قازان ايىنىڭ 14-15-ءى كۇندەرى شىعىس قازاقستان وبلىسىنىڭ اكىمى بەردىبەك ساپارباەۆ باستاعان دەلەگاتسيا تۇرىك رەسپۋبليكاسىنىڭ بۋرسا وڭىرىندە بولىپ قايتتى. جۇمىس ساپارىنىڭ نەگىزگى ماقساتى - بۋرسا ايماعىمەن باۋىرلاستىق قارىم-قاتىناس ورناتۋ، ءھام قازاقستان تاۋەلسىزدىگىنىڭ 20 جىلدىعىنا ارنالعان مادەني شارالار وتكىزۋ. ايتا كەتۋىمىز كەرەك، اتاتۇرىكتىڭ ەلىنە ساپار شەككەن دەلەگاتسيا قۇرامىندا شىعىسقازاقستاندىق كاسىپكەرلەر مەن ونەر مايتالماندارى دا بولدى.

باۋىرلاس ولكەنىڭ حالقى باقۋاتتى تۇرادى ەكەن

بۋرسا - تۇركيانىڭ ىستامبۇل، انكارا، يزميردەن كەيىنگى 4-ءشى ءىرى قالاسى. ەلدىڭ سولتۇستىك-باتىسىندا، ءمارمار تەڭىزىن بويلاي جاتقان ءوڭىر ءوزىنىڭ تاريحي ورىندارىمەن، قىسقى دەمالىس وشاقتارىمەن تانىمال. باستىسى، مۇندا ءوندىرىس پەن جەڭىل ونەركاسىپ وركەن جايعان. ونداعان يندۋستريالى ايماقتاردا 3 مىڭنان اسا زاۋىت-فابريكا جۇمىس ىستەيدى. كىشىگىرىم تسەحتاردىڭ سانى 70 مىڭنان اسىپ جىعىلادى.

ەكسپورت بويىنشا بۋرسا ەكىنشى ورىندا تۇر. سىرتقا ەڭ كوپ تاۋار وندىرەتىن - ىستامبۇل.

تۇركيادان شىعاتىن اۆتوكولىكتەر مەن قۇرال-سايمانداردىڭ دەنى ءوڭىردىڭ ەنشىسىندە. بۋرسادا «رەنو»، «فيات»، «مەرسەدەس»، «توفاش» ماركالى كولىكتەر، جۇك كولىكتەرى قۇراستىرىلادى.

قازان ايىنىڭ 14-15-ءى كۇندەرى شىعىس قازاقستان وبلىسىنىڭ اكىمى بەردىبەك ساپارباەۆ باستاعان دەلەگاتسيا تۇرىك رەسپۋبليكاسىنىڭ بۋرسا وڭىرىندە بولىپ قايتتى. جۇمىس ساپارىنىڭ نەگىزگى ماقساتى - بۋرسا ايماعىمەن باۋىرلاستىق قارىم-قاتىناس ورناتۋ، ءھام قازاقستان تاۋەلسىزدىگىنىڭ 20 جىلدىعىنا ارنالعان مادەني شارالار وتكىزۋ. ايتا كەتۋىمىز كەرەك، اتاتۇرىكتىڭ ەلىنە ساپار شەككەن دەلەگاتسيا قۇرامىندا شىعىسقازاقستاندىق كاسىپكەرلەر مەن ونەر مايتالماندارى دا بولدى.

باۋىرلاس ولكەنىڭ حالقى باقۋاتتى تۇرادى ەكەن

بۋرسا - تۇركيانىڭ ىستامبۇل، انكارا، يزميردەن كەيىنگى 4-ءشى ءىرى قالاسى. ەلدىڭ سولتۇستىك-باتىسىندا، ءمارمار تەڭىزىن بويلاي جاتقان ءوڭىر ءوزىنىڭ تاريحي ورىندارىمەن، قىسقى دەمالىس وشاقتارىمەن تانىمال. باستىسى، مۇندا ءوندىرىس پەن جەڭىل ونەركاسىپ وركەن جايعان. ونداعان يندۋستريالى ايماقتاردا 3 مىڭنان اسا زاۋىت-فابريكا جۇمىس ىستەيدى. كىشىگىرىم تسەحتاردىڭ سانى 70 مىڭنان اسىپ جىعىلادى.

ەكسپورت بويىنشا بۋرسا ەكىنشى ورىندا تۇر. سىرتقا ەڭ كوپ تاۋار وندىرەتىن - ىستامبۇل.

