كونفەرەنتسيا قوناعى مەيىرحان اقداۋلەت وقىرماندار تاراپىنان كەلىپ تۇسكەن ساۋالدارعا جالعاستى جاۋاپ قاتىپ وتىر.

مەيىرحان مىرزا ۇلتتىق يدەيا ءھام زيالىلار تۋرالى ساۋالعا جاۋاپ بەرە كەلىپ: «بۇل ءۇشىن اۋەلى زيالى قاۋىمنىڭ ءوزىنىڭ دەڭگەيى ءوسۋى كەرەك. ءوستىم دەۋشىلەر بولسا، ەكسپەريمەنت جاساپ كورەيىك: ماسەلەن، ناعىز قازاق حالقىنىڭ قازىرگى دەڭگەيى (ساياسي، سانالىق، كاسىبي، مادەني، ت.ت.) قاي جەردە - سونى انىقتاپ الىپ، ۇلتتىڭ (مەملەكەتتىڭ ەمەس!) دامۋى ءۇشىن ەستى، كەشەندى باعدارلاما جاسايىق، سونى جۇزەگە اسىرايىق! مىنە، يدەيا! زيالى قايدا؟»، دەگەن ۇلكەن سۇراقپەن ويىن قايىرادى.

"اباي-اقپارات"

- مەيىر اعا، "التىن وردا" گازەتىن داۋرەن ەكەۋىڭىز نەگە تاستاپ كەتتىڭىزدەر؟ سول گازەتكە جانىم اشيدى. قازىر بار ما سول گازەت؟ انەبىر يساتاي قۇندىزبايۇلى دەيتىن   قايدان پايدا بولدى، ايگىلى "التىن وردانىڭ" تاريحىندا؟ ەرگەن دوشاەۆ دەگەن كىم؟

- فرانتسۋزدار مۇندايدا «سە ليا ۆي!» دەيدى. مەنىڭ سەنىمىم جۇدەدى، ءۇمىتىم ارىدى. بىرەۋگە وكپەلەگەننەن ەمەس، ءوزىم مەديا-ماگنات بولماعان سوڭ. كەتتىم.

كونفەرەنتسيا قوناعى مەيىرحان اقداۋلەت وقىرماندار تاراپىنان كەلىپ تۇسكەن ساۋالدارعا جالعاستى جاۋاپ قاتىپ وتىر.

مەيىرحان مىرزا ۇلتتىق يدەيا ءھام زيالىلار تۋرالى ساۋالعا جاۋاپ بەرە كەلىپ: «بۇل ءۇشىن اۋەلى زيالى قاۋىمنىڭ ءوزىنىڭ دەڭگەيى ءوسۋى كەرەك. ءوستىم دەۋشىلەر بولسا، ەكسپەريمەنت جاساپ كورەيىك: ماسەلەن، ناعىز قازاق حالقىنىڭ قازىرگى دەڭگەيى (ساياسي، سانالىق، كاسىبي، مادەني، ت.ت.) قاي جەردە - سونى انىقتاپ الىپ، ۇلتتىڭ (مەملەكەتتىڭ ەمەس!) دامۋى ءۇشىن ەستى، كەشەندى باعدارلاما جاسايىق، سونى جۇزەگە اسىرايىق! مىنە، يدەيا! زيالى قايدا؟»، دەگەن ۇلكەن سۇراقپەن ويىن قايىرادى.

"اباي-اقپارات"

- مەيىر اعا، "التىن وردا" گازەتىن داۋرەن ەكەۋىڭىز نەگە تاستاپ كەتتىڭىزدەر؟ سول گازەتكە جانىم اشيدى. قازىر بار ما سول گازەت؟ انەبىر يساتاي قۇندىزبايۇلى دەيتىن   قايدان پايدا بولدى، ايگىلى "التىن وردانىڭ" تاريحىندا؟ ەرگەن دوشاەۆ دەگەن كىم؟

- فرانتسۋزدار مۇندايدا «سە ليا ۆي!» دەيدى. مەنىڭ سەنىمىم جۇدەدى، ءۇمىتىم ارىدى. بىرەۋگە وكپەلەگەننەن ەمەس، ءوزىم مەديا-ماگنات بولماعان سوڭ. كەتتىم.

داۋرەننىڭ ءوز سەبەبى بار شىعار. بىراق، ول دا سولاي كۇي كەشكەن شىعار. «التىن وردا» جۇرتتا قالدى (قازانعاپتىڭ «جۇرتتا قالعان» دەگەن شەرمەندە كۇيىن تىڭداڭىز). يساتايعا نەعىل دەيسىڭ - جاقسى جىگىت، بارى سول، ءارى «او» اكىمنىڭ گازەتى بولىپ قالدى عوي. ەرگەن دوشاەۆ دەگەن مەنىڭ جەرلەسىم، «او»-نىڭ بۇكىل ىستىق-سۋىعىن كوتەرگەن سول. قازىر ءماجىلىستىڭ اپپاراتىندا جەتەكشى. وزىنەن ءبارىن سۇراپ الۋعا بولادى.

-سەرىكبول قوندىباي تۋرالى ايتىڭىزشى؟

-بۇل - قازاق تاريحىنداعى فەنومەن! تۇتاس ءبىر عىلىمي-زەرتتەۋ ينستيتۋتى  20 جىل اينالىسقاندا بىتىرە المايتىن عالامات ەڭبەك جاساپ كەتتى ول. قازاقتىڭ ساناسىندا رۋحاني-مادەني توڭكەرىس جاسارلىقتاي ەڭبەكتەر قالدىردى. ول الەمدىك دەڭگەيدە عىلىمي اينالىمعا تۇسەرلىكتەي، قازىر سالتانات قۇرىپ تۇرعان ەۋروورتالىقشىل ۇستانىمنىڭ بىت-شىتىن شىعارىپ، شىنايى، داۋ ايتۋ قيىن ءىرى عىلىمي تۇجىرىمدار جاساپ كەتتى. وكىنىشتىسى، ءبىزدىڭ دانىشپانسىماق، شوپان قازاقتى عانا سەندىرە الارلىق دارمەنى بار عىلىمي (گۋمانيتارلىق) ورتا سەرىكبولدى باعالاماق تۇگىلى، ونىڭ جازعانىنا تۇسىنە الماي وتىر. سول سەبەپتى، اينالىمعا تۇسپەي وتىر. دەگەنمەن، ونى قادىرلەيتىن، تۇسىنىگى تەرەڭ ادامدار، ءتىپتى، باسشىلار دا (ماسەلەن، يمانعالي، قىرىمبەكتەر) بار. بىراق، جالعان پۇتتاردى لەكەرلەپ قولدان جاساپ، حالىقتى سوعان تابىندىرماق بولىپ الەك كۇيدە وتىرعان «دانىشپان» باق تا، قازاقتىڭ اتىنان سويلەگەنسيتىن «ۇلت ابىزدارى» مەن سوعان «كانديداتتاردىڭ» سەرىكبولدى، ونىڭ اسىل قازىناسىن ەسكەرمەي وتىرۋى ۇيات. شامالارى جەتپەيدى تۇسىنۋگە، سودان سوڭ مەلشيىپ وتىرا بەرەدى. سەرىكبولدى زەرتتەۋ، ۇلتتىق ساناعا ورنىقتىرۋ كەرەك. شىنىمدى ايتسام، ونى تولىق باعالارلىق ماقالا، ەڭبەك جازۋ مەنىڭ قولىمنان كەلمەيدى. «بالەنشەمەن ماقتانۋ كەرەك!» دەپ ءجيى ايتاتىن ءبىزدىڭ قورتىق گۋمانيتاريلەر سەرىكبولدى يگەرۋى كەرەك. قولدارىنان كەلسە ەگەر...

