رۋمىنيادا اۋىر اتلەتيكادان جاستار اراسىنداعى كەزەكتى الەم چەمپيوناتى اياقتالدى. الەمدىك زىلتەمىرشىلەر باسەكەسىنەن قازاقستان اۋىر اتلەتتەرى قۇرالاقان ورالدى.
الەم چەمپيوناتىندا قازاقستان زىلتەمىرشىلەرى تەك جىگىتتەر اراسىنداعى سايىستا باق سىناعان بولاتىن. الايدا ولاردىڭ ەشقايسىسى جىگىتتىك تانىتا المادى. بالكىم، باس باپكەر تاكتيكالىق قاتەلىك جىبەرگەن بولار. ويتكەنى سوناۋ 2005 جىلدان بەرى ءبىزدىڭ اۋىر اتلەتتەر جاستار اراسىنداعى الەم چەمپيوناتىنان جۇلدەسىز قايتىپ كورمەپ ەدى عوي. يليا ءيليننىڭ سالعان سارا جولىن كەيىننەن رومان رۋسيانوۆسكي سىندى ورەندەر جالعاستىرعان. رۋمىنيادا قوسسايىس قورىتىندىسىنداعى جۇلدەنى ايتپاعاننىڭ وزىندە، كىشى التىن نەمەسە كىشى كۇمىس جۇلدەگە قول جەتكىزگەن ەشكىم بولمادى. ياعني بىردە-ءبىر سپورتشىمىز نە جۇلقا كوتەرۋدە، نە سەرپە كوتەرۋدە ءبىرىنشى جانە ەكىنشى ورىندارعا ىلىكپەدى.

رۋمىنيادا اۋىر اتلەتيكادان جاستار اراسىنداعى كەزەكتى الەم چەمپيوناتى اياقتالدى. الەمدىك زىلتەمىرشىلەر باسەكەسىنەن قازاقستان اۋىر اتلەتتەرى قۇرالاقان ورالدى.
الەم چەمپيوناتىندا قازاقستان زىلتەمىرشىلەرى تەك جىگىتتەر اراسىنداعى سايىستا باق سىناعان بولاتىن. الايدا ولاردىڭ ەشقايسىسى جىگىتتىك تانىتا المادى. بالكىم، باس باپكەر تاكتيكالىق قاتەلىك جىبەرگەن بولار. ويتكەنى سوناۋ 2005 جىلدان بەرى ءبىزدىڭ اۋىر اتلەتتەر جاستار اراسىنداعى الەم چەمپيوناتىنان جۇلدەسىز قايتىپ كورمەپ ەدى عوي. يليا ءيليننىڭ سالعان سارا جولىن كەيىننەن رومان رۋسيانوۆسكي سىندى ورەندەر جالعاستىرعان. رۋمىنيادا قوسسايىس قورىتىندىسىنداعى جۇلدەنى ايتپاعاننىڭ وزىندە، كىشى التىن نەمەسە كىشى كۇمىس جۇلدەگە قول جەتكىزگەن ەشكىم بولمادى. ياعني بىردە-ءبىر سپورتشىمىز نە جۇلقا كوتەرۋدە، نە سەرپە كوتەرۋدە ءبىرىنشى جانە ەكىنشى ورىندارعا ىلىكپەدى.
بۇل چەمپيونات قازاقستان جاستار قۇراماسىنا اعا جاتتىقتىرۋشى بولىپ جاڭادان تاعايىندالعان باقىت احمەتوۆتىڭ تىرناقالدى ءىرى باسەكەسى ەدى. العاشقى سىندا-اق شاكىرتتەرى باقىت باپكەردى قۋانتا قويمادى. الەم چەمپيوناتىندا ءبىزدىڭ اۋىر اتلەتتەردىڭ ىشىنەن ەڭ ۇزدىك ناتيجە كورسەتكەن ايبول الدابەرگەنوۆ بولدى. سىر بويىنىڭ ساڭلاعى ەل نامىسى تارازىعا تارتىلعان دودادا ايانىپ قالماعان سىڭايلى. الايدا جۇلدەلى ورىنداردىڭ بىرىنە يە بولۋ ءۇشىن قانشا تىرىسسا دا، باعى جانبادى. العاشقى جۇلقا كوتەرۋ باسەكەسىندە 165 كەلى زىلتەمىردى توبەسىنە تىك كوتەرىپ، وسى جاتتىعۋدا ءۇشىنشى ورىنعا يە بولعان. ياعني كىشى قولا مەدال يەگەرى اتانعان. الايدا سەرپە كوتەرۋدە ايبولعا تىم بولماعاندا 198 كەلى سالماق باعىنباي قويعان. بۇل جاتتىعۋدا 194 كەلى سالماقتى ەڭسەرگەن قىزىلوردالىق اۋىر اتلەت الەم چەمپيوناتىن بەسىنشى ورىنمەن اياقتادى.
ال 77 كەلى سالماق دارەجەسىندە ونەر كورسەتكەن، باپكەرلەر قۇرامى وراسان زور سەنىم ارتقان قاراعاندىلىق رومان كۋليك العاشقى جاتتىعۋدا 145 كەلىنى باعىندىرا الماي، جارالانىپ قالعاندىقتان، ەش ناتيجە كورسەتپەدى.
باپكەرلەر قۇرامى سەنىم ارتقان سىر بويىنىڭ تاعى ءبىر ساڭلاعى، بىلتىرعى جاستار اراسىنداعى الەم چەمپيوناتىنىڭ كۇمىس جۇلدەگەرى رومان رۋسيانوۆسكي 94 كەلى سالماقتا ونەر كورسەتىپ، قوسسايىس قورىتىندىسىندا 346 (161+185) كەلىنى باعىندىرىپ، 7-ورىنمەن شەكتەلدى. ال الەكساندر دزيۋبا (77 كەلى), ميراسحان احمەتوۆ (85 كەلى), تاحير حالماتوۆ (85 كەلى) جانە البەرت حاكيمۋللين (94 كەلى) سىندى تولاعاي جىگىتتەرمىز «ۆ» توبىندا ونەر كورسەتتى. دزيۋبا مەن حالماتوۆ 9-ورىننان كورىنە بىلسە، احمەتوۆ 12-ورىندى، ال حاكيمۋللين 18-ورىندى قاناعات تۇتتى.
ءسويتىپ، سەنىم ارتقان سپورتشىلارىمىز سىن ساعاتتا وسىنداي ساتسىزدىككە ۇشىراپ، ەل ءۇمىتىن اقتامادى. ولاردى وسىنداي بايراقتى باسەكەگە دايىنداعان قانشاما قارجى جەلگە ۇشتى…

تەلجان كۇدەروۆ
«الاش ايناسى» گازەتى 23 ماۋسىم 2009 جىل