تۇركيادان شىعاتىن اۆتوكولىكتەر مەن قۇرال-سايمانداردىڭ دەنى ءوڭىردىڭ ەنشىسىندە. بۋرسادا «رەنو»، «فيات»، «مەرسەدەس»، «توفاش» ماركالى كولىكتەر، جۇك كولىكتەرى قۇراستىرىلادى.

بۋرسا سونىمەن بىرگە توقىما ءوندىرىسىنىڭ ءىرى ورتالىعى. نەگىزىنەن جىبەك، ءجىپ، ماتا، ماقتا وندىرەدى. ايماقتا اسا ءىرى 8 توقىما فابريكاسى بار. ماسەلەن، 1938 جىلى نەگىزى قالانعان مەرينو زاۋىتى بۇگىندە جاساندى جانە سينتەتي-كالىق ماتا وندىرەدى.

بۇدان بولەك، مەتالل وڭدەيتىن زاۋىتتار جۇمىس ىستەيدى، ءجۇن-تەرى ونىمدەرىن، جاساندى تىڭايتقىش، كۇنباعىس مايى، كونسەرۆىلەنگەن ازىق-تۇلىك شىعارادى.

ەكى ءوڭىردىڭ ەكونوميكاسىندا ۇقساستىقتار كوپ

بۋرسا اۋەجايىندا شىعىسقازاقستاندىق دەلەگاتسيانى قر-نىڭ تۇركياداعى توتەنشە جانە وكىلەتتى ەلشىسى جانسەيىت تۇيمەباەۆ قارسى الدى. ەكى كۇندىك ساپار اياسىندا وبلىسىمىز-دىڭ باسشىسى بەردىبەك ساپارباەۆ پەن ىسكەر توپ وكىلدەرى بۋرسا ايماعىنىڭ ءۋاليى شاحابەتتين حارپۋتپەن، بۋرسا قالاسىنىڭ مەرى رەدجەپ التەپپەن، ساۋدا-ءوندىرىس پالاتاسى توراعاسى-نىڭ ورىنباسارى الي حازىرمەن كەزدەسىپ، ەكى ءوڭىردىڭ ەكونوميكالىق، مادەني-گۋمانيتارلىق قارىم-قاتىناسىن نىعايتۋعا باعىتتالعان كەلىسسوزدەر جۇرگىزدى.

بۋرسا ايماعىنىڭ ءۋاليى ش.حارپۋت تۋىسقان ەكى حالىقتىڭ ىنتىماعى جاراسقانىن ايتتى. كۇللى تۇركى جۇرتىنىڭ، ادامزاتتىڭ التىن بەسىگى بولعان التايمەن قايتا قاۋىشىپ، اتاجۇرتقا جاقىنداي تۇسۋگە ىنتالى ەكەنىن اشىق اڭعارتتى.

شىعىس قازاقستان مەن بۋرسانىڭ الىس-بەرىسىن جاقسارتۋعا قولايلى جاعداي تۋىپ وتىرعانىن قالانىڭ مەرى دە اتاپ ءوتتى.

شىعىس قازاقستاننىڭ ناق وسى وڭىرمەن باۋىرلاستىق قارىم-قاتىناس ورناتۋىنىڭ ما-ڭىزى زور. ويتكەنى بۋرسا دا شىعىس قازاقستان سياقتى ءوندىرىسى دامىعان ولكە. جانە دە يندۋس-تريالدى ايماقتار قۇرۋدا تاجىريبەسى مول. ەكىنشىدەن، توقىما، اۋىل شارۋاشىلىعى سالالارىندا ورتاق مۇددەمىز كوپ.

ۇشىنشىدەن، بۋرسادا قىسقى سپورت تۇرلەرى مەن ەكوتۋريزم جاقسى دامىعان. بۇدان دا ۇيرەنەرىمىز جەتكىلىكتى. ەكى ءوڭىردىڭ تابيعاتى دا ۇقساس كەلەدى.

ەكىجاقتى كەزدەسۋلەردىڭ بارىسىندا ايماقارالىق قارىم-قاتىناستى دامىتۋ، تۇرىك كاپيتالىنىڭ كومەگىمەن يندۋستريالى ايماقتار قۇرۋ، كەدەن وداعىنىڭ تالاپتارىنا ساي، ساۋدا-ينۆەستيتسيالىق ارىپتەستىكتىڭ جاڭا ۇلگىسىن قاراستىرۋ ماسەلەلەرى تالقىلاندى.

