پاۆلودار وبلىسىنىڭ بۇرىنعى اكىمى بولات باقاۋوۆ ءۇي قاماققا الىندى.

وتكەن ايدا (17 قاڭتار كۇنى), پاۆلوداردىڭ مامانداندىرىلعان تەرگەۋ سوتى كۇدىكتى رەتىندە ۇستالعان وبلىس اكىمى بولات باقاۋوۆتى 2 ايعا قاماۋ تۋرالى شەشىم قابىلداعان ەدى.

سوت پروتسەسسى كەزىندە پروكۋرور وبلىس اكىمى بولات باقاۋوۆتىڭ قر قىلمىستىق كودەكسىنىڭ 362 بابى، 4 تارماعى، 3 بولىگى بويىنشا، ياعني، «ءوزىنىڭ جەكە باس پايداسى نەمەسە باسقا جەكە تۇلعانىڭ، ۇيىمنىڭ پايداسى ءۇشىن قىزمەتتىك مانسابىن نەمەسە بيلىك قۇزىرەتىن پايدالانۋ» بويىنشا كۇدىكتى دەپ تانىلعانىن ايتتى.

زاڭدا بۇل باپ بويىنشا، 5 جىلدان 10 جىلعا دەيىن باس بوستاندىعىنان ايىرۋ، دۇنيە مۇلكىن تاركىلەۋ، ءومىر بويى بەلگىلى ءبىر قىزمەتكە تاعايىندالۋ نەمەسە بەلگىلى ءبىر قىزمەتپەن اينالىسۋ قۇقىنان ايىرۋ جازاسى كوزدەلگەن.

ال بۇگىن ەكس-اكىمگە قاتىستى قاماۋعا الۋ تۋرالى بۇلتارپاس شارا ءۇي قاماۋىنا الۋ بولىپ وزگەرتىلگەنى بەلگىلى بولدى.

تاقىرىپقا تۇزدىق: بولات باقاۋوۆ نە ءۇشىن قامالدى؟

Abai.kz