«Ел бірлігі – біздің барша табыстарымыздың кілті» – деп Елбасымыз атап өткендей, табысын татулықтан тапқан, бірлігі бекем берекелі халық бұл күнде мерекелі өмір сүруде. Ұлт арасында бірлік пен теңдікті тоғыстыра отырып көптеген шаралар өткізілуде. Жас­тар арасында теріс әрекеттерге жол бермеу, құқық­бұзушылықтың алдын алу, сонымен қатар салауатты ұр­пақ тәрбиелеу мақсатымен Алматы облысында «Дрим­сити» деп аталатын бейресми шара болып өтті.

Ел ертеңі – жастар. Бұл сөз терең мағыналы болуда бүгін­гі таңда. Келешектің кілтін алып, кемел елдің болашағы болған жастарға жоғары мін­дет пен үлкен сенім артылуда. Жастар үшін жасалған жақ­сылық, көрсе­тілер көмек те кө­беюде.  Қоғамнан ойып тұ­рып орын беріп, алдыңғы қа­тарға қоюда. Осы орай­да Ал­маты облысының жастар саясаты мәселелері басқар­масы, жастар сая­саты орта­лығы, «Жас Отан» жастар қа­наты ұйымдас­тырған шара бары­сында яркокрос, су ша­шу және ауа шарла­рын ұшы­ру ойындары өткізілді. Спорт пен сала­уат­ты өмір салтын ұста­ну­ды насихат­тайтын түр­лі-түсті бояулар мара­фоны әлемнің 50 елінде өтеді. Соң­ғы уақытта бұл біздің де елі­мізде белең алып, етегін кеңге жаюда. Оның ішінде қала­мызда биыл 2-ші рет ұйым­­дас­тырылуда.  Ассам­блеяның 20 жыл­дығына арналған шара­ның мақсаты – қала жастары мен белсен­діле­рінің жазғы демалыс­тарын қы­зықты өткі­зіп, қарым-қаты­нас­тарын ны­ғайту.  Ша­ра бары­сында об­лыстық жастар сясаты мәсе­лелері басқар­масының бас­шысы Рустам Алпысбаев бей­ресми, бей­сая­си іс-шара­лар, жастар ара­сында түсіну­­ші­ліктің, ұлт­аралық қаты­­нас­тың ныға­юына үл­кен үлес қосатын­дығын ай­тып өтті. Айта кетер­лік жайт 2000-нан аса жасөс­пірімдердің көкке лақ­тырып,  бір-бірінің үсті-басы­­на жағылған бояулары 400 келіден асса, ыстық күн­де рахаттандырып, мал­ман­дай еткен 1000 сушашы­рат­қыш­тар болды. Сонымен қа­тар көкке көптеген шар ұшы­рып көтеріңкі көңіл-күйге бөлен­ді. Қаланың орта­лық алаңын­да жинал­ған жастар­дың дені неше түрлі ұлт өкілдері бол­ды. Кәріс, орыс бастаған бір­лікті жастардың, берекелі за­манда тату-тәтті ойын ой­нап, еркіндікті сезініп, мәнсіз бол­­май, қамсыз жүргендері қуант­­ты. Танымаған жұртқа да бояу жағып, су шашып жүрген жас­тарға елеулі еркіндік беріл­гендей. Сол маңнан мен де ша­ра­ға бөлін­ген қаражат­тың кіш­кентай бөлігін үстіме жағып қайт­тым, түрлі бояуға боянып, суға малындым. Сонымен бірге санама сан­түрлі сауал  оралды.

Жастардың кереметтей кө­ңіл-күйіне арналған бір күннің берері не? Ойын-сау­­ық десе іш­кен асын жерге қоятын жасөс­пірім­дердің рухын, сезімін бас­қа да шаралар арқылы кө­теруге болмайтын ба еді?! деген ой туындады. Се­бебі, беріл­ген мүм­кіндікті молы­нан пай­далан­ған жас­тар, елдің көзінше емін-еркін айма­ла­сып, көзге дөрекі қы­лық­тар көрсетті. Осылай жасасын деген ниетпен ұйым­дас­тырыл­мағанын жақсы бі­леді көпшілік. Белі бесіктен шық­паған балғын­дардың бұдан өзге де қылықтары көңіл қуант­­­­­­пады. Біреудің қаң­сы­ғын таң­сық қылып, яр­кокрос мара­фонын өз жұр­тына жағымды қылған 50 елдің қатарында біз де жүрміз. Шетелдің ойыны­мен ша­быт­танған шараны тату­лықты, бірлікті кү­шей­ту мақ­са­тында ұйым­дас­тыр­дық. Бір­ақ осы күн­ге дейін, осындай даң­ғаза­сыз-ақ, бүкіл елдің бір­лігін биікке көтеріп, татулығын тұғыр­дан құлатпаған Ел­басы неше түрлі ұлт, неше түрлі дін өкілдерінің басын бір дастар­қанда қосты. Сөйтіп бірлікті насихат­таудың асқан үлгісін көрсетті. Елбасы сенген ел ертеңі болады деген жас­та­ры­мыз не істеп жүр? Оны қой­ғанда бір күндік қы­зық­қа бола біреудің үстіне жағылып, қай­тадан сумен шайылып кеткен бояу, аспанға аты­лып, жерге шашылған неше түрлі шар­ға кеткен қара­жатты айт­сай... Еріккен ер­кін­дікті елі­мізге ендіріп, қо­мақ­­ты қа­ра­жатты құр жі­бер­­генше, Рамазан ай­ын­­да жағдайы төмен жан­дарға көмек қылып берсек сол сау­ап емес пе?! Айдай ашық алаң­да әлдекімдерді сүйіс­тір­генше... Бұл шара­ның құ­ры бос­қа секіріп, ер­кін­діктен кекі­ріп жүр­ген жас­тардың әлеу­ләй­лімін көр­­сет­кеннен өзге берері  бол­­мады. Бұл менің өз ойым!

Құралбек СӘБИТОВ

Abai.kz