اباي اتامىزدىڭ بۇل سۋرەتى مەنىڭ قولىما 1994 جىلى ءتۇسىپ ەدى. اۆتورى قىتاي سۋرەتشىسى. سىرتقى ىستەر مينيسترلىگىنىڭ يۋنەسكو ىستەرى جانە مادەني بايلانىس باسقارماسىندا ءبولىم باسقارىپ جۇرگەنىمدە، "قازاقستان ديپلوماتياسى" اتتى ءۇش تىلدە جۋرنال شىعارماق بولدىق. العاشقى سانىنا ۇلى اقىننىڭ 150 جىلدىعىنا وراي ماتەريالدار دايىندادىق. ءبىر ماقالانى قىتاي ەلشىلىگىندە مادەني اتتاشە قىزمەتىندە جۇرگەن ديپلومات ءارى ابايدىڭ "قارا سوزدەرىن" قىتاي تىلىنە اۋدارعان جازۋشى سۋ چجوۋسۋن (سۋ جوۋشيوڭ) جولداستان الدىم. ول ماقالاسىمەن قوسا وسى سۋرەتتى ۇسىندى.

بۇل پورترەتتى جۋڭگونىڭ بەلگىلى سۋرەتشىسى گاو مان (گاۋ ماڭ) 1993 جىلى اباي قۇنانباەۆتىڭ قىتاي تىلىندەگى تاڭدامالى كىتابىنا ارناپ سالعان بولىپ شىقتى. جۋرنالدىڭ تۇڭعىش نومەرى باسۋعا دايىن بولعان كەزدە جوعارعى جاقتا اۋىس-كۇيىس بولىپ، ءبىزدىڭ باسىلىمىمىزدىڭ شىعۋىنا مۇددەلى بولىپ وتىرعان مينيستر ق.توقاەۆ باسقا قىزمەتكە اۋىستى دا، ورنىنا ق.ساۋداباەۆ كەلدى. ول كەلە سالا ەندى شىعا بەرگەن جۋرنالدى توقتاتىپ، ءبىرجولاتا جاۋىپ تاستادى. سونىمەن دايىندالعان جۋرنال نومەرى تۇگەلىمەن كومپيۋتەردە قالىپ، كەيىن ۇمىتىلدى.

جاقىندا پوليگون زاردابى تۋرالى ەرتەرەكتە جازعان كوركەم اڭگىمەمدى ىزدەپ، ءارحيۆىمدى اقتارىپ وتىرىپ، اباي اتامىزدىڭ سول پورترەتىن تاۋىپ الدىم. قاسىندا قىتاي اۋدارماشىسىنىڭ ورىس تىلىندەگى ماقالاسى دا بار ەكەن.

ۇلىقبەك ەسداۋلەتتىڭ الەۋمەتتىك جەلىدەگى جازباسىنان

Abai.kz