Президент пәрменімен отставкаға кеткен Үкіметтің ендігі экс-басшысы Бақытжан Әбдірұлы Сағынтаев арнайы мәлімдеме жасап, Елбасына алғысын жеткізді. Бұл туралы Премьер-министрдің ресми сайты хабарлады. 

Бақытжан Әбдірұлы Сағынтаевтың мәлімдемесін қаз қалпында жариялағанды жөн көрдік.

Бүгін Үкімет отставкаға кетті.

Тәуелсіз Қазақстан мемлекетінің негізін қалап, бүгінгі биіктерге жеткізген Елбасы халқының өсіп-өркендеуін әрқашан ең басты қағида ретінде ұстанып, әрбір шешімін мемлекет пен халықтың мүддесі тұрғысынан қабылдап келеді.

Мемлекет құру оңай жұмыс емес. Жас мемлекетті түрлі қайшылықтар мен қақтығыстардан аман алып өтіп, тарихи өлшеммен алғанда тым қысқа мерзімде осындай абыройлы Ел ету шын мәнінде шексіз құрметке лайық.

Елбасы — еліміздің сан мың жылдық тарихындағы ең жауапты кезеңде халқымыздың бағына берген ұлы да жасампаз тұлғасы. Сол себепті, халқымыз баянды бүгіні мен жарқын болашағын тек қана Елбасының есімімен байланыстырады.

Өткен екі жарым жыл бойы Үкімет тізгінін тапсырып, жоғары сенім білдіргені үшін Елбасы Нұрсұлтан Әбішұлы Назарбаевқа шынайы алғысымды білдіремін.

ҚР Үкіметінің бұрынғы басшысы Бақытжан Сағынтаев

Abai.kz