Алайда ұлттық орталық спортшылардың есімдерін жарияламай отыр.

Бірақ спорт журналистері мельдоний препаратымен ұсталған қазақстандық спортшылар қатарында Азия чемпиондары мен Рио олимпиадасына жолдама алған атлеттер бар екені мәлім болғанын айтады.

Жыл басынан бері 960 допинг сынамалары алынып, тыйым салынған препараттар қолданудың 18 оқиғасы анықталған.

WADA (Допингке қарсы халықаралық агенттік) 2016 жылы қаңтардың 1-інде мельдоний препаратын допинг тізіміне енгізген. Агенттік 2016 жылдың басынан бері 288 спортшының қанынан мельдоний табылғанын мәлімдеді.

Республикалық допингке қарсы ұлттық орталықтың директоры Майра Бақашеваның айтуынша, мельдоний тыйым салынған препараттар тізіміне енгеннен кейін Қазақстанда жаппай түсіндіру жұмыстарын жүргізілген.