-باۋىرجان باباجانۇلى دەيتىن مىقتى ازاماتتى اقتوبەگە ەرتىپ اپارىپ ەدىڭىز، ول جاقتا باۋىرجان ءۇيلى-باراندى بولىپ جاتىر ەكەن. باۋىرجانداي ازاماتتار الىستا جۇرە بەرمەۋى كەرەك، ەندى ونى استاناعا بولماسا، الماتىعا قايتارمايسىز با؟

- اقتوبەگە ادام كەرەك ەمەس دەگەندى كىم ايتتى سىزگە؟! استانا، الماتىدا قاپتاپ جۇرگەن مىقتىلار بىرەۋدى ء(بىر ەلدى، ۇلتتى، رۋدى، ت.ت.) ۇشپاققا شىعارسا كانە؟ ەكىنشىدەن، مەن ونى بايلاپ ۇستاپ وتىرعان جوقپىن. ۇشىنشىدەن، ونى استانا، الماتىعا اپارىپ گۇمپ ەتكىزەتىن، قارىق قىلاتىن كىسى بولسا، مەن قۋانار ەدىم.

شىنىنا كەلسەك، «ايقىن»، «ەگەمەن قازاقستان»، ت.ب. باق-تاردىڭ بيلىگىن ماعان بەرسە، ءبارىنىڭ دەڭگەيىن كوتەرەر ەدىم. ول وڭاي: دارىندى، ءبىلىمدى جىگىتتەر كوپ، بىراق، ءبىر قازاقى «زاڭدىلىق» بار: بىزدە، ورىسشا ايتساق، «كاك پراۆيلو»، ءوز مەنى جوق، «لاببايكانى» جاقسى بىلەتىندەر مەن قازاقبايسكي ويىنعا كۇللى كورسەتكىشتەرى ساي كەلەتىن «مىقتىلار» عانا كوتەرىلەدى.

-ماكە، ساعي جيەنباەۆ، جۇماتاي جاقىپباەۆ، اسقار سۇلەيمەنوۆ تۋرالى ايتىڭىزشى. ولار جونىندە ءسىز سياقتى ەشكىم ايتا المايدى.
داستان ماراتۇلى

-بۇل ءۇشىن بىرنەشە ماقالا جازۋ كەرەك. جالعىز بۇلار ەمەس، قازاقتىڭ قورتىقتىقتان (رۋحاني-مادەني، ارينە!) قۇتىلۋى ءۇشىن قاجەت تۇلعالار تۋرالى جۇيەلى تۇردە ايتۋدى قويىپ كەتتىك. جۇرت تا، بيلىك تە «جارلىدان بايىعاننىڭ» ناۋقاسىنان ارىلا الماي تۇر. وسى كوبىك، جيىركەنىشتى كوبىك باسىلعان كۇنى حالىق ءوزىنىڭ شىن قالاۋلىلارىمەن جيىرەك تابىساتىن بولادى. ءسىز ايتقان ۇشەۋى مەن عانا ەمەس، كۇللى قازاق ءۇشىن قادىرلى تۇلعالار. اسىرەسە، جۇما-اعاڭ مەن اسەكەڭ - ەشكىم قايتالاي المايتىن قۇبىلىستار. جۇماعاڭ تۋرالى «جەل وتىندەگى تاعدىردا» ماقالام بار ەدى. جەتكىزىپ ايتا الدىم دەمەيمىن، بىراق، نەگىزگى پىكىرىم سوندا. مەن وسى ادامداردىڭ ءوز ءومىرىمنىڭ مازمۇنىنا قاتىسى بولعانى ءۇشىن قۋانام. تۇسىنە العانىما، سىيلاسقانىما ماقتانامىن.

-ءماجىلىس دەپۋتاتتارى تاراپ جاتىر. دەپۋتات بولىپ، ەل ىسىنە ارالاسىپ، ەرەن ەڭبەك ەتكىڭىز كەلمەيدى مە؟
-بۇل جايلى ايتتىم.

-مەنى مازالاپ جۇرگەن ءبىر سۇراق قوي: كوپ ايەل الۋعا قالاي قارايسىز؟ "ناقسۇيەرلەر" باعى جانادى ما ەكەن؟ قازاق قايتسە كوبەيەدى؟

-بۇل تۋرالى دا ايتقانمىن.

-مەيىرحان، مۇشايرالارعا نەگە قاتىسپايسىڭ؟ قاتىسساڭ ماشينا مىنەر ەدىڭ عوي؟ سەنەن مىقتى اقىن جوق، ءبارىن بورىكپەن ۇرىپ الاسىڭ! بالادار ايتقان سوڭ جازىپ وتىرمىن، الماتىداعى ءبىر قىرت اعاڭ.

-نە بار وندا ماعان؟ مىقتىلار قاتىسا بەرسىن.

