ساياساتتانۋشى ايدوس سارىم باستاعان ىنتالى توپتىڭ «ۇلى دالا» قوزعالىسىن قۇرىپ جاتقانىنان كوزى قاراقتى جانداردىڭ كوپشىلىگى حاباردار. بۇل تۋرالى ساياساتتانۋشى وتاندىق باق-تاردا سوڭعى بىرنەشە ايدىڭ بەدەرىندە ۇنەمى ايتىپ كەلەدى. ءسوزى مەن ءىسى ۇنەمى ەلدى ەلەڭ ەتكىزىپ جۇرەتىن ايدوس سارىمنىڭ مۇنداي تىڭ باستامانى قولعا الۋى قازاقستاننىڭ ساياسي كەڭىستىگىندە سالماعى بار ىقپالدى ۇيىمنىڭ دۇنيەگە كەلگەلى جاتقانىن اڭعارتادى.

ساياساتتانۋشى ايدوس سارىم باستاعان ىنتالى توپتىڭ «ۇلى دالا» قوزعالىسىن قۇرىپ جاتقانىنان كوزى قاراقتى جانداردىڭ كوپشىلىگى حاباردار. بۇل تۋرالى ساياساتتانۋشى وتاندىق باق-تاردا سوڭعى بىرنەشە ايدىڭ بەدەرىندە ۇنەمى ايتىپ كەلەدى. ءسوزى مەن ءىسى ۇنەمى ەلدى ەلەڭ ەتكىزىپ جۇرەتىن ايدوس سارىمنىڭ مۇنداي تىڭ باستامانى قولعا الۋى قازاقستاننىڭ ساياسي كەڭىستىگىندە سالماعى بار ىقپالدى ۇيىمنىڭ دۇنيەگە كەلگەلى جاتقانىن اڭعارتادى.

