ميۋنحەندە ءوتىپ جاتقان كونفەرەنتسيادا بۇل كىسىنى ەشكىم تانىمادى. پىكىرتالاس كەزىندە كوپتىڭ ىشىنەن قول سوزىپ سوزگە رۇقسات سۇراعان اق سارى كوك كوز كەلىنشەككە مودەراتور: ء"وزىڭىزدى تانىستىرىپ ءوتىڭىز دە، سۇراعىڭىزدى قويىڭىز..." دەگەندە، قاراپايىم كيىنگەن جاس əيەل:

- مەن ەستونيانىڭ پرەزيدەنتى كەرستي كاليۋلايدپىن، -- دەدى...

بۇل وقيعا ءبىز ءۇشىن ادام نانعىسىز ەرتەگى سياقتى بولعانىمەن، كوزىمىز كوردى، ونى بۇكىل ەۆروپا تەلەديداردان تاماشالادى.

ەستوندىق جۋرناليستەر ۇيالعان سىڭاي تانىتتى. ءبىراق ءوز پرەزيدەنتتەرىنىڭ قاراپايىمدىلىعىمەن ولاردىڭ ماقتانۋى كەرەك ەدى.

ءوز ەلىنىڭ، حالقىنىڭ، مەملەكەتىنىڭ ناعىز قىزمەتكەرى وسىنداي بولۋى كەرەك ەدى.

جۇزدەگەن نوكەر، قاپتاعان وققاعار، برونەاۆتوموبيل، پوليتسيا قورشاۋى، سالتاناتتى ەسكورد، ت.ب. تولىپ جاتقان "پونتسىز" جۇرت الدىنا شىقپايتىن، بوتەن ەلدە ماقتانىپ قوجاقىرتىلعا باسپايتىن باسشىنى كورمەي كەتەتىن شىعارمىز. پرەزيدەنتتى بىلاي قويساق، كەۋدەلەرى وردەن-مەدالگە تولى پارلامەنت پالاتالارىنىڭ سپيكەرلەرى، ۇكىمەت باسشىسى مەن ونىڭ ورىنباسارلارى، ءتىپتى مينيسترلەردىڭ وزدەرى ەل ىشىندە شۋىلداتىپ، دۋىلداتىپ ءجۇرۋدى əدەتكە اينالدىرىپ العان...

ۇيالامىن سولاردىڭ وسى قىلىعىنان.

ناعىز پرەزيدەنتتىڭ يدەالى - حالقىن ريزا قىلىپ، تالاي ساياسي، ەكونوميكالىق جەتىستىكتەگە مۇرىندىق بولىپ جۇرگەن، بولاشاقتى بايىپپەن بارلاپ، دەگەنىن ىڭ-شىڭسىز اتقارىپ جۇرگەن ەستونيانىڭ پرەزيدەنتىندەي بولار...

تəربيە كورگەن دەيمىز بە؟

نۇرحان حامزەۇلىنىڭ الەۋمەتتىك جەلىدەگى جازباسىنان

Abai.kz