаза тапты
Үндістанда жаяу жүргіншілерге арналған көпір құлап, 132 адам мерт болды. Су үстіндегі аспалы көпір опырылып, өзенге батып кеткен адамдар сан жүзден асады.
Оқиға елдің батысындағы Гуджарат штатында болған. Көпір екі жыл бойы жабық тұрып, екі күн бұрын ғана қайта пайдалануға берілгенін жазады, жергілікті ақпарат құралдары.
Апат кезінде көпір үстінде 400-ге жуық адам жүрген. Үндістандағы туристік меккеннің бірі болып саналатын аспалы көпір көпшіліктің салмағын көтере алмай, құлаған. Құтқарушылардың мәлімдеуінше, опат болғандар бұдан да көп болуы мүмкін.
Abai.kz