ءبىر قىزىعى، تۇڭعىش قۇرىلتايى وتپەگەن، ياعني، رەسمي تۇردە ومىرگە كەلىپ ۇلگەرمەگەن «ۇلى دالاعا» باسەكەلەس بولاتىن ۇيىمدار قازىردىڭ وزىندە بوي كوتەرىپ جاتىر. قىزىق بولعاندا، اتالمىش قوزعالىستاردىڭ اتى دا، زاتى دا ايدوس سارىمنىڭ «بەل بالاسىنان» اۋماي قالعان. كەشە ەلورداداعى ق.قۋانىشباەۆ اتىنداعى قازاق سازدى دراما تەاترىندا «ۇلى دالا قىراندارى» اتتى كەزەكتى ءبىر قوزعالىستىڭ قۇرىلتايى ءوتتى.
كەز كەلگەن ساياسي پارتيانىڭ تانىمالدىعىن ءتۇسىرىپ، بەدەلىن بەلدەن باسۋ ءۇشىن اتى مەن زاتى سوعان ۇقسايتىن بالاما ۇيىم قۇرۋ ءتاسىلى - بۇعان دەيىن تالاي مارتە جەمىس بەرگەن ۇيرەنشىكتى قۇبىلىس. سادىبەك تۇگەل مەن مارات نابيەۆ تەڭتوراعا بولعان «ۇلى دالا قىراندارى» وسىنداي ساياسي ءتاسىل ەمەس پە؟
وسىعان وي جۇگىرتپەك بولىپ سادىبەك تۇگەل مىرزاعا حابارلاسقانىمىزدا:
- ولار «ۇلى دالا» دەسە، ءبىز «ۇلى دالا قىراندارىمىز». ءبىزدىڭ بۇل يدەيانى تىنباي ايتىپ كەلە جاتقانىمىزعا ون جىلعا جۋىقتادى. سول قوزعالىستى قۇرۋدىڭ ءساتى ەندى عانا تۋدى. ءيا، «ۇلى دالا» دەگەن دە قوزعالىس قۇرىلىپ جاتىر. مەن ول جىگىتتەرگە حابارلاستىم، ايتتىم ءوز ءسوزىمدى. ولاردى قۇرمەتتەيمىز، ىستەرىنە ساتتىلىك تىلەيمىن، باسقا ايتارىم جوق. ولار قوزعالىس قۇرماقشى، ءبىز قۇرىپ قويدىق «ۋجە». ماقساتىمىز - ۇلى دالا وركەنيەتىن وركەندەتۋ، جاستاردى ۇلتتىق رۋحتا تاربيەلەۋ. «جاپالاق جەمىن باسىپ جەيدى، قىران قۇس شاشىپ جەيدى» دەيدى قازاق، ءبىز ءوزىمىزدىڭ شاپاعاتىمىزدى اينالامىزعا تيگىزسەك دەيمىز. قوعامداعى كەيبىر كەلەڭسىزدىكتەرگە توسقاۋىل قويۋ ءۇشىن قۇرىپ وتىرمىز قوزعالىستى، - دەگەن جاۋاپ الدىق.
ايدوس سارىمنىڭ ايتۋىنشا، الداعى سەنبى كۇنى «ۇلى دالانىڭ» دا قۇرىلتايى وتپەك. ساياساتتانۋشى قوزعالىستىڭ جاي-جاپسارىن سودان كەيىن بايانداپ بەرەتىندىگىن جەتكىزدى. قىسقاسى، باس-اياعى بىرەر اپتانىڭ ىشىندە ەلىمىزدە اتاۋلارى ەگىز قوزىداي قوس قوزعالىس ومىرگە كەلەتىندىگى بەلگىلى بولدى.
جوعارىدا ايتىپ كەتكەنىمىزدەي، بەلگىلى ءبىر ساياسي ۇيىمنىڭ قاۋقارىن ازايتۋ ءۇشىن اتاۋى ءھام ءىس-ارەكەتى ەگىز قوزىداي ۇقساس ەكىنشى ءبىر بالاما ۇيىم قۇرۋ - بۇرىننان بار ۇيرەنشىكتى ءتاسىل. مۇنداعى كوزدەگەن ماقسات - جۇرتشىلىقتى ەكەۋىنىڭ قايسىسى شىنايى بەت-بەينەسىمەن، قايسىسى بەتپەردەمەن جۇرگەنىن اجىراتا المايتىن اۋرە-سارساڭ كۇيگە ءتۇسىرۋ. كەزىندە ەلىمىزدەگى «ازات» قوزعالىسى، «اق جول» پارتياسى تاعى دا باسقا ۇلتتىق باعىتتاعى ۇيىمدار ساياسي كۇشكە اينالىپ كەلە جاتقان تۇستا وسىنداي ساياساتتىڭ قۇربانىنا اينالعانى ءمالىم. اقىر-سوڭىندا اتالمىش ۇيىمداردىڭ ارتىنا ەرگەن جۇرتشىلىق ولاردى ءبىر-بىرىنەن اجىراتا الماي، ءارى-ءسارى كۇيگە تۇسكەن بولاتىن.
ايدوس سارىمنىڭ «ۇلى دالاسى» ءا دەگەننەن-اق وسىنداي ساياساتتىڭ كەزەكتى نىساناسىنا اينالعانى ما؟ «ۇلى دالا قىراندارىنىڭ» شىنايى ماقساتى قانداي؟ وسى ساۋالعا جاۋاپ تابۋ ازىرگە قيىنعا سوعىپ وتىر. ارينە، ۋاقىت وتە كەلە جۇرتشىلىق قايسىسى «جاساندى دالا» ەكەندىگىنەن حاباردار بولاتىنى ءسوزسىز. ايتسە دە، ۇلت مۇددەسىنە كەلگەندە كولەڭكەلەردىڭ ىلەسە ءجۇرۋى جان اۋىرتادى. «قىران» بولسا، كولەڭكەسىن تۇسىرمەي-اق قالىقتاي بەرمەي مە؟

«نۇر استانا» گازەتى