قر پرەمەر-ءمينيسترى اسقار مامين ەلىمىزدە كارانتيننىڭ ۇزارتىلۋىنا بايلانىستى تاعايىندالعان 42 500 تەڭگە كولەمىندەگى كومەكتى ناقتى كىمدەر الاتىنىن ايتتى.

"مەملەكەت باسشىسىنىڭ تاپسىرماسى بويىنشا شەكتەۋ شارالى كەزىندە تابىسىنان ايىرىلعاندارعا الەۋمەتتىك جاردەماقى ەڭ تومەنگى جالاقى مولشەرىندەگى 42 500 تەڭگەنى ءبىر ايعا تولەۋ جونىندە شەشىم قابىلداپ وتىرمىز. تولەم كارانتين شارالارىنىڭ كۇشەيتىلۋىنە بايلانىستى جۇمىسى شەكتەلگەن جۇمىس بەرۋشىلەردىڭ، جەكە كاسىپكەرلەردىڭ جانە ءوزىن-ءوزى جۇمىسپەن قامتىعاندار ءوتىنىمى نەگىزىندە جۇرگىزىلەدى", - دەدى ول ۇكىمەت وتىرىسىندا.

سونداي-اق، اسقار مامين ەڭبەك جانە حالىقتى الەۋمەتتىك قورعاۋ مينيسترلىگىنە تاپسىرما بەردى.

"ەڭبەك مينيسترلىگىنە توتەنشە جاعداي كەزەڭىندەگىدەي ازاماتتاردىڭ جەكەلەگەن ساناتتارىنا ازىق-تۇلىك ونىمدەرىنە جانە اقشالاي كومەك بەرۋدى جالعاستىرسىن. بۇل - 1 ميلليوننان استام ادام", - دەدى ۇكىمەت باسشىسى.

ايتا كەتەيىك، كەشە مەملەكەت باسشىسى قاسىم-جومارت توقاەۆ ەلىمىزدە كارانتين تاعى ەكى اپتاعا سوزىلاتىنىن جانە مۇقتاج جاندارعا 42 500 تەڭگە بەرىلەتىنىن ايتقان ەدى.

Abai.kz