Алматыда танымал актер, әнші Тәуекел Мүсілімнің тойы өтті. Отандық телехикаяларға түсіп, мыңдаған қыздың жүрегін жаулаған азамат оралдық бойжеткенді өзіне жар етіп таңдаған екен. Сүр бойдақ болумен қош айтысқан Тәуекел Мүсілімнің дүбірлі тойы туралы «31 арна» тілшілері хабарлайды.

"Келіндер бәйгесі" атты жаңа реалити-шоудың тұсаукесері. Той форматында өткен кездесудің негізгі мақсаты біреу, көпшілікті жаңа жобаның мазмұнымен жақын таныстыру.

БАҒДАТ ҚОЖАХМЕТОВ, «31 арна»  Бас директоры:

- Отбасымен бірге көру үшін жастардың бастарын қосу керек деген ойға келдік. Қазақстандықтарға келетін салт-дәстүрлерді көпшілікке жеткізу.  

Жоба барысында 4 қалыңдық бір-бірінің тойына қатысып, мейрамхананың безендірілуі, дастарханның дәмі, той кешінің ерекшелігі мен той көйлектің әсемдігіне баға беретін болады. Өз қарсыластарынан ең көп ұпай жинаған қалыңдық жеңімпаз атанып, шетелге екі адамдық жолдама алады.

ӘСЕЛ ТОЯНОВА, атқарушы продюсері:

- Бір аптаның ішінде біз мыңға жуық анкета алдық. Біздің тойымызды келіп түсірсеңіздер екен, біз бұл бағдарламаға қатыссақ екен деген. Ең көп қатысқысы келгендер Шымкент, Тараз қалаларынан болды. Сондықтан біздің бағдарлама Тараз қаласындағы тойлардан басталады, ары қарай Алматы, Алматының төңірегі және Шымкент қаласындағы тойларды түсірдік.  

Ал жаңа жобаның тұсаукесеріне келіп, жас жұбайлардың ырым-жоралғысын көрсетуге қатысқан Тәуекел Мүсілім жақын уақытта үйленбейтінін айтады. Алайда "Келіндер бәйгесінде" айтылатын ескертулерді мұқият тыңдап, есте сақтап, болашақта тойында қолданатынын жеткізді. 

ТӘУЕКЕЛ МҮСІЛІМ , актер:

- Қазір өзімнің қалыңдығым да жоқ үйленетіндей. Өзімнің арманымдағы қызым ол, әрине, ұлты қазақ болады. Қалғанының барлығын дәстүрге сай қылып келтіреміз деп ойлаймын. 

 Abai.kz