"Облыстан бізге бірнеше тонна пияз бен картоп жолдаған. Облыс пен аудан басшылары әрбір дәрігер 20 келі көкөніс сатып алсын деп тапсырған. Біздің басшылық оны сатып алудан бас тартқандар жұмыстан шығу туралы өтініш жазуын талап етті", - дәрігерлердің бірі.

Оның айтуынша, қызметкерлердің көбісі басшылық ұсынған көкөністі алғысы келмеді, өйткені олар пияз пен картопты өздері өсіріп ала алады.

Китаб ауданындағы мектептердің бірінің мұғалімі басшылық өніп кеткен көкөніс сатып алуға мәжбүрлегенін мәлімдеді. "Биыл базарда пияз көп. Бір келісі 500-800 сум тұрады. Ал бізге пияздың бір келісін 1800 сумға (шамамен 0,3 доллар) ұсынып отыр. Базарда картоптың келісі 3 мың сум тұрса, олар бізге 3800 сумнан сатты", – деді ол.

Қашқадария облысы Яккабаг ауданындағы бір мектептің мұғалімі "ұстаздардың айлығынан пияз пен картопқа 32 мың сум ұстап қалғанын мәлімдеді.

Китаб ауданындағы медициналық бірлестіктің бас дәрігері Хаким Саидов медициналық қызметкерлерден картоп пен пияз сатып алуға мәжбүрлеп жатқанын жоққа шығармады.

Abai.kz