Қарағанды облысында Астанаға бет алған пойыздаН өрт шықты, деп хабарлайды «ҚазАқпарат» ХАА тілшісі «Қазақстан Темір Жолы» компаниясының мәліметіне сүйене отырып.

Төтенше оқиға бүгін түсте болған.

«Бүгін сағат 12:22-де Сарыағаштан Астанаға бет алған жолаушылар пойызының вагонында өрт шыққаны туралы хабар келіп түсті», - деп хабарлайды «Қазақстан Темір Жолы» компаниясы. Машинист Қарағанөзек-Қарабас аралығында «Қарағанды-Сортировочная» темір жолының 745-шақырымында пойызды тоқтатты.  

Пойыздың құрамы өздігінен жолаушыларды эвакуациялап, өртке оранған вагонды тіркеуден ағытқан. Өрттің жалпы аумағы 30 шаршы метр. 3 купе, қалқан, төсек-орын жабдықтары жанып кеткен.

Абай-ақпарат