كەدەن وداعى قۇرىلعان ساتتەن باستاپ، بۇل ۇيىمنىڭ قازاقستاننىڭ تاۋەلسىزدىگىنە قاۋىپ توندىرەتىنىن جانە مۇنىڭ سوڭى كەڭەس وداعىنىڭ قايتا جاڭعىرۋىنا الىپ كەلەتىنىن ۇلتتىق ۇيىمدار مەن ساراپشىلار قۇدايدىڭ زارىن قىلىپ ايتىپ ەدى. ەندى مىنە، سول قاۋىپ راسقا اينالدى.

كەشە تەرىستىكتەگى كورشى ەلدىڭ «يزۆەستيا» گازەتىنە رەسەي ۇكىمەت باسشىسىنىڭ «ەۆرازيا ءۇشىن جاڭا ينتەگراتسيالىق جوبا - بۇگىننەن باسلتالاتىن بولاشاق» اتتى ماقالاسى (http://www.izvestia.ru/news/502761)  جارىق كوردى.

پۋتين تمد، كەدەن وداعى سەكىلدى ساياسي-ەكونوميكالىق ۇيىمداردىڭ تيىمدىلىگىن ايتىپ، ماقتاي كەلىپ، وسى وداقتاردىڭ نەگىزىندە جاڭا ەۆرازيالىق وداق ومىرگە كەلۋى قاجەتتىگىن جازادى.

ول ءوز ماقالاسىندا بۇل وداق كەڭەس وداعىنىڭ كوشىرمەسى بولمايتىنىن ايتقان. الايدا، ەۆرازيالىق ەكونوميكالىق كەڭىستىك ماسەلەسىنە توقتالا كەلىپ، ورتاق ۆاليۋتا، ءۇش ەل ازاماتتارىنىڭ ەركىن ءجۇرىپ تۇرۋى، جۇمىس كۇشىنىڭ كەدەرگىسىز كەلۋى سياقتى ماڭىزدى دۇنيەلەردى قازاقستان، رەسەي، بەلورۋسسيا قارىم-قاتىناسىنىڭ نىعايۋى جانە بۇرىننان كەلە جاتقان بايلانىستىڭ جاڭا ساپادا دامۋى دەپ تۇسىندىرەدى.

ءپۋتيننىڭ ويىنشا، كوشى-قون،  ەڭبەك كۇشى كۆوتاسى، ىشكى شەكارا سەكىلدى كەدەرگىلەر الىنىپ تاستالعان سوڭ ءۇش مەملەكەتتىڭ كەز كەلگەن ازاماتى قاي ەلدە تۇرامىن، قاي ەلدە ءبىلىم الامىن، قاي ەلدە ءوسىپ وركەندەيمىن دەسە دە ءوزى بىلەدى.

كەدەن وداعى قۇرىلعان ساتتەن باستاپ، بۇل ۇيىمنىڭ قازاقستاننىڭ تاۋەلسىزدىگىنە قاۋىپ توندىرەتىنىن جانە مۇنىڭ سوڭى كەڭەس وداعىنىڭ قايتا جاڭعىرۋىنا الىپ كەلەتىنىن ۇلتتىق ۇيىمدار مەن ساراپشىلار قۇدايدىڭ زارىن قىلىپ ايتىپ ەدى. ەندى مىنە، سول قاۋىپ راسقا اينالدى.

كەشە تەرىستىكتەگى كورشى ەلدىڭ «يزۆەستيا» گازەتىنە رەسەي ۇكىمەت باسشىسىنىڭ «ەۆرازيا ءۇشىن جاڭا ينتەگراتسيالىق جوبا - بۇگىننەن باسلتالاتىن بولاشاق» اتتى ماقالاسى (http://www.izvestia.ru/news/502761)  جارىق كوردى.

پۋتين تمد، كەدەن وداعى سەكىلدى ساياسي-ەكونوميكالىق ۇيىمداردىڭ تيىمدىلىگىن ايتىپ، ماقتاي كەلىپ، وسى وداقتاردىڭ نەگىزىندە جاڭا ەۆرازيالىق وداق ومىرگە كەلۋى قاجەتتىگىن جازادى.

