Жақында Мемлекеттік кеңесші Ерлан Қариннің төрағалығымен 2024 жылғы Қазақстан Республикасының Абай атындағы әдебиет пен өнер саласындағы Мемлекеттік сыйлығын беру жөніндегі комиссияның алғашқы отырысы өтті.

Жұмыс барысында еліміздің шығармашылық зиялы қауым өкілдерінен арнайы іріктелген комиссия мүшелері әдебиет және өнер салалары бойынша Мемлекеттік сыйлыққа ұсынылған 44 жұмысты талқыға салды.

Осы отырыста Мәдениет және ақпарат министрі Аида Балаеваның биылғы Мемлекеттік сыйлыққа түскен жұмыстар туралы ақпараты тыңдалды.

Комиссия дауыс беру қорытындысы бойынша конкурстық іріктеудің келесі кезеңіне өткен үміткерлерді анықтады.

Мемлекеттік хатшының төрағалығымен өткен комиссия отырысында 39 жұмыс тіркеліп, оның 11-і жасырын дауыс беру арқылы келесі кезеңге өтті.

Қоғамдық талқылауға түсетін үздіктердің арасында Мырзатай Жолдасбек, Серік Ақсұңқар, Сауытбек Абдрахманов, Роза Мұқанова сынды қаламгерлер мен суретші Алпысбай Қазығұл бар. Қоғамдық талқылаудан соң, комиссияның қортынды отырысы қазан айында өтетіні мәлім болды.

Abai.kz