فيلولوگيا عىلىمدارىنىڭ دوكتورى اسقار قۇدايبەرگەنۇلى جۇبانوۆ ومىردەن وزدى.

قارالى حاباردى احمەت بايتۇرسىنۇلى اتىنداعى ءتىل ءبىلىمى ينستيتۋتىنىڭ ءباسپاسوز قىزمەتكەرى مەيرامبەك تاۋبالديەۆ Facebook پاراقشاسىندا جازدى.

- قارالى حابار. تەكتىنىڭ تۇياعى، اسىلدىڭ سىنىعى، بەلگىلى ءتىلشى-عالىم، فيلولوگيا عىلىمىنىڭ دوكتورى، پروفەسسور، احمەت بايتۇرسىنۇلى اتىنداعى ءتىل ءبىلىمى ينستيتۋتىنىڭ باس عىلىمي قىزمەتكەرى جۇبانوۆ اسقار قۇدايبەرگەنۇلى دۇنيەدەن وزدى. بۇل - قازاق عىلىمى ءۇشىن اۋىر قايعى. قازاق ەلىنە، وتباسىنا، اعايىن-تۋىسقا قايعىرىپ كوڭىل ايتامىن. باقۇل بولىڭىز، اسىل ادام!، - دەپ جازدى ول Facebook پاراقشاسىندا.

اسقار قۇدايبەرگەنۇلى جۇبانوۆ 13 قاراشادا 1937 جىلى الماتى قالاسىندا قىزمەتكەر وتباسىندا دۇنيەگە كەلدى. ۇلتى – قازاق. اكەسى قۇدايبەرگەن قۋانۇلى جۇبانوۆ – قازاق ءتىلىنىڭ تەوريالىق نەگىزىن قالاۋشى، ءتىل ءبىلىمىنىڭ تۇڭعىش پروفەسسورى.

Abai.kz