سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆ تسيفرلىق دامۋ جانە ءبىلىم جانە عىلىم مينيسترىلىگىنىڭ قىزمەتكەرلەرىنە قاتىستى قىلمىستىق ءىس قوزعالعانىن مالىمدەدى.

اگەنتتىك باسشىسى پاندەميا بارلىق مەملەكەتتى، مەملەكەتتىك باسقارۋ جۇيەسىن جانە قالىپتاسقان بيزنەس-پروتسەستەردى قايتا قالىپتاستىرۋ ارقىلى ناقتى ماسەلەلەردى شەشۋگە عانا ەمەس، سونداي-اق وزگەرىستەردى ءتيىمدى باسقارۋعا شىنداپ ويلانۋعا اكەلىپ سوققانىن اتاپ ءوتتى.

"بۇگىندە الەمدە مەملەكەتتىك باسقارۋدى جەدەلدەتۋ، تسيفرلاندىرۋ ماسەلەسى وزەكتى. كوروناۆيرۋسپەن كۇرەسۋدىڭ ۇزدىك تاجىريبەلەرىن تالداۋ وڭتۇستىك كورەيا مەن سينگاپۋر سياقتى دامىعان جانە ناقتى جۇمىس ىستەيتىن مەملەكەتتىك ەلەكتروندىق سەرۆيستەرى بار ەلدەر پاندەميانى تەز ارادا جەڭۋگە بولاتىنىن كورسەتتى.

سوندىقتان ءبىز بيۋدجەت قاراجاتىن جىمقىرۋعا جول بەرمەي، "تسيفرلىق قازاقستان" مەملەكەتتىك باعدارلاماسىن ىسكە اسىرۋعا بارىنشا دەن قويۋىمىز قاجەت. وسى تۇرعىدا قازىرگى ۋاقىتتا تسيفرلىق دامۋ جانە ءبىلىم جانە عىلىم مينيسترلىكتەرىنىڭ جوعارى لاۋازىمدى تۇلعالارىنا قاتىستى تسيفرلاندىرۋ بويىنشا ەكى قىلمىستىق ءىس بويىنشا تەرگەۋ جۇرگىزىپ جاتقانىمىزدى مالىمدەگىم كەلەدى", - دەدى شپەكباەۆ جارتى جىلدىقتىڭ قورىتىندى بويىنشا اگەنتتىكتىڭ القا وتىرىسىندا.

Abai.kz