كەلىسسوزدەردىڭ ناتيجەسىندە بۋرسا ايماعىنىڭ ءۋاليى ش.حارپۋت پەن شىعىس قازاقستان وبلىسىنىڭ اكىمى بەردىبەك ساپارباەۆ ەكى ءوڭىردىڭ باۋىرلاستىق قارىم-قاتىناس ورناتۋى تۋرالى حاتتامانى بەكىتتى.

باسقوسۋدى قورىتىندىلاي كەلە تاراپتار ەكونوميكالىق جانە مادەني-گۋمانيتارلىق ارىپتەستىكتى تەرەڭدەتە تۇسۋگە ىقپال ەتەتىن بولىپ كەلىستى.

بۇدان كەيىن وبلىس اكىمى بۋرسا قالاسى-نىڭ ساۋدا-ءوندىرىس پالاتاسى توراعاسىنىڭ ورىنباسارى الي حازىرمەن كەزدەستى. كەزدەسۋ ناتيجەسىندە تاراپتار «دوستىق قا-
رىم-قاتىناس ورناتۋ» تۋرالى قۇجاتقا قول قويدى.

بەرەكە-بىرلىككە جەتەلەيتىن بيزنەس-فورۋم

ءىسساپار كاسىپكەرلەرگە دە ءتيىمدى ءارى ءناتي-جەلى بولدى. ىسكەر ادامدارعا 50-دەن اسا كومپانيا باسشىلارىمەن ەكىجاقتى كەلىسسوزدەر ۇيىمداستىرىلىپ، قر تۇركياداعى ەلشىلىگى مەن بۋرسانىڭ ساۋدا-ءوندىرىس پالاتاسىنىڭ مۇرىندىق بولۋىمەن قازاقستاندىق جانە تۇركيالىق كاسىپكەرلەردىڭ بيزنەس-فورۋمى ءوتتى.

فورۋمدا ءسوز العان بۋرسانىڭ ايماق باسشىسى 20 جىل بۇرىن قازاقستاننىڭ تاۋەلسىزدىگىن ەڭ العاش بولىپ مويىنداعان، قولداعان تۇركيا ەكەنىن ايتا كەلىپ، بۇگىندە قازاق جەرىندە 400 بىرىككەن، 130 تازا تۇرىك كومپانياسى جۇمىس ىستەيتىنىن تىلگە تيەك ەتتى. جالپى، تۇركيا - اقش، كورەيا مەن انگليادان كەيىن قازاق ەكونوميكاسىنا قوماقتى قارجى قۇيىپ وتىرعان 4-ءشى ەل. استاناداعى قۇرىلىستىڭ 60%-ى تۇرىك كومپانيالارىنا تيەسىلى.

سونىمەن قاتار، ش.حارپۋت بۋرسانىڭ ەكونوميكالىق كورسەتكىشتەرىنە توقتالىپ ءوتتى. تۇركيادا وندىرىلەتىن سينتەتيكالىق ءجىپ پەن ماتەريالدىڭ 75%، اۆتوكولىكتىڭ 72%، كىشىگىرىم جۇك كولىكتەرىنىڭ 49,32%، كولىك بولشەكتەرىنىڭ 63% جانە جيھازدىڭ 30% بۋرسالىق كاسىپورىنداردىڭ ەنشىسىندە.

- بۋرسا - وسمان يمپەرياسىنىڭ العاشقى استاناسى. مۇندا مەملەكەتتىڭ نەگىزىن قالاۋشى وسمان مەن ورحاننىڭ جانە وزگە پاتشالاردىڭ بەيىتى تۇر. مۇندا مۇسىلمان-دار دا، حريستياندار دا زيارات ەتەتىن قاس-تەرلى ورىندار بار. سوندىقتان، بۋرسا - تاريحي جانە مادەني ورتالىق بولىپ سانالادى، - دەي كەلە حارپۋت مىرزا، وسى رەتتە تاريحي ءتۋريزمنىڭ كەڭ قۇلاش جايىپ كەلە جاتقانىن اتاپ ءوتتى.

- بۇگىندە تۋريزم سالاسى 4 باعىتتا دا-مىپ كەلەدى، - دەيدى ايماق باسشىسى. بۇل:

● قىسقى سپورت، ەكوتۋريزم جانە تۋريزم;

● ەمدىك تۋريزم;

● تاريحي، مادەني جانە ءدىني تۋريزم;

● جارمەڭكەلەر مەن مۇراجايلار، كاسىپ-كەرلەرگە ارنالعان تۋريزم.

