جاڭا كونستيتۋتسيا جوباسى تۋرالى پىكىر بىلدىرگەندە، مەملەكەتتىڭ باستى قۇندىلىعى – ادام مەن ونىڭ بوستاندىعى ەكەنىنە تولىق سەنىمدى بولدىم. بۇل قاعيدا ءبىزدىڭ ءبىلىم بەرۋ جۇيەمىز ءۇشىن وتە ماڭىزدى، سەبەبى ءبىلىم الۋشىلاردىڭ وي ەركىندىگى مەن شىعارماشىلىق قابىلەتتەرى ولاردىڭ بولاشاقتاعى كاسىبي جەتىستىكتەرىنە تىكەلەي اسەر ەتەدى. اقپاراتتىق تەحنولوگيالار جانە جاساندى ينتەللەكت فاكۋلتەتىنىڭ وقىتۋشىسى رەتىندە، مەنىڭ ويىمشا، كونستيتۋتسياداعى جاڭاشىلدىقتار جوعارى وقۋ ورىندارىنىڭ ساپاسىن ارتتىرۋعا جانە وقۋ پروتسەسىنىڭ تيىمدىلىگىن جوعارىلاتۋعا مۇمكىندىك بەرەدى.

كونستيتۋتسيادا بەكىتىلگەن وي ەركىندىگى مەن شىعارماشىلىققا بەرىلەتىن مۇمكىندىكتەر ءال-فارابي اتىنداعى قازۇۋ-ءنىڭ ءبىلىم الۋشىلارىنىڭ ەركىن ويلاي الاتىن، ءوز پىكىرىن اشىق بىلدىرۋدەن قورىقپايتىن، باسەكەگە قابىلەتتى مامان بولۋىنا جول اشادى. بۇل جاڭارتىلعان اتا زاڭ جاستاردىڭ تەك دايىن اقپاراتتى جاتتاپ قانا قويماي، ونى سىني تۇرعىدان تالداپ، جاڭا شەشىمدەر ىزدەي وتىرىپ، ءوز جۇمىسىن ءتيىمدى جانە يننوۆاتسيالىق جولمەن جانداندىرا تۇسەتىنىنە سەنىمىم مول.

قالىپتاسقان ورتادا ءبىلىم العان بولاشاق ماماندار تەك كاسىبي شەبەرلىككە يە بولمايدى، سونىمەن قاتار ءوز قوعامى الدىنداعى جاۋاپكەرشىلىگىن سەزىنەتىن سانالى تۇلعالارعا اينالادى. سوندىقتان بۇل رەفورمانى ەلىمىزدىڭ ينتەللەكتۋالدىق الەۋەتىن ارتتىرۋعا باعىتتالعان ماڭىزدى ءارى باتىل قادام دەپ باعالايمىن.

ىلەسوۆا باقىتگۇل ەرالىقىزى، ءال-فارابي اتىنداعى قازۇۋ-ءنىڭ اقپاراتتىق جۇيەلەر كافەدرا مەڭگەرۋشىسىنىڭ وقۋ-ادىستەمەلىك جانە تاربيە ءىسى جونىندەگى ورىنباسارى، اعا وقىتۋشى

Abai.kz