-ولەڭدەگى ورنەگىڭىز تىم بولەك. پۋبليتسيست رەتىندە دە ايگىلىسىز. اقتوبەنىڭ قازاقى اۋلىنان شىعىپ مول بىلىمگە كەنەلگەن جانسىز. وسىنشالىقتى بايلىقتى قالاي يگەرىپ ءجۇرسىز؟ ءبارىن بايانداپ ايتىڭىزشى: جاستارعا ۇلگى بولسىن، جاسامىستار ويلانسىن.
-كوڭىلىڭدى اللا كوتەرسىن. مەن سونشالىقتى مىقتىمىن دەپ ويلامايمىن. مەندە ساۋات جوق - تۇسىندا وقي المادىم. بىردەڭە ءبىتىرۋ ءۇشىن قاراپايىم عانا نارسە سەبەپ بولادى: جان سەرگەكتەۋ، مي از-مۇز ىستەيتىندەۋ جانە... دۇنيەنى، ادامدى جانىڭ اۋىرىپ ءسۇيۋ كەرەك. سوڭعىسىنا ادامدا تاۋەكەل كەمدەۋ: شىن سۇيۋگە ادام قورقادى - ءسۇيۋ دەگەن اۋىرۋ عوي، ال جان ءتاتتى.

-ءسىزدىڭ ورىس ءتىلىن جاقسى بىلەتىنىڭىزدى، ول تىلدە جاقسى، ساۋاتتى سويلەي الاتىنىڭىزدى بىلەمىز. دەگەنمەن ءبىر اۋدانعا اۋدان بەلسەندىلەرى  بۇرىنعى وبلىس اكىمىمەن بىرگە كەلگەندە باسقالار قازاقشا، ورىسشا ارالاستىرا ءبىراز سويلەدى. كەزەك سىزگە كەلگەندە ەندى قازاق ءتىلىنىڭ شىرايىن اشىپ، مايىن تامىزىپ، شەشەندەرشە كوسىلىپ سويلەيدى دەپ كۇتىپ وتىرعان ەدىم. ءسىز تەك قانا "ۇلى تىلدە" سويلەپ باستاپ، سول تىلدە ءسوزىڭىزدى اياقتادىڭىز. قازاقتىڭ اقىنى رەتىندە وسى قىلىعىڭىز ماعان تىم ەرسىلەۋ كورىندى.باسقالاردان دا بۇرىن سىزگە انا تىلىندە سويلەۋ، انا ءتىلىن ناسيحاتتاۋ قازاق اقىنى، ءوز ءتىلىنىڭ جاناشىرى رەتىندە ەڭ ءبىرىنشى ماقساتتا تۇرۋ كەرەك ەمەس پە؟ ول اۋدان ارينە ورىس ءتىلدى اۋدان بولاتىن. بىراق ول جەردە ورىس تىلىندە سويلەۋ كەرەك دەگەن تالاپ قويىلعان جوق. حالىق تۇسىنبەي ورىسشا سۇراپ جاتسا وندا ءسىزدى تۇسىنۋگە بولار ەدى. الداعى ۋاقىتتا وسىنداي ەرسى قىلىق جاساماۋىڭىزعا تىلەكتەسپىن. جاناشىر ءىنىڭىز.

-ەرسى كورىنسە، ەرنىڭدى تىستە. تۇسىنبەيتىن ورىسقا مەنىڭ قازاقشا سايراعانىمنان نە قايىر؟ سويلەگەن شىعارمىن. راسىنا كەلسەك، مەن پسەۆدوپاتريوت ەمەسپىن. ورىس ءتىلىن ءتاۋىر بىلەمىن. سوسىن ايتقان شىعارمىن. ال، مەنەن ەش كەمشىلىك كورگىڭ كەلمەيتىن نيەتىڭنەن اينالايىن. ءوتىنىشىڭدى ەسكەرەم.

-مەيىرحان، سەن مىقتىسىڭ، جاعىمپازادنۋدى دا مىقتى يگەرگەنسىڭ. باسقا قازاقتىڭ مۇلايىمسىگەنى كورىنىپ قالادى، سەنىكى ادەمى. بايقالمايدى. سونداي مىنەزدى قايدان يەگرگەنسىڭ، ا؟ ءابىش اعاڭنىڭ قول سۇيگەنى تۋرالى دا ايتا كەتشى وسى ورايدا.
ب. باقيان.

- «اركىم ءوز ويىنان حابار بەرەدى». ورىستا «كاجدىي پو سەبە سۋديت» دەگەن بار. مەنىڭ بارىم - وسى. ال ءا.كەكىلباەۆ قول سۇيگەننەن سورلى بوپ قالدى دەپ ويلامايمىن. تولقىعانداعى سەزىمى شىعار. ال سوعان بولا ونى اعاش اتقا مىنگىزگىسى كەلەتىندەر سولارى ءۇشىن وزدەرى ۇيالۋعا ءتيىس. كورىنگەن نارسەدەن پالە ىزدەۋ، «ابايشىلاساق»، «ك...ڭە قاراماي»، دۇنيەنىڭ بارىنە كىر جاعۋ تايىز، پاراساتى كەم پەندەنىڭ ءىسى. مەن پەرىشتە ەمەسپىن، پايعامباردىڭ سوڭى - مۇحاممەد، مەنەن يدەال دامەتپەس بۇرىن كىسى «ك...نە» قاراۋ كەرەك.

-مەيرحان اعا! مەرەي تويىڭىز وتكەنىن بىلمەي قالىپپىز. دەنساۋلىق ءبىرسىن سىزگە اللا تاعالا، باسقاسى بولا جاتار. قۇرمەتپەن، ماسكەۋدەگى ءوزىنىز بىلەتىن ءىنىڭىز.

-راحمەت، اللا رازى بولسىن.

-ەلەۋسىن ساعىندىقوۆ پەن ارحيمەد مۋحامبەتوۆ اراسىندا نە ايرىماشىلىق بار؟ ەكەۋىنە اكىم رەتىندە جانە ادام رەتىندەقانداي باعا بەرەسىز ؟ ويتكەنى ءسىز سولاردى ءجيى كورەسىز، قاراپايىم حالىققا قاراعاندا،شامشىراق جشس-ىڭىز وبلىس اكىمدىگى تاراپىنان قارجالاندىرادى عوي،ياعني ءسىز بيلىكتىڭ قىر سىرىن جاقسى ءبىلۋىڭىز كەرەك.

-بۇل جايلى ايتتىم عوي.