ول ءوز ماقالاسىندا بۇل وداق كەڭەس وداعىنىڭ كوشىرمەسى بولمايتىنىن ايتقان. الايدا، ەۆرازيالىق ەكونوميكالىق كەڭىستىك ماسەلەسىنە توقتالا كەلىپ، ورتاق ۆاليۋتا، ءۇش ەل ازاماتتارىنىڭ ەركىن ءجۇرىپ تۇرۋى، جۇمىس كۇشىنىڭ كەدەرگىسىز كەلۋى سياقتى ماڭىزدى دۇنيەلەردى قازاقستان، رەسەي، بەلورۋسسيا قارىم-قاتىناسىنىڭ نىعايۋى جانە بۇرىننان كەلە جاتقان بايلانىستىڭ جاڭا ساپادا دامۋى دەپ تۇسىندىرەدى.

ءپۋتيننىڭ ويىنشا، كوشى-قون،  ەڭبەك كۇشى كۆوتاسى، ىشكى شەكارا سەكىلدى كەدەرگىلەر الىنىپ تاستالعان سوڭ ءۇش مەملەكەتتىڭ كەز كەلگەن ازاماتى قاي ەلدە تۇرامىن، قاي ەلدە ءبىلىم الامىن، قاي ەلدە ءوسىپ وركەندەيمىن دەسە دە ءوزى بىلەدى.

شيىرىپ ايتقاندا، رەسەي پرەزيدەنت تاعىنا قايتا قونجيماق نيەتتەگى پۋتين كەڭەس وداعىن قايتا قۇرماق ويىنىڭ بار ەكەنىن اشىق جەتكىزگەن.

ەندى وزىمىزگە كەلەيىك. ۆلاديمير ءپۋتيننىڭ بۇل ويىن قازاقستاندا ونسىز دا رەسەي مەن ءبىزدىڭ بيلىكتەن استىرتىن ءارى اشىق قولداۋ تاۋىپ وتىرعان ورىس ۇيىمدارى مەن ورىس ءباسپاسوزى ودان ءارى دامىتىپ، ولگەندەرى ءتىرىلىپ، وشكەندەرى جانعانداي جانداندىراتىنى ءسوزسىز.

ءارى رەسەيدىڭ ساياسي ىقپالىنداعى بۇگىنگى بيلىك ءپۋتيننىڭ ويىن قوس قولداپ قوستاپ شىعاتىنى تاعى كۇمانسىز. بۇعان قازاقستانداعى ورىس ءتىلىنىڭ مەملەكەتتىك ءتىل قىزمەتىن اتقارىپ تۇرعاندىعىن قوسساق، ەۆرازيالىق وداق قۇرۋ ءىسىن قازاقستان جاعى جەدەلدەتپەسە، قارسى شىقپاسى شىندىق. بۇل از دەسەڭىز، ەل ەكونوميكاسىنىڭ  نەگىزگى ءارى قوزعاۋشى سالاسىندا رەسەيلىك كومپانيالاردىڭ ۇلەس سالماعى مول ەكەنى جانە بار. دەمەك، رەسەيدىڭ قازاقستاندى وتارلاۋىنىڭ جاڭا كەزەڭى باستالدى. ونى ءپۋتيننىڭ ءوز اشىق تۇردە جاريا ەتىپ وتىر.

«بيلىكتىڭ شىن كەلبەتى  ەندى تانىلادى. تاۋەلسىزدىكتى ساقتاپ قالۋ ءۇشىن كۇرەسەدى» دەگەن ەرتەگىگە سەنۋ قيىن. ويتكەنى، جيىرما جىلدا ءجۇرىپ وتكەن ساياسي جول - حالىقتىڭ بيلىككە سەنىمىن الدەقاشان سارقىعان.

قىل اياعى، قازاقستان پرەزيدەنتىنىڭ ماقالالارى كەزىندە «يزۆەستيا» مەن «روسسيسكايا گازەتا» باسىلىمدارىنا شىققانىنىڭ ءوزى كوپ نارسەدەن حابار بەرسە كەرەك. ال، پۋتين بولسا ءوز ەلىنىڭ باسىلىم بەتىنە ماقالاسىن باستىرىپ وتىر...

ايتپاقشى، ورتاق ۆاليۋتا يدەياسىن ەلباسى دا كوتەرگەن ەدى. ءپۋتيننىڭ ويى - اناۋ. جەلدىڭ قاي جاقتان سوعاتىنى ءارى ونىڭ باعى بىزگە وزگەرىسسىز جەتەتىن سياقتى ما قالاي ءوزى؟!

ءسويتىپ، كەدەن وداعى كەڭەس وداعىنا دەدەكتەتىپ قايتا سۇيرەپ بارادى. ەندى قايتتىك؟..

«اباي-اقپارات»