سالاۋاتتى ءومىر سالتىن قالىپتاستىرۋ مۇراتى جولىندا مەملەكەت تاراپىنان بارىنشا قولداۋ جاسالۋ ۇستىندە. ايتالىق ۇرانداتقان شارالاردا ەسەپ جوعىنا كوز جەتكىزۋ قيىنعا سوقپايدى. سونىڭ ناتيجەسى بولار، بۇگىندە وسكەلەڭ ۇرپاقتىڭ سپورتقا ءبىرتابان جاقىندىعىن كورىپ، جانىڭ جادىراپ قالادى. بالاعا باعدار بەرىپ، سپورتقا باۋلىپ جۇرگەندەردە ەڭبەگىنىڭ جەمىسىن كورىپ، اۋدان نامىسىن رەسپۋبليكالىق دەڭگەيدەگى ايتۋلى باسەكەلەردە قورعاپ ءجۇر.
«دوپ ويناعان توزار» دەگەن ەسكى ۇعىمنىڭ ىعىندا قالماي، دوپ قۋالاپ تا الەمدى وزىنە قاراتۋعا بولاتىنىن ەڭسەسى بيىك ەلدەر ابىرويعا بەلشەسىنەن باتۋلى. العان بەتىمىزدەن اداسپاساق، الما-كەزەك دۇنيە قۋانىشىنىڭ ءبىر كەزدەرى بىزگە دە كەلىپ، ءبىزدىڭ اۋىلدا دا توي بولاتىنىنا كامىل سەنىمدىمىز. العاشقى قادامى قۋانتارلىق دەڭگەيدەگى سونداي جەتىستىگىمەن ح.سانباەۆ اتىنداعى مەكتەپتى اتاۋعا بولادى. فۋتبول دەسە، ىشكەن اسىن جەرگە قويىپ، جانى كۇيىپ-ءپىسىپ شاپقىلاپ جۇرەتىن مۇنداعى اعايدىڭ ماڭداي تەرى بەس ەلى. تابيعاتتىڭ ءتورت مەزگىلىنىڭ قاي-قايسىسىن جاتىرقاماي، جەتكىنشەكتەرگە فۋتبولدىڭ قىر-سىرىن مەڭگەرتىپ جۇرگەن ونىڭ شىدامدىلىعىنا كەيدە تاڭقالاتىنىمىزدى جاسىرعىمىز كەلمەيدى.
سوڭعى كەزدەرى قىزدار اراسىندا فۋتبول ويىنىن دامىتا تۇسكەن ول ءوزى قىزمەت ەتەتىن مەكتەپتىڭ وبلىسىمىزداعى فۋتبولدان بازالىق ورداعا اينالعانىن ايتقانى بار-دى.
بىراق، «قوي تەرىسىن جامىلعان قاسقىردىڭ ارەكەتىنە» سالىپ باققاندار، ءىستىڭ بەرەكەتىن كەلتىرۋدىڭ ورنىنا قاۋىپتىڭ قارا بۇلتىن ءۇيىرىپ تۇرعان جايى بار.

سالاۋاتتى ءومىر سالتىن قالىپتاستىرۋ مۇراتى جولىندا مەملەكەت تاراپىنان بارىنشا قولداۋ جاسالۋ ۇستىندە. ايتالىق ۇرانداتقان شارالاردا ەسەپ جوعىنا كوز جەتكىزۋ قيىنعا سوقپايدى. سونىڭ ناتيجەسى بولار، بۇگىندە وسكەلەڭ ۇرپاقتىڭ سپورتقا ءبىرتابان جاقىندىعىن كورىپ، جانىڭ جادىراپ قالادى. بالاعا باعدار بەرىپ، سپورتقا باۋلىپ جۇرگەندەردە ەڭبەگىنىڭ جەمىسىن كورىپ، اۋدان نامىسىن رەسپۋبليكالىق دەڭگەيدەگى ايتۋلى باسەكەلەردە قورعاپ ءجۇر.
«دوپ ويناعان توزار» دەگەن ەسكى ۇعىمنىڭ ىعىندا قالماي، دوپ قۋالاپ تا الەمدى وزىنە قاراتۋعا بولاتىنىن ەڭسەسى بيىك ەلدەر ابىرويعا بەلشەسىنەن باتۋلى. العان بەتىمىزدەن اداسپاساق، الما-كەزەك دۇنيە قۋانىشىنىڭ ءبىر كەزدەرى بىزگە دە كەلىپ، ءبىزدىڭ اۋىلدا دا توي بولاتىنىنا كامىل سەنىمدىمىز. العاشقى قادامى قۋانتارلىق دەڭگەيدەگى سونداي جەتىستىگىمەن ح.سانباەۆ اتىنداعى مەكتەپتى اتاۋعا بولادى. فۋتبول دەسە، ىشكەن اسىن جەرگە قويىپ، جانى كۇيىپ-ءپىسىپ شاپقىلاپ جۇرەتىن مۇنداعى اعايدىڭ ماڭداي تەرى بەس ەلى. تابيعاتتىڭ ءتورت مەزگىلىنىڭ قاي-قايسىسىن جاتىرقاماي، جەتكىنشەكتەرگە فۋتبولدىڭ قىر-سىرىن مەڭگەرتىپ جۇرگەن ونىڭ شىدامدىلىعىنا كەيدە تاڭقالاتىنىمىزدى جاسىرعىمىز كەلمەيدى.
