شەشەنستان باسشىسى رامزان كادىروۆ ۆلاديمير پۋتين رەسەيدىڭ "ماڭگى پرەزيدەنتى" بولۋعا لايىق دەپ مالىمدەدى. ول الەۋمەتتىك جەلى ارقىلى تاراتقان ۆيدەوۇندەۋىندە الەمدىك دەڭگەيدە پرەزيدەنتكە تەڭ كەلەر ادام جوق دەدى.

كادىروۆتىڭ سوزىنشە، شەشەنستان پۋتين تۇسىندا گۇلدەندى. ء"بىز بۇگىن رەسەي فەدەراتسياسىندا، قۇقىقتىق مەملەكەتتە ءومىر سۇرەمىز" دەگەن ول حالىقتى سايلاۋعا بارىپ، داۋىس بەرۋگە شاقىردى.

داۋىس بەرۋ 1 ماۋسىمدا اياقتالادى، بىراق رەسمي مالىمەت بويىنشا، شەشەنستاننىڭ سايلاۋشىلارىنىڭ 75 پروتسەنتى داۋىس بەرىپ ۇلگەرگەن. بۇل رەسەي بويىنشا ەڭ جوعارعى كورسەتكىش.

2018 جىلى وتكەن رەسەيدەگى پرەزيدەنت سايلاۋى كەزىندە دە كادىروۆ پۋتين "ماڭگى ەل باسقارۋى" ءتيىس دەگەن.

رەسەي كونستيتۋتسياسىنا ەنگىزىلگەن تۇزەتۋلەرگە سايكەس، ءپۋتيننىڭ وسىعان دەيىنگى ەل باسقارعان مەرزىمى جويىلادى دا، وعان قايتا ەكى مەرزىمگە، ياعني 2036 جىلعا دەيىن سايلاۋعا تۇسۋىنە مۇمكىندىك بەرىلەدى.

ءپۋتيننىڭ ءباسپاسوز حاتشىسى دميتري پەسكوۆ رەسەي كونستيتۋتسياسىندا ماڭگى پرەزيدەنت بولۋ قاراستىرىلماعانىن مالىمدەدى.

Abai.kz