«О чем говорят казахи?» - журналист Игорь Хеннің жобасы. Бағдарламаның жүргізушісі – саясаттанушы Ерлан Саиров. Бағдарлама  www.zonakz.net сайтына шыққалы бері интернет тұтынушылардың талқылайтын тақырыбына, айтатын әңгімесіне айналып үлгерді. Эфирдегі әңгіме қазақ тілінде болады. Содан кейін сұхбат барысы орыстіліне аударылып, сайтта жарияланады. Сұхбаттың тәржімаланатын себебі: бір елде, бір елдің ақпараттық кеңістігінде бірге өмір сүріп жатсақ та, орыстілді әріптестеріміз бізбен тілдесуді, ортақ мәселелерді бірігіп талқылауды білмейді. Көбі өзін Қазақстанда тұратын Ресей баспасөзінің өкілі ретінде сезінеді. Осындай ала-құла ортаны жақындастыруды ниет еткен Игорь мен Ерланға: "Қолға алған істерің үлкен нәтижелерге ұлассын", - деген тілектеміз.
Abai.kz

Abai.kz