-مەيىرحان ءبىر كەزدەرى ءتاپ-ءتاۋىر تاۋەلسىز ءسوزى بار پۋبليتسيست، ازاماتتىق ۇستانىمى بار اقىن ەدى. قازىر بيلىكتىڭ جاندايشاپتارىنىڭ بىرىنە، جارامساقتارىنىڭ بىرەگەيىنە اينالدى. وسى بىلتىر وبلىس اكىمدىگىنىڭ ءبىر جيىنىندا تاۋەلسىز گازەتتەردى تۇنشىقتىرۋ تۋرالى ايتقان ءسوزى بۇتكىل ينتەرنەتكە تاراپ كەتتى. مەيىرحان، وسىنداي كۇيگە قالاي تاپ بولدىڭ؟ 
-ساۋاتى از-كەم بار كىسى ءۇشىن اقپارات: مەن «تاۋەلسىز» «دياپوزون» مەن «ەۆريكانىڭ» نەمەن اينالىسىپ كەلگەنىن بەتىنە ايتتىم: ولار «اقتوبە» گازەتىن تاراتۋعا بيلىك ارالاسپاسىن دەگەن، ال مەن ولاردىڭ قوياسىن رەسمي وتىرىستا اقتارىپ تاستادىم، سونى ايتا كەلىپ، «سەندەردى ساتىپ الىپ، سەندەردىڭ ايار «شىنشىلدىقتارىڭ» ازدىرىپ بارا جاتقان مىنا سورلى حالىقتى دەنى دۇرىس، سەكس پەن زورلىقتى، ايارلىقتى استارلاپ ناسيحاتتامايتىن «اقتوبە» گازەتىنە، دەنى دۇرىس گازەتتەرگە، قاجەت بولسا، زورلاپ جازدىرۋ كەرەك!» دەگەنمىن. سول (سىزگە ۇنايتىندار) پاقىرلار «بۇل حالىقتى «ەتوت نارود» دەپ قورلادى» دەپ بايبالام سالعان. سەنىڭ ايتىپ وتىرعانىڭ سول شىعار. بىراق، سەنى تۇنشىقتىرۋعا بولادى قولىما تۇسسەڭ (ايارلىقتى ەمدەۋدىڭ  وسىنداي ءتاسىلى بار), گازەت تۇنشىقتىرۋ دەگەن ماعان كەلىڭكىرەمەيدى.

قارسى ساۋال: ەۆرەي جوۆتيسكە ەلىكتەپ جۇرگەن بىرەۋ ەمەسپىسىڭ؟

-قازاقتا قايتقان ادامنىڭ ارتىنان اۋىر ءسوز ايتپايدى. مەنىڭ اۋىر ءسوز ايتقىم كەپ وتىرعان جوق، بىراق، اششى ءسوز اۋىرلاۋ دا بولۋى مۇمكىن. وسى قازاق ءباسپاسوزىن سورلاتقان مارقۇم التىنبەك سارسەنبايۇلى ەدى عوي. ءورىستىلدى باسپاسوزگە، رەسەي باسىلىمدارىنىڭ ەلىمىزدە ەركىن تاراۋىنا دا سول كىسى بارىن سالىپ تىراشتانىپ باقتى. الدە مەن قاتەلەسەمىن بە؟ ساراپشى رەتىندە پىكىر ءبىلدىرىڭىزشى.

-يمانى جولداسى بولسىن ونىڭ. ول ەمەس شىعار. ءبىزدىڭ رەسمي ساياسات شىعار؟ بۇل - ۇلكەن اڭگىمەنىڭ تاقىرىبى. قوزعامالىق. اڭگىمەنىڭ باسىندا ايتتىم - ءبىزدىڭ بيلىكتىڭ كەمباعالدىق كومپلەكسى - مەنىڭ انام ايتپاقشى، «رازۆەدكىنىڭ جامان ورىسىنا (گەولوگ)» جانى قالماي جالباڭدايتىن  قازاقى بيلىكتىڭ  بولمىسى ءالى دە سولاي بوپ تۇر عوي. ايتقانمىن: قازاقتىڭ ءالى قازاققا عانا جەتەدى، قازاق وزىنە ءوزى عانا ءماتىبي. التىنبەكتەن يكونا جاساۋدىڭ دا، ونى داتتاۋدىڭ دا قاجەتى جوق. ازامات ەدى. ودان دا قۇتىلدىق قوي. ءبىز. قازاقتار. ءبارىمىز...

-34-ءشى قوناق، سەن داۋرەننىڭ بىت-شىتىن شىعارماستان بۇرىن اتى-ءجونىڭدى كورسەتىپ جاز. ناعىز قورقاق سەنىڭ ءوزىڭسىڭ! قورقاق بولماساڭ اتى-ءجونىڭدى، ۇيالى تەلەفونىڭدى، ەلپوشتاڭدى ءبارىن كورسەت، سوسىن سويلەسەيىك سەنىمەن. ال، مەيىرحاننىڭ پىكرى وزىندىك پىكىر. مەكەڭ دۇرىس ايتقان، تاۋەلسىز باسىلىمداردىڭ ءبارى ءورىستىلدى باسىلىمدار، ول باسىلىمداردىڭ قوجايىندارى قازاققا قولىن شىعارىپ قانا وتىر. قازاقتى قاڭعىباس دەپ جازىپ جاتىر. قورلاپ جاتىر. وسى ورايدا مەيىرحان اعامىزعا سۇراق: كتك ارناسىنداعى ارتۋر پلاتونوۆ دەيتىن جىگىت تۋرالى، ونىڭ قىزمەتىنەن كەتەكەنى تۋرالى نە ايتاسىز؟ قازاقتىڭ قىرۋار قارجىسىنا شىعىپ جاتقان «ۆرەميا», «كاراۆان», «نوۆوە پوكولەنيە» گازەتتەرى تۋرالى نە دەيسىز؟ وسى اتالعان باسىلىمدار بۇگىنگى قازاق قوعامى ءۇشىن نە ىستەپ جاتىر؟

-مۇنىڭ جاۋابىن جوعارىدان تاباسىز. ال انالار، باياعىدا ايتقانمىن، وزگە ەلدىڭ (بالكىم، ەلدەردىڭ؟) «ىقپال ەتۋ اگەنتتەرى» كۇيىنەن ەش وزگەرگەن جوق. وزىمىزگە رەنجىمەسەك، كىمگە رەنجيمىز؟

-قازاقتا تاۋەلسىز قازاقستان قالىپتاعان ەليتا بار ما؟ ونەر ورتاسىندا، وعان كىمدەردى جاتقىزاسىز؟ قوناەۆ ءداۋىرى مەن نازارباەۆ داۋرەنىنە باعا بەرە كەتسەڭىز. سوڭعىسىنىڭ دا  ءداۋىرى  اياقتالىپ قالعان سىقىلدى.

ايمان

-جوق. ەندى قالىپتاسادى. ارينە، سوعان مۇمكىندىك جاساۋعا، كەدەرگى كەلتىرمەۋگە بيلىكتىڭ مادەنيەتى مەن ساياسي ساۋاتى جەتسە - قاناتىن قىرىقپاسا. ەكى ءداۋ تۋرالى ماقالا  جازۋ كەرەك قوي، وعان زاۋقىم جوق.

