"Түркіменнебит" мемлекеттік концерні қызметкерінің айтуынша, басшылық талабы есептеуіш құралын орнатумен шектелмейді, қызметкерлер оны суретке түсіріп көрсетуі тиіс. "Содан кейін ғана су есептеуіштерін орнату жөніндегі күнделікті жиналыстарға шақыруын доғарады", - деді ол.

Балқан облысында су есептеуіштерін орнатуды Түркіменстан президенті Гурбангұлы Бердымұхамедовтың әлеуметтік салада жаңа технологиялар енгізуге қатысты жарлығымен қолға алды.

Түркіменстан басшылығының мәлімдеуінше, су, газ және электр қуаты халыққа тегін беріледі. Бірақ 2016 жылы қыркүйекте Ақсақалдар кеңесінің жиналысында тегін су, газ және электр қуатын алып тастау ұсынысы бірауыздан бекітілді.

Абай-ақпарат