استانادا ءساۋىردىڭ 18-ىندە وتكەن قازاقستان حالقى اسسامبلەياسىنىڭ XVII سەسسياسىنا قاتىسقان شىعىسقازاقستاندىق دەلەگاتسيا دا تىڭ وي ارقالاپ قايتقان-دى. بۇگىن دەلەگاتتاردىڭ بىرقاتارىنا ءسوز بەرىپ وتىرمىز.

لەو شيك، قازاقستان حالقى اسسامبلەياسىنىڭ مۇشەسى، شەمونايحا اۋدانىنىڭ قۇرمەتتى ازاماتى:

استانادا ءساۋىردىڭ 18-ىندە وتكەن قازاقستان حالقى اسسامبلەياسىنىڭ XVII سەسسياسىنا قاتىسقان شىعىسقازاقستاندىق دەلەگاتسيا دا تىڭ وي ارقالاپ قايتقان-دى. بۇگىن دەلەگاتتاردىڭ بىرقاتارىنا ءسوز بەرىپ وتىرمىز.

لەو شيك، قازاقستان حالقى اسسامبلەياسىنىڭ مۇشەسى، شەمونايحا اۋدانىنىڭ قۇرمەتتى ازاماتى:

- قازاقستان حالقى اسسام-بلەياسىنىڭ XVII سەسسياسىندا ەلباسىمىز بەرەكەلى بولاشا-عىمىزدى بەكەم بىرلىكپەن بايلانىستىردى. كونستيتۋتسيالىق مارتەبە العان اسسامبلەيانىڭ قىزمەت شەڭبەرى كەڭي تۇسەتىنىن ايتتى. ەلباسى نۇرسۇلتان نازارباەۆ مينيسترلەر جانە ءارتۇرلى اگەنتتىكتەر باسشىلارىمەن، وبلىس اكىمدەرىمەن بولعان ماجىلىستە ءار سالاعا قاتىستى ناقتى ءىس-شارالاردى ايقىنداپ، ونىڭ ورىندالۋ ۋاقىتىنا دەيىن بەلگىلەپ بەردى. وسىدان سوڭ اسسامبلەيانىڭ مۇشەلەرىنە دە وزەكتى التى تاپسىرما جۇكتەلدى. بۇگىنگى تاڭدا بۇكىل قازاقستاندىقتاردىڭ يننوۆاتسيالىق يندۋستريالاندىرۋ مەن جاڭعىرتۋ يدەياسىنىڭ ماڭايىنا توپتاسقانى بەلگىلى. ەلباسى ەتنومادەني ورتالىقتاردىڭ دا وسى باستامادان شەت قالماۋلارىن، بولاشاعىمىزدىڭ ىرگەسىن قالاۋعا اتسالىسۋلارىن ءوتىندى. اسسامبلەيانىڭ جۇمىسىن جانداندىرۋ بارىسىندا ەتنوسارالىق جانە كونفەس-
سياارالىق قارىم-قاتىناستاردىڭ اسپەكتىلەرىن زەرت-
تەيتىن قۋاتتى ورتالىق قۇرۋ قاجەتتىگىن ەسكەرتتى. مادەني-اقپاراتتىق سالا ارقىلى تولەرانتتىققا تاربيەلەۋ جۇمىستارىن جانداندىرۋعا باسا كوڭىل بولۋگە شاقىردى. بۇل تۇرعىدا اسسامبلەيانىڭ ءوز ۆەب-سايتىن جەتىلدىرىپ، ءوز گازەتىن شىعاراتىن ۋاقىتتىڭ جەتكەنىنە توقتالدى.

تاتيانا كاگەرمانوۆا، وبلىستىق شەشەندەر مەن ينگۋشتەر قاۋىمداستىعىنىڭ ءتورايىمى:

