17 اقپان، ياعني بۇگىننەن باستاپ، «حابار» تەلەارناسىنان «باقتالاس» مەلودراماسى كورەرمەنگە جول تارتپاق. تانىمال قازاقستاندىق رەجيسسەر قاناعات ءمۋستافيننىڭ تۋىندىسى -  كوشپەندىلەردىڭ عاسىرلىق تالاسى، شىنايى باتىلدىق، شاباندوز بەن ونىڭ تۇلپارى اراسىندىعى ادالدىق، جاقسىلىق پەن جاماندىقتىڭ ارپالىسى اينالاسىندا ءوربيدى. 

«ءبىزدىڭ كوكپار جايلى حيكايانى كورگەننەن سوڭ، كەمىندە 60-70 ازاماتتىڭ كوكپار ويىنىنا دەگەن قىزىعۋشىلىعى پايدا بولسا، ءبىزدىڭ ماقساتىمىز ورىندالدى دەگەن ءسوز. كوكپار – سپورت قانا ەمەس، ول – جەڭىلىس اششىلىعى مەن جەڭىستىڭ قۋانىشى ورىن تاباتىن ءومىر سالتى ىسپەتتى», - دەپ ايتىپ ءوتتى رەجيسسەر قاناعات مۋستافين. 

جوبانىڭ باستى ماقساتى – ءداستۇرلى سپورت تۇرلەرىن وسكەلەڭ ۇرپاق اراسىندا ناسيحاتتاۋ. تەلەحيكايا قازاقستان قوعامىنىڭ قازىرگى ماسەلەلەردى وزەككە الا وتىرىپ، ستسەناري جەلىسىندەگى باستى وبرازدى سومداۋشى   كەيىپكەر مەن ونىڭ اينالاسىنداعى ادامداردىڭ شىنايى وزگەرگەندەرىن كورسەتەدى. تەلەحيكايادا - ەموتسيا، شىنايى ماحاببات، وتباسى مەن دوستىق، پاتريوتتىق سەزىم سىندى ءار ءتۇرلى ادامي قۇندىلىقتار كورىنىس تاۋىپ وتىرادى. 

باستى كەيىپكەر - قايسار اتتى ازامات. ول – تالانتتى سپورتشى، كوكپاردىڭ شەبەر ويىنشىسى. كەزەكتى سايىستا جەڭىسكە قول جەتكىزىپ، باي وتباسىنان شىققان سۇلۋ بويجەتكەنمەن تانىسادى. ونى ومىرلىك ماحابباتى رەتىندە قابىلداپ،  بويجەتكەننىڭ كوڭىلىنەن شىعۋ ءۇشىن، قيىندىقتار مەن كوپتەگەن قاتەلىكتەرگە بوي الدىرادى. ومىردەن ءتۇڭىلىپ، ءارى قاراي نە ىستەرىن بىلمەيدى. ءومىر ونى اياماي قينايدى...جالعىز عانا شەشىم – كوكپاردىڭ سوڭعى جارىسىندا جەڭىسكە جەتۋ. قايسارعا جەڭىسكە جەتۋ ءۇشىن قانشا كۇش-جىگەر قاجەت؟ ول ماقساتىنا جەتە مە؟ وسى ساۋالداردىڭ جاۋابىن بىلگىڭىز كەلسە - «باقتالاس» تەلەحيكاياسىن 17 اقپان، بۇگىننەن باستاپ «حابار» تەلەارناسىنان، ساعات 20.00-دە تاماشالاڭىزدار.

باستى رولدەردى تالانتتى اكتەرلەر – ابزالبەك ماكسيم، اسىلحان تولەپوۆ، باقىتجان الپەيىسوۆ، شىنار جۇنىسبەكوۆا، ايدوس اۋەسباەۆ، ماقپال قاسەنوۆا، عاني قۇلجانوۆ، تيمۋر ماكاجان، جازيرا ەركىن، ولجاس ءالجانوۆ ،ايگۇل قىدىرباەۆا جانە ت.ب. اكتەرلەر سومدايدى.  

Abai.kz