الداعى ۋاقىتتا مەملەكەتتىك قىزمەت ورىندارىندا جاپپاي جۇمىستان قىسقارتۋ ناۋقانى جۇرگىزىلمەك. وسىعان قاتىستى ۇكىمەتتىڭ ارنايى قاۋلىسى دايىندالىپ، پرەمەر-مينيستر كارىم ءماسىموۆتىڭ قاراۋىنا وتكىزىلىپتى.

ۇمىتپاساق، ءدال وسىنداي شتاتتى قىسقارتۋ قارەكەتى بۇعان دەيىن «سامۇرىق-قازىنا» ۇلتتىق ءال-اۋقات قورىندا ىسكە اسىرىلعان-تىن. قور قىزمەتكەرلەرىنىڭ جارتىسىنا جۋىعى جىلى ورىندارىنان بوساتىلىپ، قالعاندارى بونۋس، پرەميا سياقتى تولىپ جاتقان ماتەريالدىق تولەمدەردەن قاعىلعان. الايدا، رەسمي استانانىڭ جاساعان بۇل قادامىنان مەملەكەت قازانىنا كەلىپ-كەتەر جەڭىلدىك بولمادى، قىرۋار شىعىن بازباياعى قالپىنان ازايعان جوق. دەەپ جۇرسەك، كەيبىر دەرەكتەر كوزدەرى «سامۇرىق-قازىنانىڭ» باس عيماراتىندا قىزمەتتەن بوساپ قالعان ماماندار قوردىڭ ەنشىلەس كومپانيالارىنداعى جالاقىسى جوعارى باسقا لاۋازىمدارعا ورنالاسقانىن ايتادى. وسىدان كەيىن قاراجات قايدان ۇنەمدەلسىن؟

ەندىگى جەردە ەل ۇكىمەتى جىبەرگەن ولقىلىقتاردىڭ ورنىن تولتىرۋ ءۇشىن جانە ءبىر مارتە قىسقارتۋ جاساماقشى. ءتىپتى، مينيسترلىكتەر مەن ۆەدومستۆولارعا قىزمەتكە قابىلداۋعا موراتوري جاريالانىپ، مەملەكەتتىك قىزمەتكەرلەردى مۇرنىنان ءتىزىپ ساناققا الۋعا كىرىسكەن. وتاندىق بەدەلدى جوعارعى وقۋ ورىندارىن تامامداعان تۇلەكتەر تۇرعاي، «بولاشاق» باعدارلاماسىمەن شەتەلدىڭ ءبىلىمىن تاۋىسىپ قايتقان دايىن كادرلاردىڭ وزىنە ورىن جوق.

الداعى ۋاقىتتا مەملەكەتتىك قىزمەت ورىندارىندا جاپپاي جۇمىستان قىسقارتۋ ناۋقانى جۇرگىزىلمەك. وسىعان قاتىستى ۇكىمەتتىڭ ارنايى قاۋلىسى دايىندالىپ، پرەمەر-مينيستر كارىم ءماسىموۆتىڭ قاراۋىنا وتكىزىلىپتى.

ۇمىتپاساق، ءدال وسىنداي شتاتتى قىسقارتۋ قارەكەتى بۇعان دەيىن «سامۇرىق-قازىنا» ۇلتتىق ءال-اۋقات قورىندا ىسكە اسىرىلعان-تىن. قور قىزمەتكەرلەرىنىڭ جارتىسىنا جۋىعى جىلى ورىندارىنان بوساتىلىپ، قالعاندارى بونۋس، پرەميا سياقتى تولىپ جاتقان ماتەريالدىق تولەمدەردەن قاعىلعان. الايدا، رەسمي استانانىڭ جاساعان بۇل قادامىنان مەملەكەت قازانىنا كەلىپ-كەتەر جەڭىلدىك بولمادى، قىرۋار شىعىن بازباياعى قالپىنان ازايعان جوق. دەەپ جۇرسەك، كەيبىر دەرەكتەر كوزدەرى «سامۇرىق-قازىنانىڭ» باس عيماراتىندا قىزمەتتەن بوساپ قالعان ماماندار قوردىڭ ەنشىلەس كومپانيالارىنداعى جالاقىسى جوعارى باسقا لاۋازىمدارعا ورنالاسقانىن ايتادى. وسىدان كەيىن قاراجات قايدان ۇنەمدەلسىن؟

ەندىگى جەردە ەل ۇكىمەتى جىبەرگەن ولقىلىقتاردىڭ ورنىن تولتىرۋ ءۇشىن جانە ءبىر مارتە قىسقارتۋ جاساماقشى. ءتىپتى، مينيسترلىكتەر مەن ۆەدومستۆولارعا قىزمەتكە قابىلداۋعا موراتوري جاريالانىپ، مەملەكەتتىك قىزمەتكەرلەردى مۇرنىنان ءتىزىپ ساناققا الۋعا كىرىسكەن. وتاندىق بەدەلدى جوعارعى وقۋ ورىندارىن تامامداعان تۇلەكتەر تۇرعاي، «بولاشاق» باعدارلاماسىمەن شەتەلدىڭ ءبىلىمىن تاۋىسىپ قايتقان دايىن كادرلاردىڭ وزىنە ورىن جوق.

