Қазақстанда Құртафелло тауар белгісі тіркелді. Бұл туралы Tengrinews.kz хабарлайды. Оңтүстік Қазақстан облысының кәсіпкері Айнаш Убайдуллаева құрттың саудасына осылайша назар аударғысы келген.

"Қымызбен айналыстым, клиенттерті тарту үшін Интернетте бір қызық іздедім, себебі Шымкентте бәсеке көп, қымыз көп, жаңа бірдеңе ойлап тапқым келді. "Құртафаелло" деген атауды көрдім, маған бұл идея бірден ұнап қалды. "Құртафелло" деп сәл өзгерткім келді. Бізде ең дәмді құрт бар, оны ауылдан жеткіземіз. Бренд жасағым келді, адамдарды құртқа қызықтырғым келді", - дейді кәсіпкер. Орташа алғанда бір қап құрт 250 теңге тұрады.

Айнаш Убайдуллаеваның айтуынша, Raffaello брендінің өкілдерінен шағым күтудің қажеті жоқ. Авторлық құқық жөнінде ол Астанадағы мамандармен кеңесіпті, кейін ол "Құртафелло" тауар белгісін тіркеді.