Кәрімов туыстарының адвокаттары Өзбекстанды сынады
Өзбекстанның алғашқы президентінің әйелінің туысқан інісі Акбарәлі Абдуллаев өзін Ташкентке беруіне қарсы күресіп жатыр. 7 наурызда Киевте оның адвокаттары Өзбекстанға сенім жоқ деп мәлімдеді.
23 ақпанда Киев қалалық соты Абдуллаевтың қамаудағы мерзімін 1 жылға созу туралы шешім шығарды. Қазіргі таңда ол Украина қауіпсіздік қызметінің тергеу абақтысында отыр. 33 жастағы Абдуллаевты биыл 14 қаңтарда украиналық шекарашылар ұстады. Оны Өзбекстанның Бас прокуратурасы сұратқан. Абдуллаевты отанында жүздеген миллион долларды меншіктеді деген айып тағылған.
Дегенмен, күдіктінің өзі жасаған қылмыстары үшін жазасын тартқанын, қазіргі айыптардың саяси астары барын мәлімдеп отыр.
Абай-ақпарат
