Кеңестің төрағасы ел президенті Гурбангулы Бердімұхаммедов сөйлеген сөзінде Түркіменстан ешбір әскери одақтарға қатыспайтынын мәлімдеді.

«Түркіменстан қатал міндеттемесі бар немесе қатысушыларға ұжымдық жауапкершілік жүктейтін халықаралық бірлестіктерге мүше болмайды. Түркіменстан өзінің аумағында шетел мемлекеттерінің әскери базасын орналастырмайды. Түркіменстан өзге елдерге экономикалық қысым көрсетпейді және жарияланған экономикалық оқшаулауға қатыспайды», - деді түркімен президенті.

Біріккен Ұлттар Ұйымының Бас Ассамблеясының «Түркіменстанның тұрақты бейтараптылығы» жөніндегі резолюциясы 1995 жылы желтоқсанның 12-де қабылданды.