ЕО Газада гуманитарлық дәліздер құруға шақырды
Еуропалық Одақ Газада гуманитарлық үзіліс жариялауға шақырды. Бұл туралы ЕО-ның сыртқы саясат және қауіпсіздік жөніндегі Жоғарғы өкілі Джозеп Боррель мәлімдеді, деп хабарлайды Trend.az.
Мәлімдемеде ЕО Газадағы тереңдетілген гуманитарлық дағдарысқа қатты алаңдайтынын атап өтті.
«ЕО соғыс қимылдарын дереу тоқтатуға және гуманитарлық дәліздерді құруға шақырады», — деді ЕО Жоғарғы өкілі.
Айта кетейік, 7 қазанда Израильге тұтқиылдан шабуыл жасалды. Газа секторының аумағынан реактивті снарядтармен жаппай атқылау басталып кетті. Израиль Газа секторының жаппай зымырандық шабуылынан кейін елде соғыс жағдайын жариялады.
Abai.kz