-ولجاس سۇلەيمەنوۆ، اۋەزحان قودارلاردىڭ وزگە ورتاعا بارىپ قازاقتى تۇقىرتۋىن قالاي تۇسىندىرەسىز؟

قازاقتىلدى زيالى قاۋىم نەگە قاۋقارسىز؟
و باستان قاۋقارلى ما؟
الماتىدان اقتوبەگە تارتۋىڭىزعا تەك قانا ەلدەگى ەكونوميكالىق احۋال سەبەپ بولدى ما؟
اقتوبەدە ءسىزدىڭ جۇماتاي قۇساپ ءوز قاعاناتىڭىزدى قۇرۋ مۇمكىندىگىدىڭىز بار ەدى، نەگە تىمتىرىسسىز؟

سامال، بەرىك. استانا

-ولار - ءوز التىن ورداسىنان كەتىپ قالعاندار. تاريح قايتالانىپ تۇر: ورىس كىنازدەرى كىنازدىك قۇرۋ ءۇشىن التىن وردا حانىنىڭ ەتىگىن ءسۇيىپ، اتىن جەمدەۋگە ءتيىس بولعان زاماندار تۇسىندا دالا ەليتاسى ورىس قالالارىنا كەلدى. بويارلارىڭىز - سولار. ولار دالالىق بولمىستى ۇمىتتى. اقىرى، «التىن وردا» قۇلادى. وزگە مادەنيەتتىڭ اياسىنداعى ادام سەنىڭ قازاعىڭدى تۇسىنبەيدى، ءارى سولاي ءومىر ءسۇرۋ، ءسوز سويلەۋ ولار ءۇشىن وتە جايلى.

P.S. مەن ەكەۋىن دە قادىرلەيمىن، ەكەۋىمەن دە دوسپىن. بىراق، «حوروشا ماشا، دا تولكو نە ناشا!». ولجەكەڭ اقتوبەگە كەلگەندە مەنىڭ ءبىر كەزدەرى سولاي ء(وزى تۋرالى) جازعانىمدى كۇلىپ ەسكە الدى. ال مەن «نەپراۆدا چتو لي؟» دەدىم. كۇلدى دە قويدى. ولار ناتۋراليزاتسيادان تولىق وتكەن ادامدار - سە ليا ۆي! وكپەلەمەۋ كەرەك ولارعا - تاعدىرى سولاي ولاردىڭ. بولاشاقتا كۇللى قازاق سولاي بولىپ كەتپەسىن دەپ تىلەڭىز.

قازاقى زيالى قاۋىم باسىنان-اق قاۋقارسىز ەدى - كەڭەس ۇكىمەتى ونى سەمىز مالاي قىپ ۇستادى. بۇل ىڭعايلى: كەڭەس ۇكىمەتى قانداي جاقسى - ۇلتتىق ادەبيەت بار، ونەر بار... ت.ت. دەۋ ءۇشىن. ءبىز - وتار ەل ەدىك. الگىگە كونبەگەندەر ءومىر سۇرە المادى. امالسىزدان ميتىڭعا كوشكەن، اياعىنداعى كىسەنى دەنەسىنە كىرىگىپ كەتكەن، بىراق، ۇلتتىڭ قولدا بارى بولعان توپقا قانداي وكپە جۇرەدى.

- اقتوبەگە اقىماقتىق الىپ كەلدى - سو زاماندا كىسى رومانتيكا قۋىپ وسىندا كەلە مە؟ كەلدىم. كەلگەنىمە قۋانام - از-مۇز شارۋا تىندىردىم.

- جۇماعاڭ زامانىندا رومانتيكا بار ەدى، قوعام باسقا ەدى. مەن؟.. مەنىڭ قولىمنان ول كەلمەيدى. ال ءۇنسىز قالۋ دا - پوەزيا. وزىڭمەن ءوزىڭ سويلەسىپ جۇرە بەرەسىڭ، جەر بەتىندە جۇرگەن قۇدايدىڭ قۇمىرسقالارىنىڭ تىرلىگىن قىزىقتايسىڭ. «مەن دە قۇمىرسقامىن!» دەيسىڭ. مىنا جۇرت سەنى تۇسىنە المايدى. سەبەبى، ۋاقىتى جوق.

-ساراپشىلار اقتوبەدە سوڭعى 9 جىلدا ەكى رەت رەۆوليۋتسيا بولعانىن، ءسويتىپ، وبلىس اكىمى ەكى رەت اۋىستىرىلعانىن، ونىڭ ەلدىك دەڭگەيگە كوتەرىلۋى ىقتيمال ەكەنىن ايتادى. ءبىرىنشىسى ەرمەك يمانتاەۆ كەزىندە، سوڭعىسى ەلەۋسىن ساعىندىقوۆتىڭ باسىنداعى "شۇبارشي" وقيعاسى. وعان كىمنىڭ قاتىسى بار، نە زاڭدىلىق؟ ءسىز ساياساتتاعى ىقپالدى ادامداردىڭ ءبىرىسىز عوي.

-رەۆوليۋتسيادان ساقتاسىن، بولعان جوق ول. ءتوندىرىپ، اقتوبەشە ايتساق، قاپىلدىرىپ سويلەۋدىڭ قاجەتى جوق. ساراپشىلارعا قاتىستى پىكىر: «ءار مولدا بىلگەنىن وقيدى». ەرمەك تە، ەلەكەڭ دە ءارتۇرلى سەبەپتەرمەن كەتتى عوي دەپ ويلايمىن. ەرمەك ءسال «ءبۇلدىرىپ» الدى، ال ەلەكەڭ (ساعىندىقوۆ) تۋرالى ايتتىم - ول وتە قادىرلى ادام، اقتوبەدەن اسقاق ابىرويمەن كەتتى. قۇداي بەرگەن قادىردى پەندە تارتىپ المايدى، ەل-اعاڭ اللا ابىروي بەرگەن، ءىرى تۇلعالىق دەڭگەيگە كوتەرىلگەن ازامات.

شۇبارشيگە بايلانىستى ايتتىم.

P.S. مەنىڭ ساياساتقا ەش ىقپالىم جوق - مەنى ەشكىم تىڭدامايدى (وقىمايدى), «فورمالدى ەمەس اقساقاليتەتتىڭ» قۇرامىندا جوقپىن. سوڭعىسى - قىجىرتۋ دەپ قانا ۇعىڭىز.