قازىر بۋرسالىقتار 3 سەكتورعا ەرەكشە ەكپىن قويىپ وتىر. بۇل: ەنەرگەتيكا سالاسى، تۇرمىستىق قاجەتتىلىكتەر مەن قىزمەت كورسەتۋگە قاجەتتى جابدىق جانە تۋريزم.

ءوز كەزەگىندە شىعىس قازاقستان وبلىسى-نىڭ اكىمى ءوڭىردىڭ ءتۇستى مەتاللۋرگيا مەن ماشينا قۇرىلىسىنىڭ ورتالىعى، اگروونەر-كاسىبى دامىعان ايماق ەكەنىن ايتىپ، قا-زاقستان ەكونوميكاسىنا ەلەۋلى ۇلەس قوسىپ وتىرعانىنا توقتالدى.

- بىلتىر وندىرىلگەن ءونىم كولەمى 624 ملرد. تەڭگەنى قۇراعان. بيىل ءبىز تاۋاردىڭ كولەمىن 100 ملرد. تەڭگەگە دەيىن ءوسىرۋدى جوس-پارلاپ وتىرمىز. وسىلايشا بىرتىندەپ 800 ملرد. تەڭگەنىڭ ءونىمىن وندىرمەكپىز. بۇل مەجەگە جاقىن قالدىق، سەبەبى، 8 ايدىڭ قورىتىندىسى بويىنشا ءونىم كولەمى 512 ملرد. تەڭگە بولدى. بۇل بىلتىرعى كورسەتكىشتەن 30% ارتىق، - دەپ ءتۇسىندىردى بەردىبەك ساپارباەۆ.

سونىمەن قاتار وبلىس اكىمى ەلدە يننوۆاتسيالىق ەكونوميكانى دامىتۋعا ەرەكشە كوڭىل ءبولىنىپ وتىرعانىن، وسى ورايدا ۇدەمەلى يندۋستريالى-يننوۆاتسيالىق دامۋ باعدارلاماسى قابىلدانعانىن جەتكىزدى. وبلىستان يندۋستريالاندىرۋ كارتاسىنا ەنگەن 34 جوباعا باس-اياعى 4 ملرد. دوللار قارجى ءبولىنىپ وتىر. ناتيجەسىندە 7 مىڭ جاڭا جۇمىس ورنى اشىلماق.

- قازىرگى تاڭدا ءوندىرىس سالاسى مەن عىلىمدى جاقىنداستىرۋعا باتىل قادامدار جاسالۋدا، - دەي كەلە اكىم عىلىمي-زەرتتەۋ ۇيىمدارىنىڭ سانى بويىنشا شىعىس ءوڭىرىنىڭ ءۇشىنشى ورىندا تۇرعانىن دا اتاپ كورسەتتى.

ءوڭىر اكىمى اگروونەركاسىپ سالاسىنداعى ىلكىمدى ىستەرگە دە توقتالدى. مال شارۋا-شىلىعى ونىمدەرىن ەكسپورتقا شىعارۋعا وبلىستىڭ الەۋەتى جەتكىلىكتى ەكەنىن اتاپ وتكەن بەردىبەك ساپارباەۆ بۇعان ەكىنشى جىل قاتارىنان جۇزەگە اسىپ جاتقان «جايلاۋ» مال شارۋاشىلىعىن دامىتۋ باعدارلاماسى دا قولعابىس بولعانىن ايتتى.

تۇرىك كاسىپكەرلەرىن التايدىڭ برەندىنە اينالعان ارا جانە مارال شارۋاشىلىقتارى دا قىزىقتىرادى. تامىز ايىندا وسكەمەندە وتكەن بال فەستيۆالىندە كوتەرىلگەن ەۋرازيالىق ومارتاشىلار قاۋىمداستىعىن قۇرۋ تۋرالى باستامانى دا تۇركيالىقتار قىزۋ قولداپ وتىر.

سونىمەن قاتار، ايماق باسشىسى شىعىس قازاقستاندا دا بۋرسا وڭىرىندەگىدەي قىسقى سپورت پەن تاريحي جانە ەمدىك ءتۋريزمنىڭ جاقسى دامىپ كەلە جاتقانىن تىلگە تيەك ەتتى.
كەلەشەگى زور باعىتتىڭ ءبىرى رەتىندە اكىم تۋريستىك ءونىمدى ناسيحاتتاپ، دامىتاتىن بىرىككەن كاسىپورىندار قۇرۋعا، «ەۋرازيا تورابى» جوباسىن جۇزەگە اسىرۋعا شاقىردى.

