Еліміздегі ең ірі мұнай өңдеу зауыттарының бірі — Атырау МӨЗ аумағында өрт шығып, сөндірілді.

Бүгін түскі сағат 12:55-те зауыт аумағынан ашық жалын шығып, қою қара түтін байқалған болатын.

112 қызметінің мәліметінше, тілсіз жау толығымен ауыздықталып, өрт сөндірілді.

Зардап шеккендер жоқ.

Оқиғаның салдарын жоюға ТЖМ, «Семсер өрт сөндіруші» ЖШС, АТМА әуежайы және NCOC компаниясының авариялық-құтқару қызметтері жұмылдырылды. Оқиға орнында жедел штаб жұмыс істеп, барлық құрылымдардың үйлесімді әрекеті ұйымдастырылды.

Бұл жұмыстарға барлығы 65 адам мен 19 бірлік техника тартылды.

Abai.kz