Өзбекстанда бұрынғы түрме қараушысы ұсталды
Ташкентте 9 наурызда Өзбекстан ІІМ Бас жазалауды орындау басқармасының бұрынғы басшысы, милиция полковнигі Абдукарим Шодиев ұсталды.
Бұл туралы 12 наурызда Озодлик радиосына Өзбекстан тәуелсіз құқыққорғаушылар бастамашыл тобының жетекшісі Сурат Икрамов хабарлады.
56 жастағы Шодиевке "билікті асыра пайдалану" және "кінәсізді жауапқа тарту" қылмыстары бойынша айып тағылған.
Шодиев 1999-2018 жылдар аралығында Бас жазалауды орындау басқармасын басқарды. Ұсталар алдын Өзбекстан ІІМ академиясында ұстаз болып істеген.
2003 жылы БҰҰ-ның азаптау мәселелері жөніндегі арнайы баяндамашысы Тео ван Бовен Өзбекстанда азаптау жүйелі түрде жүргізіліп келеді деп мәлімдеген.
Abai.kz