شىعىس قازاقستاندا شىعاتىن وزگە دە ونىمدەردى تىزبەكتەي كەلە اكىم ءوڭىردىڭ ەكسپورتتىق الەۋەتىنە ەرەكشە ءمان بەردى. بۇگىندە قىتاي، رەسەي، بەلارۋس سەكىلدى ەلدەرمەن الىس-بەرىستى جولعا قويعان ءبىزدىڭ وبلىستا 20 قازاق-تۇرىك بىرىككەن كاسىپورنى قىزمەت ەتۋدە. وبلىستىڭ تۇركيامەن تاۋار اينالىمى بيىلعى جىلدىڭ 6 ايىندا 35,4 ملن. دوللاردى (وسى ارالىقتاعى سىرتقى ساۋدا اينالىمىنىڭ 2,5%) قۇراعان. بۇل وتكەن جىلعىمەن سالىستىرعاندا 14,2% ارتىق. ەكسپورت 34,1 ملن. دوللاردى قۇراسا، تۇركيادان كەلەتىن يمپورت 1,3 ملن. دوللار شاماسىندا. نەگىزىنەن تۇركياعا يگەرىلمەگەن مىرىش جونەلتىلەدى. ال تيىسىنشە تۇركيادان قاعاز جانە كارتون، جۋاتىن، تازالايتىن زاتتار تاسىمالدانادى.

سونىمەن بىرگە، وبلىس اكىمى ءجۇن-تەرى وڭدەۋ، تەرىدەن جاسالعان ونىمدەر جاساۋعا باعىتتالعان بىرلەسكەن كاسىپورىندار قۇرۋعا دا مول مۇمكىندىك بارىن اتاپ كورسەتتى. ماسەلەن، «ەرتىس» الەۋمەتتىك-كاسىپكەرلىك كورپوراتسياسى سەمەي تەرى-تون كومبيناتىن شيكىزاتپەن قامتاماسىز ەتەتىن شاعىن ورتالىقتاردىڭ جەلىسىن كوبەيتپەك.

«ەرتىس» اكك كەن يگەرۋ، شاعىن جانە ءىرى سۋ ەلەكتر ستانتسيالارىنىڭ قۇرىلىسىندا دا تۇرىك كاسىپكەرلەرىمەن بىرلەسىپ جۇمىس ىستەۋگە مۇددەلى. بۇل جونىندە ءوز بايانداماسىندا «ەرتىس» اكك» ۇلتتىق كومپانياسى» اق-نىڭ باسقارما توراعاسى نۇرلان سىدىقوۆ ءمالىم ەتتى.

ال «پريرەچنوە اگروفيرماسى» جشس ديرەكتورى مۇحيت تۇماباەۆ بۋرسالىق كاسىپ-ورىندارمەن بىرىگىپ، اسىل تۇقىمدى ءسۇتتى سيىردىڭ قاراسىن كوبەيتەتىن بولىپ كەلىستى. بۇدان بولەك جەكە كاسىپكەر پيازدىڭ جىلدام ءپىسىپ-جەتىلەتىن تۇقىمىن الۋعا بەكىنىپ وتىر.

جالپى، فورۋم اياسىندا قازاق-تۇرىك كاسىپكەرلەرى ءوزارا كەزدەسىپ، بۇدان بىلاي بىرىگە جۇمىس ىستەۋ جونىندە ۋاعدالاستى.

فورۋم اياقتالعان سوڭ قازاقستاندىق دەلەگاتسيا بۋرسا قالاسىنداعى ۇيىمداسقان يندۋستريالى ايماقتىڭ ءبىرىن ارالادى. ءىرى كەشەننىڭ اۋماعىندا جۇزدەگەن زاۋىت-فابريكا ورنالاسقان. ونىڭ ىشىندە توقىما فابريكالارى، حيميا، جيھاز وندىرەتىن تسەحتار، كولىك قۇراستىراتىن، مەتاللۋرگيا جانە قۇرىلىس ماتەريالدارىن شىعاراتىن زاۋىتتار بار.