-مەيىرحان، امان-ەسەن بارمىسىڭ؟
وسى سەن جەلتوقسان وقيعاسى كەزىندە برەجنەۆ الاڭىنا قالاي تاپ بولدىڭ؟ قىزىقتاپ باردىڭ با، جوق الدە قارسىلىعىڭدى ءبىلدىرىپ ارنايى باردىڭ با؟
تاياق جەپ، سىنىپ-قيراپ، تۇرمەدەن سوڭ بالنىسكە دە جاتا الماي، پالەنباي اي ۇيىڭدە، توسەكتە جاتتى دەپ ءبىلىپ وتىردىق.
سوسىن پارتيادان، قىزمەتتەن قۋىلىپ دالادا قالدىڭ. سول كەزدەگى باستىعىڭ ف.وڭعارسىنوۆا سەنى قورعاپ، ادىلدىك ىزدەي الدى ما؟
سوسىن نان تابۋ ءۇشىن ءبىر مەكەمەدە كۇزەتشى بولىپ، ءبىرازداسىن سول جەرگە زاۆحوز بولدىڭ.
سول جىلدارداعى ءومىرىڭ مەن قازىرگى ءومىرىڭ جەر مەن كوكتى، قۋانىش پەن قاسىرەتتى سالىستىرعانداي ەمەس پە؟
ساعان ءومىرىڭنىڭ قاي كەزەڭى ىستىق؟
بارلىققا، مامىراجاي تىرلىككە نە جەتسىن. بار بول، باقۋاتتى بول! اقىنجاندى جۇبايىڭ ايجۇماڭمەن كورەر قىزىقتارىڭ مول بولسىن!
سەنى، پوەزياڭدى قۇرمەتتەۋشى مىرزاجانتەگى

-ول تۋرالى بىرنەشە رەت ايتقانمىن (گازەتتەردە، تەلەديداردا، كىتاپتا), قايتالاعىم كەلمەيدى. جانىم اۋىرعاسىن باردىم. «قازاقتىڭ رۋحى ءتىرى ەكەن عوي!» دەپ كوزىمە جاس الدىم (جۇماباي شاشتايۇلى كۋا). قالعانى ەرلىك ەمەس - تاياق جەدىم، ەكى قابىرعام سىندى، ەكى كۇننەن سوڭ پارتيا ۋستاۆىنا قايشى تۇردە بىردەن پارتيادان شىعاردى. اپاما وكپە جوق - سول كىسىنى قينامايىن دەپ جۇمىستان كەتتىم. «ارايدا» زاۆحوزدىققا ازەر الدى، ت.ت. ول قازىر كىمگە كەرەك؟

شىنايى نالا وشپەيدى: مەن ول قورلىقتى كوزىم جۇمىلعانشا ۇمىتپايمىن. جەكە باسىمنىڭ جۇمىسسىز قالعانىم، ت.ت. ەمەس: مەن تۇتاس ۇلتتىڭ سورلىلىعىن، دارمەنسىزدىگىن، ۇلت قادىرلىلەرىنىڭ بەيشارالىعىن، قوي عۇرلى تۇياق سەرپە المايتىن مۇشكىل ءحالىن كوردىم. كورمەۋىم كەرەك ەدى.

- اۋىلدا قوي باعىپ، تراكتور ايداپ جۇرگەن كەزىم: قۋلىق-سۇمدىق تا، ەسەپ-قيساپ تا جوق، قازاقى، بىراق، دارمەنسىزدەۋ باۋىرمالدىق پەن قيماستىق بار ەدى، ادال ورتا بار ەدى.

راحمەت. مەن قازىر «باردىڭ» قاتارىنا جاتاتىن بولۋىم كەرەك: ءتورت ۇل، ءۇش كەلىن، ءۇش قىز، ەكى كۇيەۋ بالا، ون بەس شاقتى نەمەرەم بار. بۇعان ساناۋلى دوستارىمدى قوسىڭىز. شۇكىر اللاعا!

-ماكەڭنىڭ قازاق حالقىنىڭ الدىندا ارى تازا ەكەنىن بىلەمىز. ايتارىن ايتا الدى. ادەبيەتكە دە ادال. تالاي ويتۇرتكى بولار ماتەلدەرىن رەتىنە قاراي ءسوزىمىزدى تۇزدىقتاپ كەلتىرىپ جۇرەمىز. الپىس جاستا جاڭاشا سەرپىنمەن پىكىرلەر الاڭىنا شىعۋىنا، ءاردايىم ءداۋىر ءسوزىن سويلەۋىنە تىلەكتەسپىز. ماكە، امان بولىڭىز!بىزدەي تىلەۋلەس اقىن ىنىلەرىڭىز كوپ قوي. كەزىندە شىعارماشىلىعىمىز تۋرالى شىنايى پىكىر ءبىلدىردىڭىز. قازىر كىمدەردى وقىپ ءجۇرسىز؟ سوڭعى وقىعان كىتاپتارىڭىز قانداي جانە كىمدەردى وقۋعا كەڭەس بەرەر ەدىڭىز؟

-اللا رازى بولسىن! مەن، بىراق، ءوزىمدى كەرەمەت كىسى دەپ، بىردەڭە تىندىردىم-اۋ دەپ ويلامايمىن. كەرىسىنشە، مىنا جالعاننان قولىمنان انىق كەلەتىن شارۋالاردى تىندىرا الماي ءوتىپ بارامىن-اۋ دەپ ويلايمىن - ءوزىمدى الداعىم كەلمەيدى. راحمەت.

-اسسالاۋماعالايكۇم مەيىر اعا! پروۆينتسيادا مىقتى گازەت شىعارۋعا بولاتىنىن "التىن وردا" ارقىلى دالەلدەپ ەدىڭىز. ودان نە سەبەپتى كەتكەندىگىڭىزدى دە شامالايمىن. قازىر تاۋەلسىز گازەت شىعارۋ تۋرالى ۇسىنىس جاسالسا نە ىستەر ەدىڭىز؟
مۇرات، قىزىلوردا.

-ونداي ۇسىنىس ءبىزدىڭ قوعامدا مۇمكىن ەمەس: اقشاسى مولدار «ساياسي فۋتبول» ويناپ، مۇددەسىنە بولا گازەت (جۋرنال، TV. ت.ت.) شىعارۋى مۇمكىن، وعان بارمايمىن - وسى كەزگە دەيىن ىستەمەگەنىمدى ىستەپ، قاي اقشالى - اقىلسىزعا («اقىماقتىڭ اقىلى - قۋلىق»، ال قۋلىق اقىل ەمەس!) يتارشى، «تۋ كوتەرۋشى» بولام، بولا المايمىن. وزىمدە اقشا جوق. بولعان كۇندە دە، «ءار نارسەنى ءوز ەسىمىمەن اتاۋعا» كىرىسسەم، مەنىڭ ونداي ەركەلىگىمدى مىنا قاۋىم كوتەرە المايدى.