- قازاقستان حالقى اسسام-بلەياسىنىڭ XVII سەسسياسىندا ەلباسىمىز نۇرسۇلتان
نازارباەۆ ۇلتارالىق قاتى-ناستى ودان ءارى كەمەلدەندىرۋدىڭ، اسسامبلەيانىڭ قوعامداعى ءرولىن جەتىلدىرە ءتۇسۋدىڭ جاڭا جولدارىن ايقىنداپ بەردى. وسى ورايدا قازاق ءتىلىن بارلىق ەتنوس وكىلدەرى ءبىر-بىرىمەن ءوزارا قارىم-قاتىناس قۇرالى، تۇراقتىلىعىمىزدىڭ كەپىلى رەتىندە مەڭگەرۋى جونىندە باسا ايتىلدى. ەلىمىزدى مەكەندەيتىن بارلىق ۇلتتار مەن ۇلىستاردىڭ مەملەكەتتىك ءتىلدى جەتىك مەڭگەرۋى تاريحىمىزدى تارازىلاپ، ءداستۇرىمىز بەن مادەنيەتىمىزدىڭ تەرەڭىنە بويلاۋعا مۇمكىندىك بەرەدى. ءبىز ءوز تاراپىمىزدان مەملەكەتتىك ءتىلدى وقىتۋدىڭ تىڭ جوبالارىن جاساپ، بۇكىلحالىقتىق بىرلىك مەرەكەسى - 1-مامىردى جاڭاشا تۇردە تويلاۋدى ۇيىمداستىرساق دەپ وتىرمىز. ەلباسىمىزدىڭ ساياسي كورەگەندىگىنىڭ ناتيجەسىندە قول جەتكىزگەن ۇلتارالىق كەلىسىم مەن تۇراقتىلىقتىڭ بىرەگەي ۇلگىسىن بۇگىندە الەمنىڭ 56 مەملەكەتى زەرتتەپ، ءوز جۇمىستارىندا باسشىلىققا الۋعا نيەت ءبىلدىرىپ وتىر.

كارەن ناريمونيان، «ارارات» ارميان مادەني ورتالىعى توراعاسىنىڭ ورىنباسارى:

- قازاقستان حالقى اسسام-بلەياسىنىڭ بيىلعى سەسسياسى
جاڭا لەپپەن، ەرەكشە كوڭىلكۇيمەن وتكەنىن اتاپ ايتقىم كەلەدى. ەلباسىنىڭ اسسامبلەيانىڭ الدىنا قويعان التى تاپسىرماسى - وتە ءماندى. سولاردىڭ ءبىرى - ۇلتارالىق بىرلىگىمىزدى بۇرىنعىدان دا بەكىتە ءتۇسۋ. ەلباسى نۇرسۇلتان نازارباەۆ ەكونوميكالىق جانە الەۋمەتتىك سالالاردا يننوۆاتسيالىق تىڭ شە-شىمدەر قابىلداۋ قاجەتتىگىن العا تارتتى. مىسالى، اسسامبلەيا مۇشەلەرىنە مەكتەپ جاسىنا دەيىنگى بال-عىنداردى وقىتىپ-تاربيەلەۋ باعدارلامالارىنا ءوز ۇسىنىستارىن ەنگىزۋ، تاريح وقۋلىقتارىندا تولەرانتتىقتىڭ، قازاقستاندىق ۇلىستاردىڭ دوس-تىعىنىڭ شىنايىلىقپەن كورسەتىلۋىنە ساراپتاما جاساۋ سياقتى تىلەكتەر ايتىلدى. مەن ءوزىم وقىتۋشى بولعاندىقتان قازاق ءتىلىن وقىتۋدا دا يننوۆاتسيالىق ادىستەمەلەردى كەڭىنەن قولدانىپ، جۇمىسىنا شىعارماشىلىق تۇرعىدان قارايتىن مۇعالىمدەرگە جان-جاقتى قولداۋ كورسەتۋ قاجەت دەپ سانايمىن. بۇگىندە نەمەرەمنىڭ قازاقستاننىڭ ءانۇرانىن قازاق تىلىندە شىرقاعانىن ەستىگەندە جۇرەگىمدى ماقتانىش سەزىمى كەرنەيدى. قازاق جەرىنە وسىدان قىرىق بەس جىل بۇرىن ايەلىم جانە ەكى بالاممەن كەلگەن ەدىم. ول كەزدە كۇش-جىگەرىم تاسىپ تۇرعانىمەن بۇگىنگىدەي تاجىريبەم بولعان جوق. ەندى بۇگىن وسى جيعان-تەرگەن تاجىريبەمدى ۇلتارالىق كەلىسىمدى نىعايتا تۇسۋگە، ەل ىرگەسىنىڭ تىنىشتىعىن ساقتاۋعا جۇمساعىم كەلەدى.

«اباي-اقپارات»