Порошенко Трамппен телефон арқылы сөйлесті
Украина президенті Петр Порошенко АҚШ-тың жаңадан сайланған президенті Дональд Трамппен телефон арқылы сөйлесті. Бұл туралы Украина президентінің сайтында хабарланды.
Порошенко Трампты сайлаудағы жеңісімен құттықтап, стратегиялық әріптестікті нығайту үшін жаңа әкімшілікпен белсенді араласуға дайын екенін білдірді.
Президент Порошенко ресейлік агрессияға қарсы тұру және реформаларды жүзеге асыру үшін Вашингтонның Украинаны қолдауы өте маңызды екенін атап өтті. Президенттер алдағы уақытта да тығыз араласып тұруға, тіпті кездесу өткізуге уағдаласты.
Порошенко Трампты қолайлы бір уақытта Украинаға сапарлап келуге шақырды.
Абай-ақпарат