سوڭعى كەزدەرى قىزدار اراسىندا فۋتبول ويىنىن دامىتا تۇسكەن ول ءوزى قىزمەت ەتەتىن مەكتەپتىڭ وبلىسىمىزداعى فۋتبولدان بازالىق ورداعا اينالعانىن ايتقانى بار-دى.
بىراق، «قوي تەرىسىن جامىلعان قاسقىردىڭ ارەكەتىنە» سالىپ باققاندار، ءىستىڭ بەرەكەتىن كەلتىرۋدىڭ ورنىنا قاۋىپتىڭ قارا بۇلتىن ءۇيىرىپ تۇرعان جايى بار.
مەكتەپتىڭ شارباعى جوق بولۋى سەبەپتى ءبىلىم ورداسىنىڭ ويىن الاڭىن سول ماڭدا تۇراتىن تۇرعىندار وتكەل جولعا اينالدىرىپ العان كورىنەدى. قاۋىپكە قايدان كەلدى دەرىڭ بار ما، ەرتەڭ الاڭسىز دوپ قۋالاعان بالانىڭ كولىكتىڭ ءتورت دوڭگەلەگىنىڭ استىندا دومالاماسىنا ەشكىم كەپىلدىك ەتە المايدى. اعايدىڭ وسىنى ايتىپ شىرقىراپ شاپقىلاعانىنا بيىل ءتورتىنشى جىلعا اياق باستى. ماسەلەنى جىل سايىن اۋىساتىن اۋدان باسشىلىعىنىڭ الدىنا قويۋدان ەشتەمە ونبەگەسىن شارشاعانىن ايتقان ول بۇل ىسكە ءبىلىم بەرۋ ءبولىمىنىڭ دە «بىلسە دە بىلمەگەندەي كەيىپ» تانىتىپ وتىرعانىنا وكپەلى.
ءسوز جوق، جەڭ ۇشىنان جالعاسقان جەمقورلىقتىڭ لەبى ەسىپ تۇرعانى بەلگىلى. ويتكەنى، 2005 جىلى قۇجات بويىنشا مەكتەپتىڭ ات شاپتىرىم اۋلاسى شارباقپەن «سىقيىپ» تۇر. وسىعان بايلانىستى 2005 جىلعى گازەتىمىزدىڭ مۇراعاتىن پاراقتاعانىمىزدا، شىنىندا دا سول كەزدەگى اۋدان باسشىسىنىڭ جىلدىق ەسەبىندە («ماقات تىنىسى» №4 (232), 20 قاڭتار 2006 جىل) ح.سانباەۆ اتىنداعى ورتا مەكتەپتىڭ شارباقپەن قورشالعاندىعى ايتىلادى. انىعىن ايتقاندا، شارباق مەكتەپتىڭ الدىڭعى بولىگىنە عانا قوندىرىلعان. سوندا قالعانى قايدا كەتتى، نەمەسە قارجىسى كىمنىڭ قالتاسىن قامپايتتى؟  ءمان-جايعا قانىق پروكۋراتۋرا نەگە ءۇنسىز؟ مىنە، جاۋاپسىز سان ساۋالدار ماسەلەنىڭ شەتىن ۇستاساڭ بولدى، اعىتىلىپ كەتە بەرەدى.
پروكۋراتۋرا دەيتىن سەبەبىمىز، اعايدىڭ ايتۋىنشا، بىلتىرعى جىلى ارىزدى اۋىزشا جازدىرىپ العان ەكەن. كەيىن وعان اتالمىش كەلەڭسىزدىككە بايلانىستى ءىس قوزعالعاندىعى جونىندە دە جاۋاپ حات كەلگەن. بىراق، ارتى «سىيىرقۇيىمشاقتانىپ» قالا بارعان. بۇل-قۇقىق قورعاۋشىلارعا جوعارىدا «تارت قولىڭدى» دەپ وتىرعان ءبىر «قۇدايدىڭ» بار بولعانىنىڭ بەلگىسى دەپ تانۋعا بولارلىق جايت. قارا باقىرعا شەيىن قايدا جۇمسالعاندىعىن قاداعالايتىن قارجى پوليتسياسىنىڭ دا «كوز جۇما» قاراۋى بىزگە تۇسىنىكسىز.
«بارماق باستى، كوز قىستىلىق» ارەكەتتىڭ پەرىشتەنى جولدان تايدىرعان قۇدىرەتتىلىگى-اي دەسەڭشى! بالانىڭ قاۋىپسىزدىگى قارا باقىرعا دا تاتىماعانى ما سوندا؟ الدە قاشانعىداي ءبىر قاسىرەت ورىن المايىنشا، جىر بولعان قايران شارباق تارتىلماي ما؟
ارىزدانا كەلگەن اعاي ەندىگى ءۇمىتتى دەپۋتاتتارعا ارتىپ وتىر.
قالاي دەگەندە دە، بالانىڭ قاۋىپسىزدىگى-ەڭ باستىسى. سوندىقتان، بۇرىنعى شارباعىن بولسا دا، قايتا سالىپ بەرۋ ماسەلەسى شەشىلۋى ءتيىس.

ا.بايجىگىتوۆ،
اتىراۋ وبلىسى،
ماقات اۋدانى،
ماقات كەنتى.