«تومەندەگى تاريحي فوتوسۋرەتتەگى قىز تابىلىپتى، ءتىرى ەكەن» دەگەن ءسۇيىنشى حاباردى ەستىگەندە جۇرەگىم ەلجىرەپ كەتتى. سول كەزدەگى بويجەتكەن انار راحىمجانوۆا  ەكەنىن ەستىدىم.

«جولى بولار جىگىتتىڭ، جەڭگەسى شىعار الدىنان» دەگەندەي، سول ساتتە ءۇرجار اۋدانىنداعى ءبىر تانىسىم: «مىناۋ مەنىڭ قۇداشام» دەپ قالدى. وعان كەنەشە جابىسىپ ءجۇرىپ، قايسار قىزدىڭ تەلەفون نومىرىنە قول جەتكىزدىم. جۇرەگىمدى تولقىتقان جان ءوزىمىزدىڭ شىرايلى شىعىستىڭ قىزى، جەرلەسىم بولىپ شىقتى.

قازىرگى كۇنى انار راحىمجانوۆا ۇلىن ۇياعا، قىزىن قياعا قوندىرعان باقىتتى انا، اياۋلى جار. سول كەزدەگى سولاقاي جۇيەنىڭ سالدارىنان تالاي ارمانىنا بالتا شابىلسا دا ساعى سىنباعان.

«مۇعالىم بولىپ، بالا تاربيەلەۋ ارمانىم ەدى. جەلتوقسانعا قاتىسقانىم ءۇشىن مەنى جوعارى وقۋ ورنىنا بەس جىل كولەمىندە جولاي المايتىنداي ەتىپ شەشىم شىعارعان بولاتىن. ساعىمدى ءبىر رەت سىندىرعاننان كەيىن ارى قاراي نيەتىم دە بولمادى. باستىسى حالقىمنىڭ كادەسىنە جاراسام بولدى» - دەگەن سوزدەرىنەن ونىڭ بويىنان قازاقى قاراپايىمدىلىعى اڭعارىلىپ تۇردى.

قالاي دەسەك تە، قازاق قىزدارىنىڭ بويىندا ايەل بالاسىنا ءتان نازىكتىكپەن قاتار جاۋدىڭ مىسىن باساتىن  قايسارلىق تا بار. ارينە، بۇل قاسيەت، اسىرەسە ۇلتتىق تاربيەمەن سۋسىنداپ وسكەن اۋىلدىڭ قىزدارىنان اڭعارىلىپ تۇرادى.

وسى كۇنگە دەيىن تاريحي سۋرەت ەرلىگى مەن ورلىگىن دالەلدەپ كەلە جاتسا دا، تاۋەلسىز مەملەكەتىنەن ەش ماراپات كورمەگەن ء(تىپتى، دامەتپەگەن) التىن جۇرەكتى اپايىمىزعا قاراپايىم حالىقتىڭ اتىنان العىس ايتۋعا رۇقسات ەتىڭىزدەر!  

كەنجەگۇل تەرگەمباەۆانىڭ الەۋمەتتىك جەلىدەگى پاراقشاسىنان

Abai.kz