وسىدان ءبىر جۇما بۇرىن بىرگە قىزمەت ىستەيتىن ازاماتتىڭ اكەسى قايتىس بولىپ، ەلگە سۇرانىپ كەتتى. مەن وعان: «ىندەتكە بايلانىستى جاعدايدىڭ وتە كۇردەلى ەكەنىن، مۇمكىندىگىنشە اعايىندار توپىرلاماي، كەيىن دە كوڭىل ايتا بەرەدى عوي، سونى دۇرىستاپ تۇسىندىرەرسىڭ. ۇيدە مۇلدە داستارحان جايۋعا بولمايدى. اينالايىن سونى ەسكەرەرسىڭ»، دەگەنمىن.

وكىنىشكە وراي ەستىگەنىم، توپىرلاعان بىرنەشە ءجۇز ادام جينالعان. استى-ءۇستى داستارحان جايىلعان. اياعىندا نۇر-سۇلتان قالاسىنان ساپ-ساۋ بارعان، مەن: «قايتىس بولعان ادامدى قايتىپ تىرىلتە المايسىڭدار، ساقتىق شارالارىن ساقتاڭدار»، دەپ ءوتىنىش ايتقان ازامات ايەلىمەن بىرگە ىندەت جۇقتىرىپ، اۋرۋحانادان ءبىر اق شىقتى. دەمەك سوندا جينالعانداردىڭ كوپشىلىگى ىندەت جۇقتىردى دەگەن ءسوز.

اعايىن بۇل ىندەت سوعىستان دا جامان. سوعىستا جاۋىڭدى كورەسىڭ عوي، ال بۇل مىلتىقسىز مايدان. اعايىنعا، وزىڭە، وتباسىڭا جانىڭ اشىسا جاقىنداما!

توي دەگەندى باستان شىعارىپ تاستا! قايتىس بولعان ادامدى ەڭ جاقىن دەگەن تۋىس بەس-التى ادام دا جەرلەيدى. ولگەننىڭ ارتىنان ولمەك جوق. بارىنشا ساقتان! ءوز ءومىرىڭ ءوز قولىڭدا ەكەنىن ۇمىتپا.

مۇرات باقتيارۇلىنىڭ جازباسى

Abai.kz