ءبىر قىزىعى بۇل جاعداي پارلامەنتتەگى «قوي اۋزىنان ءشوپ الماس» دەپۋتاتتاردىڭ كەيبىرىن شابىنا شوق تۇسكەندەي تۋلاتىپ جىبەردى. ايتالىق، باسقا كەزدە جۇمعان اۋزىن اشپايتىن قالاۋلى اعامىز ءۋاليحان قاليجان مىرزانىڭ اياق استىنان باتىلدىعى ۇستاپ: «بولاشاق» باعدارلاماسى بويىنشا بىتىرگەن 800-گە جۋىق جاستار قايدا بارادى؟» - دەگەن دەپۋتاتتىق ساۋال جولداۋى ءبارىمىزدى تاڭداندىرىپ تاستادى. شاماسى، بيىلعى جىلى ول كىسىنىڭ نەمەرەسى مە ەكەن، شوبەرەسى مە ەكەن ايتەۋىر ءبىر جاقىنى «بولاشاقپەن» شەتەلدەن ورالاتىن بولۋى كەرەك. ايتپەسە، ءبىزدىڭ «نوقتالى» دەپۋتاتتارىمىز بوستان-بوسقا ءسوزىن شىعىنداماس ەدى عوي. دەي تۇرعانمەن، قاليجان مىرزا قانشا جەردەن ساۋال جولداسا دا، «بولاشاقشىل» جاستارعا بۇرىنعىداي باتپان قۇيرىق بولمايدى.

«ءبىز ءوزىمىزدىڭ باسىمىزدان قيىنشىلىقتى وتكەرگەن ۋاقىتتا عانا ءموراتوريدى توقتاتۋ تۋرالى ايتۋعا بولادى. قازىر مەملەكەتتىك قىزمەت ورىندارىنىڭ ىشىندە ايتارلىقتاي اۋقىمدى قىسقارتۋ جۇرگىزۋ تۋرالى ۇكىمەت قاۋلىسى قارالىپ جاتىر. بىلايشا ايتقاندا، بوس قىزمەت ورىندارىن ءبىز الىپ تاستايمىز، جانە بىرقاتار ادامداردى دا قىسقارتامىز»، - دەپ تۇسىندىرەدى پرەمەر-مينيستر.

قوش دەلىك، بيۋدجەتتىڭ ءبۇيىرىن سورعان ارامتاماقتاردىڭ قىسقارعانى دۇرىس. بىراق تا سول «سامۇرىق-قازىنا» قۇرىلعان كەزدە، ءاۋ باستا تۇككە قاجەتسىز مىڭداعان ادامداردى قىزمەتكە توپىرلاتىپ نەگە قابىلدادى؟ بىلمەسەڭىز ايتايىن، باياعى مەملەكەت قارجىسىنا قارىن تويعىزۋ ءۇشىن. ياعني، بيلىكتەگى كوكەلەر وزدەرىنىڭ جاقىن-جۇراعاتتارىن، تۋعان-تۋىسقاندارىن جالاقىسى مول، جاعداي جاسالعان جىلى-جۇمساققا ورنالاستىردى. قوردىڭ ەسەبىنەن باسىنا پاتەر، استىنا ماشينە اپەردى، ىشكەن-جەگەنى، كيگەن كيىمىنە دەيىن مەملەكەت قالتاسىنان تولەندى. بۇدان ارتىق قانداي باقىت كەرەك. پاتەر دەمەكشى، مۇندا دا بايقاساڭىز بيلىكتى جاعالاعان جاقسى-جايساڭنىڭ اۋزى مايلاندى. قۇرىلىس كومپانيالاردىڭ كوپشىلىگىنىڭ يەسى شەندى-شەكپەندى ەكەندىگىن ەسكەرسەك، «سامۇرىق-قازىنانىڭ» ءوز قىزمەتكەرلەرىنە پاتەردى قايدان ساتىپ العاندىعىن ءبىلۋ قيىن ەمەس. داعدارىس سالدارىنان جۇمىسى قاڭتارىلىپ، سالعان ۇيلەرى وتپەي تۇرعان كومپانيالار دايىن تاۋاردى مەملەكەتكە ءتيىمدى باعاعا ساتتى. ءسويتىپ، بىرەۋلەرى تەگىن باسپاناعا قولى جەتىپ قارىق بوپ جاتسا، ەندى بىرەۋلەرى تۇرعىزعان ۇيلەرىن ساۋدالاپ تابىسقا كەنەلۋدە. ەكەۋىندە دە بيلىكتەگى قاسقالاردىڭ ۇپايى ارتتى، قاراشى حالىققا سوقىر تيىن دا جوق.

تاعى دا شتاتتى قىسقارتامىز دەپ ۇستەلدى توقپاقتايدى ۇكىمەت باسشىسى، بىراق ونىڭ ناتيجەسى قانداي بولاتىنى بەلگىلى. «سامۇرىق-قازىنانىڭ» مايلى جىلىگىن قوس قولداپ ۇستاعان باي-باعلاننىڭ بالالارى، ءيا جاقىن ادامدارى سوندا قايدا بارىپ كۇنەلتپەك؟ دالادا قاڭعىرىپ قالمايتىنى انىق، ەندەشە باسقا جەردەن ودان دا زور مايشەلپەك ءازىر تۇر دەڭىز.

«قازاقستان» اپتالىعى. 24. 06. 09