قر قورعانىس ءمينيسترىنىڭ ورىنباسارى باقىت قۇرمانباەۆ قايتىس بولدى. بۇل مالىمەتتى مينيسترلىكتەگىلەر راستادى.

ءولىمنىڭ سەبەبى ناقتى ايتىلمادى. ۆەدومستۆو وكىلدەرى كەيىنىرەك مالىمەت بەرۋگە ۋادە بەرگەن.

باقىت قۇرمانباەۆ بۇل قىزمەتكە 2019 جىلدىڭ ساۋىرىندە تاعايىندالعان بولاتىن.

باقىت قۇرمانباەۆ 1970 جىلى 21 قىركۇيەكتە وسكەمەن قالاسىندا دۇنيەگە كەلگەن. ۇيلەنگەن، ەكى بالاسى بار.

1993 جىلى ءال-فارابي اتىنداعى قازاق مەملەكەتتىك ۋنيۆەرسيتەتىنىڭ فيزيكا فاكۋلتەتىن بىتىرگەن. 2005 جىلى رف قۇرلىق اسكەرلەرىنىڭ اۋە شابۋىلىنا قارسى قورعانىس اسكەري اكادەمياسىندا ءبىلىم الدى. 2008 جىلى رەسەي فەدەراتسياسى قك باس شتابىنىڭ اسكەري اكادەمياسىنىڭ جوعارى اكادەميالىق كۋرستارىنان ءوتتى.

ءار جىلدارى فيزيكا ءپانىنىڭ مۇعالىمى، قورعانىس مينيسترلىگىنىڭ شتاب باستىقتارى كوميتەتى دەپارتامەنتىنىڭ باسقارما باستىعى بولىپ جۇمىس ىستەدى.

ءىى دارەجەلى "ايبىن" وردەنىمەن ماراپاتتالعان، گەنەرال-مايور.

Abai.kz