جارقىن تۇسىپبەكۇلى. «ۇلى دالانى» ۇلىقتار كۇن جاقىن
بۇگىندە ۇلتتىق، الەۋمەتتىك، مادەني ماسەلەلەردى شەشۋدە ۇكىمەتتىك ەمەس ۇيىمداردىڭ بەلسەندىلىگى تۋرالى از ايتىلمايدى. ساراپشىلار ءتىپتى كەيبىر قوعامدىق بىرلەستىكتەردىڭ ءوزى ساياسي پارتيالاردان دا ىقپالدى دەپ پايىمدايدى. ازاماتتىق قوعام قالىپتاستىرۋعا نيەتتەنگەن ەلىمىزدە كەيىنگى جىلدارى بىرنەشە ۇكىمەتتىك ەمەس ۇيىم تىركەلىپ، شارۋالارىن دوڭگەلەتۋدە. ءاربىر سالا بويىنشا ماماندانعان ۇيىمدار مەن بىرلەستىكتەر دە جوق ەمەس. وسى ايدىڭ ورتاسىندا قازاق قوعامىنا «ۇلى دالا» قوزعالىسى جول تارتپاق. بۇل تۋرالى قوزعالىس بەلسەندىلەرى وتكىزگەن باسپاسوز ءماسليحاتىندا ايان بولدى.
«ۇلى دالا» جالقى مىندەتتەرمەن اينالىسپايدى. سالالىق تا ەمەس. قوزعالىستىڭ ماقساتى - قوعامدىق ماسەلەلەرمەن كۇرەسۋ. اقىندار مەن جازۋشىلار، كاسىپكەرلەر مەن قوعام قايراتكەرلەرى، سپورتشىلار مەن سوعىس ارداگەرلەرىن ءبىر مۇددەگە جۇمىلدىرعان «ۇلى دالا» ءۇش جىل بۇرىن ادىلەت مينيسترلىگىنەن تىركەۋدەن وتكەن. وسى ۋاقىتقا دەيىن ەلىمىزدىڭ وڭتۇستىك وبلىستارىندا بەلسەندىلىك تانىتقان قوزعالىس ەندى تۇتاس رەسپۋبليكانى قامتۋدى كوزدەپ وتىر.
جارىلقاسىن امانۇلى، اقىن:
بۇگىندە ۇلتتىق، الەۋمەتتىك، مادەني ماسەلەلەردى شەشۋدە ۇكىمەتتىك ەمەس ۇيىمداردىڭ بەلسەندىلىگى تۋرالى از ايتىلمايدى. ساراپشىلار ءتىپتى كەيبىر قوعامدىق بىرلەستىكتەردىڭ ءوزى ساياسي پارتيالاردان دا ىقپالدى دەپ پايىمدايدى. ازاماتتىق قوعام قالىپتاستىرۋعا نيەتتەنگەن ەلىمىزدە كەيىنگى جىلدارى بىرنەشە ۇكىمەتتىك ەمەس ۇيىم تىركەلىپ، شارۋالارىن دوڭگەلەتۋدە. ءاربىر سالا بويىنشا ماماندانعان ۇيىمدار مەن بىرلەستىكتەر دە جوق ەمەس. وسى ايدىڭ ورتاسىندا قازاق قوعامىنا «ۇلى دالا» قوزعالىسى جول تارتپاق. بۇل تۋرالى قوزعالىس بەلسەندىلەرى وتكىزگەن باسپاسوز ءماسليحاتىندا ايان بولدى.
«ۇلى دالا» جالقى مىندەتتەرمەن اينالىسپايدى. سالالىق تا ەمەس. قوزعالىستىڭ ماقساتى - قوعامدىق ماسەلەلەرمەن كۇرەسۋ. اقىندار مەن جازۋشىلار، كاسىپكەرلەر مەن قوعام قايراتكەرلەرى، سپورتشىلار مەن سوعىس ارداگەرلەرىن ءبىر مۇددەگە جۇمىلدىرعان «ۇلى دالا» ءۇش جىل بۇرىن ادىلەت مينيسترلىگىنەن تىركەۋدەن وتكەن. وسى ۋاقىتقا دەيىن ەلىمىزدىڭ وڭتۇستىك وبلىستارىندا بەلسەندىلىك تانىتقان قوزعالىس ەندى تۇتاس رەسپۋبليكانى قامتۋدى كوزدەپ وتىر.
جارىلقاسىن امانۇلى، اقىن:
- ءۇش جىل بۇرىن جاس جىگىتتەردىڭ قولقالاۋىمەن وسى قوزعالىستىڭ قۇرىلۋىنا اتسالىسقان ەدىم. «ۇلى دالانىڭ» وزگە قوزعالىستاردان قاراعاندا ماقساتى بيىك دەپ ويلايمىن. ۇلتتىق قۇندىلىقتاردى ساقتاپ، جاڭعىرتۋ باعىتىندا ءبىراز ماسەلەنى جوسپارلاپ وتىرمىز. جۋىردا قوزعالىستىڭ قۇرىلتايىندا باسشىلىقتى جاستارعا بەرگەلى وتىرمىن. جاستار، ءوز بولاشاقتارىڭ ءۇشىن كۇرەسە بىلىڭدەر!
ءىزباسار بوزاەۆ، كاسىپكەر، الماتى ساۋدا پالاتاسىنىڭ پرەزيدەنتى:
- قوزعالىس جالپىۇلتتىق ماسەلەلەردى رەسپۋبليكالىق دەڭگەيدە شەشۋدى ويلاستىرىپ وتىر. ءبىز ءوز جۇمىسىمىزدى ءاربىر اۋىلدان باستايمىز. ۇلتجاندى جىگىتتەردىڭ باستاماسىمەن وسىنداي قوزعالىس قۇرىلىپ وتىر. ءبىزدە سونىمەن قاتار از ۇلتتاردىڭ وكىلدەرى دە بار. ءارتۇرلى ەتنو-مادەني ورتالىقتاردىڭ باسشىلارى دا يدەيامىزدى قولداپ وتىر. بايبالاممەن ەشتەڭە شەشىلمەيتىنىن قوعام ءتۇسىنىپ وتىر. سوندىقتان تۇراقتىلىقتى ساقتاي وتىرىپ، ۇلتتىق قۇندىلىقتارىمىز ءۇشىن جۇمىستار اتقاراتىن بولامىز.
اۆتور: جارقىن تۇسىپبەكۇلى
http://www.alashainasy.kz/politics/27949/
