Ирактан қашқан Қазақстан тумасы Ресей әуежайынан шыға алмай отыр, - деп хабарлайды Абай-ақпарат.

Ресей билігі 34 жастағы Қазақстанда туып-өскен Гүлістан Исашахованы паспортының дұрыс еместігін алға тартып, әуежайдан сыртқа жібермей отыр. Ол екінші апта күйеуі және төрт баласымен бірге Шереметьево әуежайының транзиттік зонасында тұрып жатыр.

Ол 1998 жылы Иракқа шығармашылық іссапарымен барып, сол жақта қалып қояды. 2000 жылы тұрмысқа шығады. Қазір төрт баласы бар. Олар отбасымен Ресейге келуді шешіпті. Себебі мұнда Гүлістанның әпкесі және ағасы тұрады. Бүгінде туыстары әуежайға күнделікті тамақ әкеліп, Гүлістанның отбасына көмектесіп отыр.

Абай-ақпарат