«Неміс толқынының» хабарлауынша, РФ сыртқы істер министрінің орынбасары Григорий Карасин осындай кездесудің дайындалып жатқанын және онда қарабақ мәселесін реттеу талқыланатынын айтқан. Оның сөзінше, Венадағы келіссөздерге АҚШ мемлекеттік хатшысы Джон Керри, Ресей мен Франция сыртқы істер министрлері Сергей Лавров және Жан-Марк Эйро қатысады.

Үш дипломат Венаға Сириядағы жағдайды талқылауға келеді. Ресей, Франция және АҚШ ЕҚЫҰ-ның Таулы Қарабақ мәселесін реттеу туралы Минскілік тобының тең төрағалары боп табылады.

Минск тобының 12 мамырда жарияланған мәлімдемесінде үш елдің сыртқы істер басшыларының Армения мен Әзірбайжан арасындағы өзара сенімді алпына келтіретін және оқ атуды тоқтатуды көздейтін кездесуді ұйымдастыруға атсалысуға дайын екені туралы айтылды. Құжатта қарабақ мәселесін әскери әдіспен шешу жолының жоқтығы жайлы және зорлық-зомбылық тыйылмаса келіссөздерден нәтиже болмайтыны туралы жазылған.