-بۇرىن نۇرتورەمەن قىرعيقاباقتاۋ بولدىڭىز. جۇسىپبەكپەن دە ءسوزىڭىز جاراسپاي قالىپ ءجۇردى. قازىر وسى ازاماتتارمەن اراقاتىناسىڭىز قالاي؟

-جو-وق، مەنىڭ ولارمەن شاتىسقان ەشتەڭەم جوق، پىكىرىم قيعاش كەلدى، سولاردىڭ كەمشىلىگىن كورگىم كەلمەگەننەن اششى-اششى سوزدەر ايتتىم. بىلگەنگە مىناۋ: ادام ادامعا جاقسى كورگەندىكتەن دە رەنجيدى - جاماندىعىن كورگىسى كەلمەيدى. قازىر رەنجىمەيمىن،  جىگىتتەردىڭ بارى - سول. بىراق، قازاققا اۋليە بولىپ كورىنۋ ءۇشىن سول دا جارايدى. سول سەبەپتى، ولار - الاشتىڭ قادىرلىلەرى عوي. تۇك كەكەتىپ وتىرعام جوق، امان-ەسەن جۇرە بەرسىن ەكەۋى.

-مەيىرحان اعا، وتكەن مەرەيتويىڭىزبەن قۇتتىقتايمىن!  مەرەيتويىڭىز تۋرالى  باسپاسوزدە  نەگە كەڭ جازىلمادى؟ دەپ سۇراپتى بىرەۋلەر. سول جازىلماعانى دۇرىس پا دەيمىن. ودان دا قازىر جاساپ جۇرگەن شارۋالارىڭىز تۋرالى بىلگىمىز كەلەدى. ءسىزدىڭ تەرەڭ ويلى، مايەكتى ويلارىڭىزسىز باق كەڭىستىگى ويسىراپ تۇر.

-مۇنىڭ جاۋابىن بەردىم.

-ماكە! 1) بۇگىنگى ۇلت زيالىلارىن بىرىكتىرەتىن يدەيا، مۇرات قانداي؟ 2) كەڭەستىك جازۋشىلار وداعىنىڭ فورماسى مەن مازمۇنى ساقتالىپ قالعانعا قالاي قارايسىز؟ 3) ايماقتارداعى قالامگەرلەردى توپتاستىراتىن، بىرىكتىرەتىن قانداي رۋحاني كۇش بار؟ 4) جەرگىلىكتى ۇلتى از وبلىستارداعى دەموگرافيالىق ماسەلەنى قالاي شەشەمىز؟ 5) ءبىز نەگە دىننەن اداسقان بالالارىمىزدى ءولتىرىپ الدىق؟ الدىن الۋعا بولماس پا ەدى؟ 6) بيلىكتەگى  ازاماتتارعا ءسوزىن وتكىزەتىن  زيالىمىز بار ما؟
بەكتۇر

- 1) «يدەيا بار ەكەن!» دەپ بىرىگە قوياتىن زيالىڭدى كورە الماي تۇرمىن. بولسا، يدەيا كوپ. بىراق، زيالى قايدا؟ بۇل ءۇشىن اۋەلى زيالى قاۋىمنىڭ ءوزىنىڭ دەڭگەيى ءوسۋى كەرەك. ءوستىم دەۋشىلەر بولسا، ەكسپەريمەنت جاساپ كورەيىك: ماسەلەن، ناعىز قازاق حالقىنىڭ قازىرگى دەڭگەيى (ساياسي، سانالىق، كاسىبي، مادەني، ت.ت.) قاي جەردە - سونى انىقتاپ الىپ، ۇلتتىڭ (مەملەكەتتىڭ ەمەس!) دامۋى ءۇشىن ەستى، كەشەندى باعدارلاما جاسايىق، سونى جۇزەگە اسىرايىق! مىنە، يدەيا! زيالى قايدا؟

2) جو-نىڭ ءوزى كوممۋنيستىك جوبا بولاتىن، مۇددەسى - ىڭعايعا كونەتىن دارىندىلاردى «سەمىز مالاي» ەتىپ ۇستاۋ، سۇيەككە تالاستىرىپ قويۋ. بىزدە جازۋشىلاردىڭ كاسىپوداعى عانا بولۋعا ءتيىس، ال ءبىز ءالى باياعىشا ىستەگىمىز كەلەدى. رەنجۋدىڭ رەتى جوق: بىزدە كوممۋنيستىك ۇلگىدەن وزگە تاجىريبە جوق، «كون قاتسا، قالىبىنا بارادى»، قازىر بارلىق سالادا جان قينالعان كەزدە بۇرىنعى تاجىريبەنى تۇتىنۋ، سوعان جۇگىنۋ بار. سەبەبى، ءبىز پاقىردا كەڭەستىك «ءومىر سالتىنان» وزگە تاجىريبە دە، سونى وزگەرتۋ كەرەك-اۋ دەگەن تۇسىنىك تە جوق. بۇل دا سونىڭ جەمىسى. جو-نى ايتام.

