كەي جازبالارىندا ءدىندى تەرەڭ زەرتتەپ جۇرگەن تانىمال دوس "تاڭىرشىلدىك دەگەندى قىتايلار تىقپالاپ وتىر" دەگەن ورەسكەل قاتەلىكتەرگە جول بەرىپتى...
وسىنى وقىپ "ول قايدان كەلگەن قىتايلار، ولاردىڭ كوفۋتسيى وزدەرىنە جەتىپ جاتىر - ءبىزدىڭ ءتاڭىر تۇسىنىگىمىزدە نە شارۋاسى بار؟" دەپ ويلادىم..

جالپى، ءدىن - جەكە باستىڭ ءىسى بولۋى كەرەك. ال، بىزگە تاڭىرشىلىكتى "تىقپالاۋشى" قىتايلار ەمەس. ءتاڭىر تۋرالى اڭگىمەلەردى سوناۋ مودە حان تۇسىندا ونىڭ مۇحامبەت پايعامباردىڭ ەلشىسىنە ايتقان سوزىنەن بىلەمىز...
ونى كۇلتەگىن جازبالارىنان وقىپ جاتىرمىز...

ال، مۇنداعى زاماندا ول وتكەن عاسىردىڭ 70 جىلدارىنان بەرى ايتىلىپ كەلەدى. سوندىقتان، ونىڭ شىعۋى قازاق حالقىنىڭ ءتۇپ تاريحىنان باستاۋ الىپ جاتىر.

مىسالى، ولجاستىڭ "از ي يا" كىتابىنداعى كونە شۋمەر مادەنيەتىنىڭ تۇركىلىك نەگىزى دە وسى - تاڭىرگە جەتەلەپ اكەلەدى.

مىسالى، ءزوراستريزمدى مۇقيات زەرتتەسەڭىز - ول دا جاراتۋشى تاڭىرگە كەلىپ تىرەلەدى.

مىسالى، حان ءتاڭىرى تاۋىمىزدىڭ اتىن دا قىتايلاردىڭ قويماعانى انىق!

مىسالى، بۇگىنگى سالت-ءداستۇرىمىزدىڭ دەنى ءالى كۇنگە سول تاڭىرلىك-كوشپەندى زاماننان بەرى وزگەرمەي كەلە جاتقانى.

مىسالى، جان ازاسىنىڭ (جانازا) دا ارعى توركىنى تۇركىلىك-تاڭىرلىك دۇنيەتانىمنان قۇرالعانى. (ونى قازىر يسلام "مەنشىكتەپ" الدى دەمەسەڭىز).

مىسالى، "ادامنىڭ جانى ارۋاققا اينالادى" دەگەن ۇعىمدى قاي يسلامنان تاباسىز؟ ال ءبىز ءالى كۇنگە سولاي ويلايمىز! "ارۋاق قونادى", "ارۋاق اتادى", ارۋاعى قاشتى" دەگەن تۇسىنىكتەر شە؟

....سوندىقتان، ءتاڭىرىن ىشتەي قۇرمەتتەيتىن مىڭداعان قازاقتىڭ كىرشىكسىز سەنىمىن لايلاپ، ولاردى "قىتاي اگەنتتەرى" ەتىپ شىعارۋ - پسيحولوگيالىق اگرەسسياعا جاتادى! نەگىزى، ولار ء(تاڭىرىن تانىعاندار) ءتول تاريحىنا تۇتاس قارايتىن (يسلامنان دا ارعى), تەرەڭ تاريحىن تۇگەندەۋ ارقىلى ۇلتىنىڭ ۇلىلىعىن دارىپتەيتىن ءوز حالقىنىڭ ناعىز پاتريوتتارى!.

ءدىن - سەنىمنىڭ ساياسيلانعان ءتۇرى. بۇگىنگى دىندەردىڭ ءبارى - يدەولوگيالىق قىزمەت اتقارادى. تەك ءبىزدىڭ ارعى بابالارىمىزدىڭ تاڭىرگە دەگەن سەنىمى عانا - مىڭداعان جىلداردا ەۆوليۋتسيالىق جولمەن پايدا بولعان كريستالداي تازا سەنىم. (ەشقانداي ساياسات جوق)

وسى سەنىم بولسا - دىنگە دەگەن قاتىناس تا وزگەشە: ول - "دىنىڭە قۇرمەت! بىراق ونى ءوزىڭ ۇستا، مەنى زورلاما!" دەگەن ۇستانىم. (مودەنىڭ پايعامبار ەلشىسىنە بەرگەن جاۋابى دا وسىلاي ما ەدى...) سوندىقتان ء"تاڭىر" دەيتىندەر ەشقاشان "اناۋ جامان، مىناۋ جامان - ءبىز عانا جاقسىمىز" دەپ ايتپايدى.

قاجەتى نە - "تۇيسىگى جەتكەن - ءوزى تانىپ-بىلەر (مويىندار). تانىپ-بىلمەسە (مويىنداماسا) - دۇنيە كۇيىپ كەتپەس!" دەگەنىنەن اينىمايدى! (تاڭىرگە دە ودان كەلىپ-كەتەرى شامالى).

ەڭ باستىسى - بۇل ازاماتتاردىڭ (تاڭىرشىلەردىڭ) ەۆوليۋتسيالىق جولمەن پايدا بولعان تاڭىرگە دەگەن سەنىمى ارقاسىندا "ادامنىڭ ءومىرىنىڭ بارلىق ءمانى دە، جاقسىلىعى دا تىرشىلىگىندە ء(تىرى كەزىڭدە)" دەپ بىلەتىنى!

ادام ءومىرىنىڭ ماعىناسى - و دۇنيگە دايىندىق ەمەس نەمەسە قورقىپ قانا امال ەتۋ ەمەس، ونىڭ ماعىناسى - وسى ومىردە "تاڭىرگە لايىقتى ءومىر ءسۇر، جاقسىلىقتى دا تىرشىلىكتە جاسا" دەيتىن ۇلى ءتاڭىر زاڭى!

سوندىقتان، ءبىزدىڭ كونە سەنىمنىڭ نەگىزىندە جاسامپازدىق پەن ىزگىلىك جاتادى.
تابيعاتپەن ۇيلەسىم - گارمونيا جاتادى (بۇكىل جاراتىلىس ءتاڭىردىڭ توزاڭىنان (تانىنەن) دەگەن تۇسىنىك). كۇننىڭ شۋاعى جاتادى!

بۇل دەگەنىمىز - سوقىر سەنىم ەمەس، بۇل - تانىپ-ءبىلۋ. بۇل - ادامي ۇزدىكسىز جەتىلۋ! مۇنىڭ قاي جەرى قىتايدان ەكەن؟..

ءابدىراشيت باكىرۇلىنىڭ الەۋمەتتىك جەلىدەگى جازباسىنان

Abai.kz