«9 мамыр – Ерлік күні» аталсын

ҚР президенті Н.Назарбаевқа

ҚР парламентінің депутаттарына

9 мамыр күнінің «Жеңіс күні» аталуы Ресей Федерациясының Екінші Дүниежүзілік соғысты ТМД елдеріне «Ұлы Отан соғысы» есебінде мойындату саясатының жалғасы болып табылады. Аталмыш соғыстың әлемдік тарихта «Екінші Дүниежүзілік соғыс» ретіндегі әлемдік мазмұны тарылып, тек қана бір елдің тарихи идеологиясына айналып отыр.

Елімізде мемлекеттік мереке ретінде аталып өтетін «9 мамыр - Жеңіс күні» мейрамы тәуелсіз Қазақстанның саяси-идеологиялық сипатына нұқсан келтіріп, баба ұрпақтың тарихи қадырын төмендетуде. Әлемдегі аумағы жағынан тоғызыншы орынды алуымызға ата-бабамыздың бірнеше ғасырлық жанқиярлық ерлігінің орны әлемет! Алайда, бұл маңызды тарихи жайт бүгінгі ұрпақ тарапынан жеткілікті дәрежеде ескерілмеуде әрі дәріптелмеуде.

Аталмыш тарихи әділетсіздікті жойып, еліміздің тарихына біртұтас әділ мазмұн беру үшін «9 мамыр - Ерлік күні» аталсын. Сөйтіп, еліміздің еліміздің бір ғана тарихи актыға қатысу мезетімен бірге, халқымыздың бірнеше ғасырлық тарихи жадын дәріптеу қолға алынсын.

Біздің азаматтық бастамамызды қолдауыңызды сұраймыз.

Серік Ерғали

Жанарбек Ақыбиұлы

Жібек Ақыби

Арман Қани

Бақтылы Қасымқызы

Сағат Жүсіп

Даурен Айманбетов

Төлемырза Темірбекұлы