3) ازىرگە جوق. قالامگەرلەردىڭ ءبارى لاۋازىمدىلاردى جاعالاپ، سولاردىڭ تارالعىسىنا بايلانىپ كەتتى: اكىمگە، مينيسترگە ءولىمىن ۇرىپ ءجۇرىپ ۇناپ، اتاق، وردەن، مەدال، گراموتا، ت.ت. السام، بالاما قىزمەت، بيزنەس اپەرسەم دەگەن «زار-كۇي» بارىندە. ءبىز پاقىردى دا سوعان قيساڭىز، قوسىڭىز: بالا-شاعا بار، «بۇلبۇلدىڭ دا جەمساۋى بار» دەگەندەي. راسى وسى عوي. قازىر قالامگەردىڭ، ونەر، مادەنيەت، ت.ب. قايراتكەرلەردىڭ «قۇنىن» اكىم، مينيستر ءھام سونىڭ اينالاسى بەلگىلەيدى - مەم.ناگراداعا ۇسىناتىن سول، ت.ت. پوچتي، ساحابا سول. ونەردىڭ، رۋحاني قازىنانىڭ،  كۇللى ءىستىڭ ولشەمى سول اكىمنىڭ (شەنەۋنىكتەردىڭ) سانا، ءبىلىم، بىلىك دەڭگەيىنە بايلانىستى. ەگەر اكىم (شەنەۋنىك) از-مۇز ساڭىلاۋى بولسا، ونەردى، ادەبيەتتى، جالپى رۋحي، رۋحاني نارسەنى از-كەم دە بولسا تۇسىنسە (ماسەلەن م.قۇل-مۇحامەد سياقتى، ەڭ بولماسا) جاقسى، ال... «تۋپوۆاتىي، نو جۋليكوۆاتو-ناحالنىي» بولسا شە؟! سورلايسىڭ عوي. ءبىز كوبىنە وسى سەبەپتەن سورلاپ تۇرمىز. ولجاستىڭ ولەڭىندە بار: «ساپوجنيك ۆسەم شيل ساپوگي پود سۆوي رازمەر» دەيدى. سول ولەڭنىڭ سوڭى «ەندى كۇللى اۋىل بوپ، باس كيىم تىگۋشىلەردىڭ ماڭدايى سونشا قۋشىق، ەتىكشىلەردىڭ اياعى سونشالىقتى شاعىن بولماعاي دەپ قۇدايعا جىلاپ ءجۇرمىز» دەپ بىتەدى. بىزدەگى شەنەۋنىكتەردىڭ ماڭدايلارى جارتى قارىس، اياقتارى تالىستاي. بىراق، ولجاس ايتىپ وتىرعان نارسە باسقا عوي! ءتۇسىن، بىراق، شەنەۋنىكتەرگە تۇسىندىرمە استارىن، كۇن كورسەتپەيدى. وعان «سۇلتان-يەم...» دەي بەر. جاعداي بارلىق جەردە وسىلاي: شەنەۋنىكتىك ولشەمدەگى قورتىق مادەنيەت (كىمنىڭ «مادەنيەت قايراتكەرى» بولىپ جۇرگەنىن باقىلاڭىز) قالىپتاسىپ وتىر... ءھام ءدال سونداي «رۋحاني كۇش». «كاكوۆ پوپ، تاكوۆ ي پريحود». ءبارى ەمەس، ارينە، قىرىمبەك، يمانعالي، باقتىقوجا، بەردىبەكتەر بار، سوعان توبا.

4) ايتتىم: قاتىننىڭ بالا تابۋ ءۇشىن جارالعانىن بارلىق كوشەلەرگە جارناما ەتىپ ءىلىپ قويۋ كەرەك، پليۋس، ەركەكتەر و باستاعى ەركەكتىك بولمىسقا قايتىپ ورالسىن.

5) بۇعان جاۋاپ بەرگەنمىن.

6) زيالىنى تىڭدايتىن، سونىڭ ارتىق، اششى ايتقانىن كوتەرۋگە تەكتىلىگى، مادەنيەتى جەتەتىن بيلىك تۋرالى سۇراۋ كەرەك...

-ماكە، وسى كونفەرەنتسيا بارىسىندا سوڭعى جازعان جىرىڭىزدى وقىعىمىز كەلەدى.

-وقىمايمىن.

-كەزىندە "التىن وردادا" ادەبيەت تۋرالى قىزىقتى جازدىڭىزدار. كاسىبي اڭگىمە. ويتكەنى گازەتتىڭ كاسىبي ادامداردى سويلەتۋ ءداستۇرى بولدى. بۇگىن "سىن جوق" دەپ ءبارى زار يلەيدى. سىندى كاسىبي دامىتۋ، ادەبيەت تۋرالى اڭگىمەنى جۇيەلى تۇردە جۇرگىزۋ ادەبي باسىلىمداردىڭ تىكەلەي مىندەتى. سىزدىڭشە، بۇل مىندەت نەگە ورىندالماي وتىر؟ الدە مۇنداي اڭگىمەگە جازۋشىلار وداعى باسشىلىعى مۇددەلى ەمەس پە؟

-مۇنى ءوزىڭىز ءبىلىپ وتىرساڭىز، ماعان نەعىل دەيسىز؟

-سۆەتقاليمەن قالايسىز؟ بەرەر باعاڭىز قانداي؟ قانداي اقىن، قانداي ازامات؟

-سۆەتجان ءبىزدىڭ وتە ءىرى، تابيعي دارىن. ءۇش تومدىعى شىقتى بىرەر جىل بۇرىن. ءتانتىمىن. بۇل - جۇرت بىلەتىن اقيقات-اۋ دەپ دامەلەنەم. ءبىزدىڭ ساناسى توڭقايىپ، استى ۇستىنە شىعىپ كەتكەن زاماندا بولماسا، ءبىز ماڭدايعا باسارلىق دارىندار بار عوي. سۆەت سونىڭ ءبىرى. ءبىرى عانا.

-سوناۋ 80-ءشى جىلدارى ابىش(اۋباكىر قايران), امانحان الىممەن بىرگە سىرا ءىشۋىشى ەدىك. ول كەزدە مەن ستۋدەنتپىن. ءسىز جوقتا ءسىزدى امانحان ءولتىرىپ جامانداۋشى ەدى ابىشكە، ال ءابىش جاقتاۋشى ەدى. ول كەزدە مەن تىڭداۋشىمىن. ءالى كۇنگە ابىشپەن دوس ەكەنىڭىزدى بىلەمىن، ال امانحانمەن قالايسىز؟

-ءوزىمدى جامانداعانداردى قاتتى ۇناتام، سىيلايمىن. جامان بولسام، نەسىنە جاماندار ەدى. ولار سونىسىمەن مەنىڭ «مەن دە ءتاۋىر شىعارمىن!» دەگەن ءالجۋازداۋ سەنىمىمدى نىعايتا تۇسەدى. ال سەن تىڭشى بولما. بولساڭ، ارنايى قىزمەتكە كىر. ەكەۋىن دە جاقسى كورگەنمىن، ءالى جاقسى كورەم. ايني سالاتىن قاتىن ەمەسپىن عوي. (ۇلى ايەلدەر كەشىرسىن، اڭگىمە ولار جايلى ەمەس!).

-ءسىزدىڭ مىقتى پۋبليتسيست، ءبىلىمدى، العىر، تاباندى ازامات ەكەنىڭىزگە تالاسىم جوق، بىراق جۇرت ءسىزدى مىقتى اقىن دەيدى، ال مەنىڭ وعان زور كۇمانىم بار. ولەڭدى قولدان قيىنداتىپ، قۇراستىرۋ، جاساۋ بار، ول انىق بايقالىپ تۇرادى.

-جۇرت ايتا بەرەدى بەرەدى - مىقتى ەمەسپىن. ءوزىڭ سول بايقاعانىڭنان تانبا. سول دۇرىس. شىن ايتام.

جالعاسى بار

«اباي-اقپارات»