Қандастардың білім деңгейі қандай: Жыл басынан 2 185 этникалық қазақ елге оралды.

Бұл туралы ҚР Еңбек және халықты әлеуметтік қорғау министрлігі мәлімдеді.

Жыл басынан бері Қазақстанға келген қандастардың:

46,4% Қытайдан,
41% – Өзбекстаннан,
7,1% – Түрікменстаннан,
1,9% – Ресейден,
1,6% – Монғолиядан және 2% басқа елдерден келген.

Жалпы 1991 жылдан бері республикаға 1 млн 150 мыңнан астам этникалық қазақ оралды

Осы жылғы 1 наурыздағы жағдай бойынша еңбекке қабілетті жастағы этникалық қоныс аударушылар саны 60,8%-ды, кәмелетке толмағандар 30,8%-ды және зейнеткерлер 8,4%-ды құрайды. Еңбекке қабілетті жастағы қандастардың ішінен білім деңгейі бойынша 16,8%-ы жоғары білімді, 30,7%-ы орта кәсіби білімді, 50,8%-ы жалпы орта білімді және 1,7%-ының білімі жоқ, – делінген министрлік хабарламасында.

Қандастарды қоныстандыру үшін келесідей еңбек күші тапшы өңірлер анықталып, орналастырылған:

Ақмола,
Абай,
Қостанай,
Павлодар,
Атырау,
Батыс, Шығыс және Солтүстік Қазақстан облыстары.

Abai.kz