«DOSAB» ۇيىمداسقان يندۋستريالدى ايماعىنىڭ توراعاسى سەليم يەديكاردەش مەيمانداردى كەشەننىڭ جۇمىسىمەن تانىس-تىردى. بۋرسا ەلەكتر قۋاتىن پايدالانۋدان 3-ءشى، ال گازدى پايدالانۋ جاعىنان 1-ءشى ورىندا تۇر. سوندىقتان مۇندا قۋات كوزدەرىن ءتيىمدى پايدالانۋدىڭ زاماناۋي ۇلگىسى قولدانىسقا ەنگىزىلگەن ەكەن. تىڭ تەحنولوگيانىڭ ارقاسىندا قاي مەكەمە قانشا ەنەرگيا تۇتىناتىنى باقىلاۋعا الىنعان، ناتيجەسىندە قۋاتتى ۇنەمدەۋگە مۇمكىندىك تۋىپ وتىر.

توقىما، ءجىپ، ماتا، جىبەك وڭدەيتىن ءبىر-نەشە تسەحتى ارالاپ، كومبيناتتىڭ جۇمىس
بارىسىن باجايلاعان سوڭ شىعىسقازاقستان-دىق دەلەگاتسيا اۆتوبولشەكتەر قۇراستى-راتىن زاۋىتتىڭ جۇمىسىمەن تانىستى. زاۋىت پرەزيدەنتى جەلال گوكچيننىڭ ايتۋىنشا، كاسىپورىننىڭ ەكسپورتتىق الەۋەتى جىلدان-جىلعا ارتىپ كەلەدى.

تۇرىك اسپانىندا قازاق اندەرى قالىقتادى

دەلەگاتسيانىڭ بۋرساعا ساپارىنىڭ ءبىر ماڭىزدى بولىگى - ەل تاۋەلسىزدىگىنىڭ 20 جىل-دىعىنا ارنالعان كونتسەرتتىك باعدارلاما. بارىش مانچو اتىنداعى ورتالىق كونتسەرت زالىنىڭ كىرەبەرىسىندە شىعىس قازاقستان-
نىڭ تاريحى مەن كوركەم تابيعاتىنان سىر شەرتەتىن فوتوكورمە ۇيىمداستىرىلدى.
الىستان ات شالدىرىپ جەتكەن شىعىسقازاق-ستاندىق وركەستردىڭ، رەسپۋبليكاعا تانىمال ساحنا ساڭلاقتارىنىڭ، بەلگىلى انشىلەر مەن بيشىلەردىڭ ونەرىنە تۇرىك زيالىلارى ءتانتى بولدى. 60 ادامنان قۇرالعان ونەرپاز-داردىڭ كونتسەرتىن تاماشالاۋعا قاۋىم كوپ جينالدى. تىڭدارماندارعا قازاقتىڭ حالىق اندەرى مەن قازىرگى زامانعى ونەر شىعارمالارى ۇسىنىلدى.

ەكىنشى كۇنى كونتسەرتتىك باعدارلاما «كورۋ پارك» ساۋدا ءۇيىنىڭ زالىندا جالعاسىن تاپتى. كونتسەرتتى ەكى ءوڭىردىڭ باسشىلارىمەن قاتار قر تۇركياداعى توتەنشە جانە وكىلەتتى ەلشىسى ج.تۇيمەباەۆ تا تاماشالادى.

جالپى، شىعىس قازاقستاننىڭ بۋرساداعى كۇندەرى قوس تاراپقا دا ناتيجەلى بولدى.

وبلىس اكىمى بەردىبەك ساپارباەۆ تۇرىك حالقىنىڭ ەڭبەكقورلىعىن، ادالدىعىن، وتانسۇيگىشتىگىن جوعارى باعالاي كەلە، ءبىزدىڭ باۋىرلاس حالىقتان ۇيرەنەرىمىز كوپ ەكەنىن تىلگە تيەك ەتتى. بۋرسامەن اراداعى الىس-بەرىستى نىعايتا ءتۇسۋ ءۇشىن ايماق باسشىسى تۇرىك كاسىپكەرلەرى مەن ءوڭىر باسشىلىعىن وسكەمەنگە شاقىردى.

- بۇل كەزدەسۋدىڭ باۋىرلاس ەكى ءوڭىردىڭ قارىم-قاتىناسىن جاقسارتۋعا، ەكونوميكا-لىق، تاريحي-مادەني بايلانىسىمىزدى نى-عايتۋعا تيگىزەر اسەرى زور، - دەپ تۇيىندەدى شىعىس قازاقستان وبلىسىنىڭ اكىمى بەردىبەك ساپارباەۆ.

شىعىس قازاقستان وبلىستىق «ديدار» گازەتىنەن الىندى