Күні кеше ғана АҚШ-та кезекті президент сайлауы аяқталып, республикашыл Доналд Трамп жеңіске жеткенін хабарлаған едік. Сайлаушылардың 48 пайыз дауысын жинаған Доналд Трамп АҚШ-тың нөмірі 45-президенті болды. Әлем мемлекеттерінің басшылары өздерінің ақжарма құттықтауларын жолдады. Доналдтың басты қарсыласы демократияшылдар атынан додаға түскен Хилари Клинтон жеңілгенін мойындап, Трампты құттықтады. Хош, болса болыпты да.
Алайда күллі әлемге нағыз демократияның қандай болатынын паш еткен Америка тұрғындары кешелі бері көшеде жүр. Сайлаудың соңы жалпы халықтық наразылық шеруіне ұласты. Трапмқа қарсы. «Трамп біздің Президентіміз емес!» дейді белсенді қоғам азаматтары. Бұл наразылық біздің де назарымызды аударғандықтан шолу жасауды жөн көрдік.
«BBC» агенттігінің ақпараттарына сүйенсек, Трампқа қарсы наразылық шаралары Нью-Йорк, Окленд (Калифорния), Портленд, Лос-Анджелес, Чикаго, Вашингтон, Филадельфии, Бостон, Сиэтл және Сан-Франциско қалаларында өтуде.
Ал АҚШ-тың 44-президенті Барак Обама сайлау додасында Трампты «түкке жарамсыз» (unfit) деп, Америка тұрғындарын Хилари Клинтонға дауыс беруге шақырғанымен, сайлау қорытындысы шыққан соң халықты Трамптың жеңісін мойындау керектігін мәлім етті.
«Қазір біз барлығымыз оның жұмысына сәттілік тілейміз», - деді ол.
Тіпті, жұртты сабырға шақырған Хилари Клинтон да Трампқа бір мүмкіндіктің берілуі тиіс екенін айтты.
Сәрсенбінің түнінде АҚШ көшелеріне шыққан белсенділер Доанльд Трамптың президент болып сайланғанын мойындамайтынын айтқан.
Басылымның жазуынша, алаңға жиналғандардың басым көпшілігі жастар болған. Ал жергілікті полиция «Trump Tower» ғимаратын қоршауға алып, құм тиелген жүк көліктерін жеткізген.
Демонстранттар «Трамп f**king» деген сәлемдерін қабылдамайтын болса, күнде жиналатындарын айтып сес көрсетуде.
«CNN» агенттігінің хабарлауынша, наразы топқа Дональд Трамптың рассистік көзқарастары ұнамаған. Әсіресе, Америка-Мексика шекарасында қорған тұрғызу туралы бастамасы ксенофобиялық ахуалды ушықтырып отыр.
Ал «THEGUARDIAN» басылымы «Анти-Трамп акциясына қатысасыз ба?» атты сауалнама жасаған. Аталған басылым Дональд Трампқа қарсы наразылық шараларында айтылған ұрандарды тізбелеп шыққан екен. Мысалы, «Доналд Трампты допортациялау керек», «f**k Трамп», «Фашистерге жол жоқ», «Трамп, сен боссың!», «Транс құқық – адам құқығы шеңберінде», «Адам құқығы – әйелдер құқығы», «менің денем – менің таңдауым» т.б.
Түйін: Батыс басылымдарының көбі бұл сайлауды АҚШ тарихындағы ең лас сайлау деп бағалапты. Жеңімпаз Дональд Трамп сайлауалды науқанда егер Президент атанып, Ақ үйге баратын болса, елдегі босқындарды, исламды тұтынатын тұрғындарды, алыс-жақын елдерден келген еңбек мигранттарын Америкадан қуып шығатынын айтып, Америка мен Мексика шекарасында қорған тұрғызуға уәде берген. Одан бөлек, Трамп нәсілдік, жыныстық дискриминацияға жол беріп, Хиллариді «әйел кейпіндегі еркек» деп әжуалаған болатын.
«Financial Times» басылымы Дональд Трамп пен қашқында жүрген Алматының экс-әкімі Виктор Храпунов арасында қарым-қатынас бар екендігін жазған еді.
Ал күні кеше ғана Қазақстан Президенті Нұрсұлтан Назарбаев Дональд Трампты сайлаудағы жеңісімен құттықтап, Қазақстанға шақырды.
